Éxodo 3:2 - Chayahuita (Shahui)

² Inaquë Sinioro anquëninëni yaꞌnotërin. Sarsa naraꞌhuaya huëyararinso huáncana quënanin. Moisësëri niꞌsápirinhuëꞌ, naraꞌhuaya huëyarinso co manta huiquitërinhuë niꞌton, paꞌpi paꞌyantërin.

Éxodo 3:2 ပူးပေါင်းရင်းမြစ်များ

Génesis 21:17

Yosëri, huiꞌnapi naꞌnërinsoꞌ natanin. Napoaton Yosë anquëninëni, inápa quëran përasahuaton nontërin: “¿Maꞌta Acara onporan? ¡Ama paꞌyanquësohuëꞌ! Yosëri, huiꞌnapi naꞌnërinsoꞌ natanin.

Génesis 22:11

Naporo chachin Sinioro anquëninëni, inápa quëran përarin: —¡Apraan! ¡Apraan! itërin. —Maꞌta Sinioro yaꞌhuëarahuë, itërin Apraani.

Salmos 66:12

Tananpitërancoi niꞌton, apinapicharoꞌsanta toꞌpi toꞌpitatë pochin nitërinacoi. Pancaiꞌ apëntontërëso pochin nitatoncoi, aparisitërancoi. Naporahuaton pënquë poꞌmorëso pochin maꞌsha onpotërancoi. Napoaponahuëꞌ, napoin quëran noya noya acoantarancoi.

Éxodo 19:18

Pën huáncana Yosë oꞌmarin. Conainta panca orno pochin tomontárin. Panca ocohua paꞌninso pochachin, yaꞌipi motopi nacon nacóntarin.

Éxodo 24:17

Israiroꞌsantaꞌ, Sinioro huënaráchin huënaráchin aꞌpininsoꞌ, quënanpi. Panca pën nënëhuachina, maꞌsha aꞌnaroáchin ahuiquitërinso pochin motopi huiꞌnimotënquë yaꞌnorin.

Isaías 43:2

Pëntoitamasoꞌ nipachin, carima aꞌpaiaranquëmaꞌ. Pancairoꞌsaquë tëranta pëntoitohuatamaꞌ, co paꞌitaramahuëꞌ. Pën tënëntarintaquëchin pëntonpatamaꞌ co huiquitaramahuëꞌ. Co pën tëranta ahuiquitarinquëmahuëꞌ.

Daniel 3:27

Napohuachinara, yaꞌipi huaꞌanoꞌsa inaquë nisapisopitari yamotiipi. Co manta huëyapisohuëꞌ niꞌpi. Co ainëna tëranta huësorochatërarinhuëꞌ. Aꞌmopisontaꞌ, co manta onporinhuëꞌ. Co piꞌpian tëranta conai huëꞌëropiri maninhuëꞌ.

Malaquías 3:1

Yosë yaꞌipi nanitapaton shaꞌhuitaantarinquëmaꞌ: “Niꞌcoꞌ. Co huaꞌquiya quëranhuëꞌ, comisionëhuë aꞌpararahuë. Inasoꞌ, pënënatënquëma cancanëma anoyatarinquëmaꞌ. Noya ninarëso pochin nicasëmaꞌ, Sinioro oꞌmacaso marëꞌ napoarin. Ina Sinioro huaꞌqui ninarápiramahuëꞌ, aꞌnanaya chinotëramacoso pëiquë yaꞌconarin. Canpitaroꞌco anoyatërahuëso anitotiinquëmaso marëꞌ aꞌparahuësoꞌ, nani oꞌmacaso naniriarin. Ina canpitasoꞌ, naꞌcon nohuantërama niꞌcamasoꞌ.

Marcos 12:26

Chiminpisopita tëhuënchachin nanpiantarapi. ¿Coꞌna ina Moisësë ninshitërinquë nontëramahuëꞌ? Sarsa naraꞌhuaya orotarinsoꞌ nicasoꞌ, Yosëri nontërin. “Casoꞌ Yosëco. Apraan chinotarinco. Isaco, Cacopo, inapitantaꞌ chinotarinaco,” itërin Yosëri.

Lucas 20:37

Chiminpisopita tëhuënchachin nanpiantarapi. Ina aꞌchinchinquëmaꞌ. Moisësë chachin ninshitërinsoꞌ. Naraꞌhuaya orotarinsoꞌ nicasoꞌ, Yosëri nontërin: “Casoꞌ Yosëco. Apraan chinotarinco. Isaco, Cacopo, inapitantaꞌ chinotarinaco,” tënin Yosë.

Juan 1:14

Quisocristo isoroꞌpaquë nasitimarin. Yosë niponahuëꞌ, piyapi chachin nasitërin. Canpoarë chachin yaꞌhuërin. Quiyasoꞌ niꞌnai. Inasoꞌ nóya, tënai. Yosë pochachin ninin. Inaíchin huiꞌnin inasoꞌ. Inaora nohuanton nosororinpoaꞌ. Noꞌtëquën nontërinpoaꞌ.

Romanos 8:3

Iráca Yosë pënënpirinpoahuëꞌ. Co noyahuëꞌ cancantatëhuaꞌ, co nanitërëhuahuëꞌ noꞌtëquën natëcasoꞌ. Ina quëran huiꞌnin chachin isoroꞌpaquë aꞌpaimarin. Piyapi chachin nasitimarin. Co oshahuanaponahuëꞌ, oshanënpoaꞌ inquitinpoaso marëꞌ chiminin. Inapoaton, nichaꞌërinpoaꞌ ama huachi anaꞌintinpoaso marëhuëꞌ.

Deuteronomio 33:16

Noya noya cosharo nininsopita noꞌpanënaquë noyachin. Quëmari Sinioro Cosi shinpita catahuaquëꞌ. Yonquirapirahuëso chachin yaꞌhuëchinaꞌ. Quëmari chachin iinpita huaꞌanën nicacaso marëꞌ, Cosi huayonan. Ca huayonancoso pochachin, nitëran. Sarsa nara huëyaponahuëꞌ, co huiquitërinhuëꞌ nininquë yaꞌnotëranco. Yaꞌnotatonco cantaꞌ, israiroꞌsa ocoiaꞌhuaso marëꞌ camairanco. Quëmasoꞌ noyasáchin yonquirapirancoi.

Deuteronomio 4:20

Canpitasoꞌ, Sinioro Iquipito quëran ocoirahuatënquëma huaꞌanëntërinquëmaꞌ. Huaꞌnamia asoquicaso marëꞌ ornoquë aꞌpërahuatëꞌ, asoquirëꞌ. Inapochachin canpitanta Iquipitoquë parisitápiramahuëꞌ, ocoirinquëmaꞌ. Napoaton ina piyapinënpita ninama huachi.

2 Tesalonicenses 1:7

Quisocristo oꞌmantahuachin, co huachi parisitaramahuëꞌ. Noya yaꞌhuaramaꞌ. Quiyantaꞌ ipora aparisitapirinacoihuëꞌ, naporoꞌ yaꞌipi imarëhuasopita nóya cancantarihuaꞌ. Sinioro Quisocristo chachin inápa quëran oꞌmantararin. Pën huënaratërinso huáncana yaꞌnoarin. Anquëniroꞌsantaꞌ chiníquën nanantatonaꞌ, oꞌmantararin. Inapitarë chachin oꞌmantararin.

Jueces 13:13

—Yaꞌipi shaꞌhuitërahuësopita saꞌan nicacaso yaꞌhuërin: Co huino oꞌocaso yaꞌhuërinhuëꞌ. Co manta opa quëran nipisoꞌ, co maꞌsha tëranta sairinsoꞌ oꞌocaso yaꞌhuërinhuëꞌ. Naporahuaton Yosë huayontërinquëmasoráchin, caꞌsarin. Yaꞌipi shaꞌhuitërahuësoráchin niin, itërin anquëniri.