Éxodo 3:20 - Chayahuita (Shahui)

²⁰ Chiníquën nanantato, maꞌsha paꞌpi huëhuëpiro nininsopita aꞌnoarahuë. Iquipitoroꞌsa ataꞌhuantochináchin anaꞌintarahuë. Naporo huarëꞌ aꞌparinquëma huachi.

Éxodo 3:20 ပူးပေါင်းရင်းမြစ်များ

Génesis 15:14

Cariso nipirinhuëꞌ, aparisitërinsopita anaꞌintarahuë. Ina piquëran shiparinpita, noya chaꞌëponaꞌ. Maꞌhuanoꞌsa pipiponaꞌ.

Nehemías 9:10

Iquipito copirnonta anaꞌintaton, nani maꞌsha paꞌpi huëhuëpiroꞌ nininsopita aꞌnotëran. Piyapinënpitarë chachin anaꞌintaton, napotëran. Israiroꞌsa co quëꞌyatonaraihuëꞌ aparisitapi niꞌton, anaꞌintaton, napotëran. Inapoaton iporasoꞌ, sacóshin nahuinan.

Salmos 105:27

Iquipitoroꞌsa niꞌtonënaquë nisha nisha huëhuëpiro nininsopita aꞌnopi. Camo itopisoꞌ noꞌpaꞌ maninquë inapopi.

Salmos 105:38

Paꞌpisoꞌ nicatona iquipitoroꞌsasoꞌ, nóya cancantopi huachi. Nani maꞌsha onpoatonaꞌ, paꞌpi paꞌyanpirinahuëꞌ.

Éxodo 11:1

Naporo chachin Yosëri, Moisësë itaantapon: “Aꞌnaroíchin huachi Iquipito copirno, piyapinënpitarë chachin anaꞌintarahuë. Ina piquëran aꞌpaponquëmaꞌ. Inaora chachin nontaponquëma pipimiatamaso marëꞌ.

Éxodo 12:39

Iquipitoroꞌsari yaꞌhuëpi quëran pipicaisoꞌ amanotopi. Napoaton, co caracaiso tëranta anpiaponaraihuëꞌ, pipipi. Napoaton pan co ahuëpocatopinanhuë nicacaiso marëꞌ tapapisoꞌ mapi. Masahuatonaꞌ, huancopi anpipi huachi.

Éxodo 15:11

Co insonta Sinioro quëma pochin nininhuëꞌ. Quëmasáchin noya noyanquën. Chini chiníquën nanantëran. Anaꞌintacaso marëꞌ paꞌpi huëhuëpiro nininsopita maꞌsha aꞌnoran. Napoaton yaꞌipiya quëran chinochinën.

Éxodo 15:6

Sinioro. Ma noyacha ninan paya. Chini chiníquën nanantaton, inimicoroꞌsa paꞌsa paꞌsatëran.

Éxodo 4:21

Coꞌhuara Iquipitoquë canshátërasohuëꞌ, Yosëri nani shaꞌhuitërin: —Iquipitoquë canpatan, copirno niꞌtonënquë huaranën quëran nani maꞌsha paꞌpi huëhuëpiro nininsopita niquëꞌ. Inanta chiníquën nanantërahuësoꞌ, nitotacaso marëꞌ inapoquëꞌ. Ca nohuanto co natëponquënhuëꞌ. Co natëtënquënhuëꞌ co israiroꞌsa yaaꞌpaponhuëꞌ.

Éxodo 6:1

Moisësëri napotohuachina, Yosëso tapon: —Tëhuënchachin Iquipito copirno anaꞌintomiatërahuësoꞌ, niꞌsaran. Naporo co ahuantatonhuëꞌ: “¡Manóton pipico huachi!” itaponquëmaꞌ, itërin.

Éxodo 6:6

Napoaton piyapinëhuëpita iso pochin shaꞌhuitëquëꞌ: “Caso Sinioroco. Carinquëma Iquipito quëran ocoiaranquëmaꞌ. Iporasoꞌ chiníquën asacatopirënënquëmahuëꞌ, carinquëma chiníquën nanantato nichaꞌësaranquëmaꞌ. Chiníquën aparisitërinënquëma niꞌton, carinta noꞌtëquën iꞌhuërëtarahuë. Ocoirahuatënquëmaꞌ, piyapinëhuëpita pochin niꞌsaranquëmaꞌ. Canpitantaꞌ, casáchin chinotaramaco. Iporasoꞌ iquipitoroꞌsa chiníquën asacatatënquëma aparisitapirinënquëmahuëꞌ, ocoiaranquëmaꞌ. Ocoihuatënquëmaꞌ, Sinioroco ninahuësoꞌ nitotarama huachi. Iráca nani Apraan shaꞌhuitërahuë noꞌpaꞌ quëtaꞌhuasoꞌ. Isaco, Cacopo, inapitanta inachachin shaꞌhuitërahuë. Inaquë quëparahuatënquëma ina noꞌpa chachin ahuaꞌanëntaranquëmaꞌ. Caso Sinioroco, tënin,” itëquëꞌ, itërin.

Éxodo 9:15

Nohuantërahuë naporini, chini chiníquën canio poꞌmotatënquëma nani yaꞌipinquëma tiquiꞌitënquëmahuëꞌ.

Hechos 7:36

Ina quëran Iquipitoquë paantarahuaton, nani maꞌsha Yosë pochin ninin, sacaiꞌ nininsopita. Inapoaton, Iquipito quëran ocoirahuaton, nichaꞌërin. Inapochachin Quëhuai marëquë, inotëro parti inaquëpita Yosë pochin ninin. Catapini shonca piꞌipi inaporin.

Deuteronomio 6:22

Ocoincoiso marëꞌ nani maꞌsha ninin. Iquipito copirno piyapinënpitarë chachin anitotacaso marëꞌ paꞌpi huëhuëpiro nininsopita, maꞌsha aꞌnorinso niꞌnai.

Jueces 6:8

Napotohuachinara, aꞌnara pënëntonaꞌpi aꞌpatiirin. Inasoꞌ huëꞌsahuaton itapon: “Sinioro Israiroꞌsanpoa chinotërëhuaso naporin: ‘Canpita shimashonëmapitasoꞌ, Iquipito noꞌpaquë huaꞌanëntatona aparisitapirinahuëꞌ, cari ocoirahuë. Ina nitotëramaꞌ.

Jueces 8:16

Itahuaton, inotëroquë nahuanoꞌsaꞌ, ihuatatëroꞌsaꞌ, inapita maririnso manin. Inaquë Socoto ansianoꞌsa nohuantaso anaꞌintërin.