Éxodo 3:12 - Chayahuita (Shahui)

¹² —Coꞌta carinquën catahuaranquën. Caꞌtanaranquën niꞌton natëco. Catahuaranquënso nitotamaso marëꞌ, noꞌtëquën shaꞌhuitaranquën. Israiroꞌsa ocoirahuaton, iso motopiquë chachin chinotaramaco, itërin.

Éxodo 3:12 ပူးပေါင်းရင်းမြစ်များ

Génesis 15:1

Ina piquëran Siniorori, Apran yaꞌnotërin. Co huëꞌëponahuëꞌ, huaꞌnarëso pochin nontërinsoꞌ natanin: —Apran, ama tëꞌhuaquësohuëꞌ, carinquën paꞌpoyaranquën. Panca acanamiataranquën, itërin.

Génesis 15:8

—¿Onporahuatota huaꞌanëntomiataꞌhuaso nitotapo? tënin Apran.

Génesis 26:3

Ipora marësoꞌ, iso noꞌpaquë yaꞌhuëtacoꞌ. Carinquën caꞌtanatënquën catahuararanquën. Yaꞌipi iso noꞌpaꞌ, carinquën quëtaranquën. Shiparinpitantaꞌ, ina chachin quëtarahuë. Tataparin Apraan nani shaꞌhuitërahuë niꞌton, quëtaranquëmaꞌ.

Génesis 31:3

Naporoꞌ Siniorori Cacopo itapon: “Tataparin, quëmopinënpita, inapita yaꞌhuërinso parti panantaquëꞌ. Carinquën caꞌtanatënquën catahuaranquën,” itërin.

2 Reyes 19:29

Ina quëran Isaiasësoꞌ, Isiquiasë paaparin. Quënanconahuaton iso pochin shaꞌhuitërin: “Inaporëꞌpotaꞌma nica,” topatan, isopoarinquëran inapocaso nitotaran: Cato piꞌipi trico inaora paporinsoꞌ caꞌsaramaꞌ. Ina quëran niantarinquësoꞌ, canpitaora shaꞌtatoma nitërinsoꞌ masaramaꞌ. Oparotohuatamaꞌ, nitërinsoꞌ caꞌsaramaꞌ.

Éxodo 3:1

Moisësësoꞌ, miꞌsën ohuicanënpita aꞌpaitarin. Inasoꞌ shaꞌhuitëranquëmaso chachin Matianquë corto huaꞌan yaꞌconin. Aꞌna tahuëri Moisësësoꞌ, ohuicaroꞌsa quëpaton aꞌcacaso marëꞌ inotëro pëntontërin. Oripi motopiquë huarëꞌ canconin. Ina motopisoꞌ, Yosë motopinën itopi antaꞌ.

Éxodo 3:13

—Israiroꞌsanta co natëponacohuëꞌ nimara: “Yosë chinotërëhuasoꞌ, shimashonënpoapitarinta chinotërinsoꞌ, yaꞌnotërinco. Ocoicaꞌhuanquëmaso marëꞌ yaꞌnotatonco aꞌparinco,” itarahuë. Napotohuato: “¿Maꞌninta nipachin inasoꞌ?” Itohuachinaco: “¿Maꞌta tëcapo?” itaantarin Moisësëri.

Éxodo 33:14

—Carinquën chachin caꞌtanaranquën niꞌton, sano cancantaran, itërin Siniorori.

Éxodo 4:12

Napoaton, Iquipitoquë noya paquëꞌ. Noya nonacasosoꞌ, carinquën catahuaranquën. Maꞌsona taꞌcasontaꞌ, anitotaranquën, itërin.

Éxodo 4:15

Yaꞌipi camairanquënsoꞌ, ina shaꞌhuitëquëꞌ. Inari quëma yaꞌhuërënamën israiroꞌsa nontarin. Quëma ca yaꞌhuërënamëhuë nonsaranso pochin, inanta quëma yaꞌhuërënamën nonsarin. Carinquëma catahuaponquëma nonacamasoꞌ. Maꞌsona nicacasonta anitotaranquëmaꞌ.

Éxodo 8:27

Napoaton, inotëro parti pacaꞌhuaiso yaꞌhuërin. Cara tahuëri iratëraiꞌpaꞌ maꞌsha tëparahuatoi, Yosë chinotarai. Ina pochin camairincoi niꞌtoi napoarai, itërin.

Isaías 41:10

Ama manta tëꞌhuacosohuëꞌ, caꞌtanaranquëmaꞌ. Ama paꞌyancosohuëꞌ. Caso Yosëco niꞌsáranquëmaꞌ. Carinquëma achiniatënquëma catahuaranquëmaꞌ. Chiníquën nanantato inchinanëhuë quëran sëꞌquëaranquëmaꞌ.

Isaías 43:2

Pëntoitamasoꞌ nipachin, carima aꞌpaiaranquëmaꞌ. Pancairoꞌsaquë tëranta pëntoitohuatamaꞌ, co paꞌitaramahuëꞌ. Pën tënëntarintaquëchin pëntonpatamaꞌ co huiquitaramahuëꞌ. Co pën tëranta ahuiquitarinquëmahuëꞌ.

Isaías 7:14

Sinioro chachin napoahuarëꞌ maꞌsona aꞌnotarinquëma nitotamaso marëꞌ: Niꞌquëꞌ. Ca nohuanton nanon cayoapon. Inapoaton quëmapiaꞌhuaya huaipon. Inasoꞌ huaꞌhuin nohuitaton, Imanino itapon.

Jeremías 1:8

Ama insonta tëꞌhuatëquësohuëꞌ. Carinquën paꞌpoyaranquën. Caso Sinioroco niꞌto, noꞌtëquën shaꞌhuitaranquën,” itërinco.

Números 23:21

Siniorori israiroꞌsasoꞌ, noyasáchin niꞌnin. Cacopo shinpita niꞌtonaꞌ, co manta yaonpotërinhuëꞌ. Napoaton inahuarintaꞌ, huaꞌanën pochin nicatona paꞌyatopi.

Mateo 28:20

Ina quëran yaꞌipi shaꞌhuitëranquëmasoꞌ aꞌchintocoꞌ natëinaco. Insëquësona paꞌpatamaꞌ, carinquëmaꞌ caꞌtanaranquëmaꞌ. Nani tahuëri catahuaranquëmaꞌ. Ayaroꞌ tahuëri naniquë huarëꞌ caꞌtanaranquëmaꞌ. Co onporontaꞌ pataranquëmahuëꞌ, itërin Quisosori. Nani huachi.

Marcos 16:20

Ina quëran caꞌtanoꞌsanënpita paꞌsahuatonaꞌ, Quisoso nanamën shaꞌhuirapi. Siniorori chachin catahuarin niꞌton, yaꞌipi parti shaꞌhuiraꞌpiapi. Yosë nohuanton, piyapi aꞌnaroáchin anoyatopi. Nani maꞌsha nanitapapi ayonquicaiso marëꞌ. Ina niꞌsahuatonaꞌ, “Noꞌtëquën nontërinpoaꞌ,” topi yaꞌipi piyapiꞌsaꞌ. Nani huachi.]

Hechos 11:21

Yosëri catahuarin niꞌton, naꞌa piyapiꞌsaꞌ natëtonaꞌ, imapi. Iráca yonquipisoꞌ naniantatonaꞌ, Quisoso imasapi.

Hechos 7:7

Nipirinhuëꞌ, nisha piyapiꞌsaꞌ shiparinpita aparisitopisoꞌ anaꞌintarahuë. Ina quëran shiparinpita pipirapi. Isëquë chachin huënantahuachinaꞌ, chinotarinaco,” itërin Yosëri.

Romanos 8:31

Ina pochin Yosë yonquirinpoaꞌ niꞌquëhuarëꞌ, co insonta nanitërinhuë minsëinpoasoꞌ.

Deuteronomio 31:23

Ina quëran Yosësoꞌ, Cosoi yaꞌhuërëꞌ tahuërëtahuaton itapon: “Ama tëꞌhuatonahuëꞌ, chiníquën cancantëquëꞌ. Israiroꞌsa noꞌpaꞌ quëtaꞌhuasoꞌ nani shaꞌhuitërahuë. Nani quëma huayonanquën israiroꞌsa ina noꞌpaquë poꞌmoamasoꞌ. Carinquën catahuaranquën inapotaran,” itërin.

Hebreos 13:5

Ama coriquiráchin paꞌyatocosohuëꞌ. Co naꞌcon maꞌsha yaꞌhuëtopirinquëmahuëꞌ, sano cancantocoꞌ. Ama naꞌcon naꞌcon nohuantocosohuëꞌ. Yosë chachin nani shaꞌhuitërinpoaꞌ. “Co onporontaꞌ pataranquëmahuëꞌ. Co naniantaranquëmahuëꞌ,” itërinpoaꞌ.

Josué 1:5

Nanpisënquën, co inso tëranta nanitarinhuëꞌ minsëinquënsoꞌ. Moisësë catahuarahuëso pochachin quëmanta catahuaranquën. Co naniantaranquënhuëꞌ. Co pataranquënhuëꞌ.

Jueces 6:12

Inapoasoꞌ, Sinioro anquëninëni yaꞌnotahuaton itapon: —Quëmasoꞌ chiníquën mashonquën. Naporahuaton, chiníquën cancantëran. ¡Sinioro chachin catahuararinquën! itërin.

Jueces 6:16

—Carinquën catahuaranquën niꞌton, noya nanitapaaran. Aꞌnaíchin quëmapi minsërëso pochin, yaꞌipi matianoꞌsa minsëaran, itërin Siniorori.

Jueces 6:17

—Tëhuënchachin nosorohuatancosoꞌ, Yosënquën ninansoꞌ anitotoco. Ofrendanëhuë apira quësarahuë. Ina aꞌnotaꞌhuanquënso marëꞌ ninaco topirahuë, itërin Quitionori. —Inta nipachin, isëranchin ninaranquën, itërin Siniorori.

Jueces 6:21

Ina quëran anquënisoꞌ, pitananën quëran nosha, pan, inapita Quitionori acorinsoꞌ, caririn. Cariaso chachin natëtë quëran pën pipirin. Pan, nosha, inapita noyá ahuiquitërin. Ina quëran chachin Sinioro anquëninënsoꞌ, ayarin.

Jueces 7:11

Inaquë paꞌmahuatan maꞌsona nonpisoꞌ natanquëꞌ. Naporoꞌ chiníquën cancantaton, ahuëtaran huachi,” itërin. Napotohuachina, piyapinënë chachin inimicoroꞌsa yaꞌhuëapiꞌpaꞌ paꞌmarin. Aquë aquë aꞌpaitopisopita nisapiquë huarëꞌ yaꞌcariimapi.