Éxodo 3:22 - Chayahuita (Shahui)

²² Yaꞌipi israironoꞌsaꞌ, Iquipito sanapiꞌsa paaparahuatonaꞌ, maꞌsha paꞌton nipisopita natantaponaꞌ: Oro quëran, prata quëran, inapita quëran nipisoꞌ maꞌpataponaꞌ. Aꞌmocaisontaꞌ, maꞌpataponaꞌ. Inaquë huaꞌhuina aꞌmotapi huachi. Yaꞌipi natantopisoꞌ quëtaponaꞌ. Co manta apiraponahuëꞌ. Inapotatona iquipitoroꞌsa nanquianaponaꞌ,” itërin.

Éxodo 3:22 ပူးပေါင်းရင်းမြစ်များ

Génesis 15:14

Cariso nipirinhuëꞌ, aparisitërinsopita anaꞌintarahuë. Ina piquëran shiparinpita, noya chaꞌëponaꞌ. Maꞌhuanoꞌsa pipiponaꞌ.

Génesis 24:53

Ina quëran notohuaroꞌ maꞌsha quëninsopita oꞌquirin. Oro quëran, prata quëran, ina quëranpita nipisoꞌ, Nipica nicanarin. Aꞌmocasontaꞌ, paꞌton nininsopita quëtërin. Aꞌshin, yoꞌin, inapitanta notohuaroꞌ maꞌsha paꞌton nininsopita quëtërin.

Salmos 105:37

Inapotaton piyapinënpita Iquipito quëran ocoirin. Inapitasoꞌ orohuanatonaꞌ, pratahuanatonaꞌ, maꞌhuanoꞌsa pipipi. Papona pochin co manta onpopihuëꞌ.

Éxodo 11:2

Iporaso nipirinhuëꞌ, israiroꞌsa ayonquiquë iquipitoroꞌsa maꞌsha maꞌpainaꞌ. Yaꞌhuëpiso pirayan yaꞌhuëpisopita, paꞌton nininso maꞌsha natainaꞌ. Oro quëran, prata quëran, inaquëranpita nipisoꞌ maꞌpachinaꞌ,” itërin.

Isaías 33:1

Aꞌnaquëmasoꞌ, piyapiꞌsa ahuëatoma ataꞌhuantëramaꞌ. Aꞌnaquëmantaꞌ, nonpintatoma maꞌsha onpotëramaꞌ. Aꞌnapita inapotopiramahuëꞌ, co canpitaso inapotërinënquëmahuëꞌ. Ataꞌhuantërama piquëran, canpitanta ataꞌhuantaponënquëmaꞌ. Nonpintatoma piyapiꞌsa maꞌsha onpotërama piquëran, canpitanta inapotaponënquëmaꞌ.