Éxodo 3:10 - Chayahuita (Shahui)

¹⁰ Napoaton Iquipitoquë aꞌpaaranquën. Paaton huaraon nontoonquë piyapinëhuëpita aꞌpaꞌin paꞌinaꞌ, itërin.

Éxodo 3:10 ပူးပေါင်းရင်းမြစ်များ

Génesis 15:13

Naporoꞌ Siniorori itapon: —Aꞌna tahuëri shiparinpita, nisharoꞌsataquë yacapataponaꞌ. Inaquë piyapitatonaꞌ, camaiyaponaꞌ. Aparisitaponaꞌ. Catapini pasa piꞌi inapoaponaꞌ.

Génesis 15:14

Cariso nipirinhuëꞌ, aparisitërinsopita anaꞌintarahuë. Ina piquëran shiparinpita, noya chaꞌëponaꞌ. Maꞌhuanoꞌsa pipiponaꞌ.

Salmos 105:26

Napohuachina piyapinën Moisësë itopisoꞌ aꞌpatërin. Aaronta huayonin niꞌton, inarë paꞌnin.

Éxodo 12:40

Israiroꞌsasoꞌ, catapini pasa cara shonca piꞌipi Iquipitoquë yaꞌhuëpi. Iquipitoquë yaꞌnan paꞌpiso tahuëri naniso chachin, inatopa quëran pipirapi. Sontaroꞌsa Yosëri camairinso pochin, pipipi huachi.

Éxodo 33:12

Aꞌna tahuëri Moisësëri, Sinioro itapon: —Niꞌquë Sinioro, israiroꞌsa quëpaꞌhuaso marëꞌ shaꞌhuitopirancohuëꞌ, co caora nanitërahuëꞌ. Naporahuaton co shaꞌhuitërancohuëꞌ, inëꞌcosona pacaꞌhuasoꞌ. Napoaponahuëꞌ, nani shaꞌhuitëranco natërancosoꞌ. Napoaton: “Nosororanquën,” itëranco.

Éxodo 33:13

Tëhuënchachin napohuatan, yonquiransopita anitotoco. Ina nitotohuato, noya noya natëaranquën. Israiroꞌsasoꞌ, quëma piyapinënpita. Ama ina naniantëquësohuëꞌ, itërin.

Miqueas 6:4

Shimashonëmapita iráca Iquipitoquë chiníquën asacatatona aparisitápirinahuëꞌ, cari ocoiato nichaꞌërahuë. Naporahuaton catahuainëmaso marëꞌ Moisësë, Aaron, Maria, inapita acorahuë.

Hechos 7:34

Piyapinëhuëpita Iquipitoquë yaꞌhuëpirinahuëꞌ, parisitápi niꞌnahuë. Chiníquën aparisitopi niꞌton, tarëtápi, natanahuë. Napoaton nichaꞌësarahuë huachi. Huëquëꞌ inatohuaꞌ aꞌpaꞌinquën nichaꞌëcamaso marëꞌ,” itantarin.

Hechos 7:36

Ina quëran Iquipitoquë paantarahuaton, nani maꞌsha Yosë pochin ninin, sacaiꞌ nininsopita. Inapoaton, Iquipito quëran ocoirahuaton, nichaꞌërin. Inapochachin Quëhuai marëquë, inotëro parti inaquëpita Yosë pochin ninin. Catapini shonca piꞌipi inaporin.

Hechos 7:6

Ina quëran Yosëri itantarin: “Aꞌna tahuëri quëma shiparinpita nisha parti yacapataponaꞌ. Inaquë nisha piyapiꞌsari chiníquën asacatapi. Co pahuërëaponaraihuëꞌ, asacatapi. Catapini pasa piꞌipi aparisitapi.

Hechos 7:7

Nipirinhuëꞌ, nisha piyapiꞌsaꞌ shiparinpita aparisitopisoꞌ anaꞌintarahuë. Ina quëran shiparinpita pipirapi. Isëquë chachin huënantahuachinaꞌ, chinotarinaco,” itërin Yosëri.

Jueces 6:14

Napotohuachina Siniorori niꞌsarin quëran itapon: —Matianoꞌsa aparisitarinquëmaꞌ. Napoaponahuëꞌ, quëmari inapita quëran quëmopinënpita nichaꞌëquëꞌ. Chiníquënquën niꞌton, nanitapapon. Carinquën chachin camaiaranquën, itërin.

1 Samuel 12:6

Ina quëran Samoirosoꞌ yaꞌipi israiroꞌsa itaantapon: —Moisësë, Aaron, inapitari Iquipito quëran shimashonënpoapita ocoipi. Sinioro nohuanton napopi.

1 Samuel 12:8

Cacopo huiꞌninpita, shinpita, inapita iráca Iquipitoquë paꞌpi. Paꞌpachinara, iquipitoroꞌsari chiníquën aparisitopi. Inapotohuachinara shimashonënpoapitasoꞌ, Sinioro nontopi huachi. Inariso natanahuaton, Moisësë, Aaron, inapita acorin catahuacaiso marëꞌ. Inapitari Iquipito quëran ocoirahuatonaꞌ, shimashonënpoapitasoꞌ iso noꞌpaquë yaꞌhuëcaiso marëꞌ quëpi.