Éxodo 3:1 - Chayahuita (Shahui)

¹ Moisësësoꞌ, miꞌsën ohuicanënpita aꞌpaitarin. Inasoꞌ shaꞌhuitëranquëmaso chachin Matianquë corto huaꞌan yaꞌconin. Aꞌna tahuëri Moisësësoꞌ, ohuicaroꞌsa quëpaton aꞌcacaso marëꞌ inotëro pëntontërin. Oripi motopiquë huarëꞌ canconin. Ina motopisoꞌ, Yosë motopinën itopi antaꞌ.

Éxodo 3:1 ပူးပေါင်းရင်းမြစ်များ

1 Reyes 19:19

Siniorori napotohuachina, Iniasëso yaꞌhuërinquë paantarin. Apiri-miora yaꞌcari nipachina, Irisio sacatarin quënanconin. Shonca aꞌna quëmapiꞌsanta quëchitapi. Inapitasoꞌ cato cato tororoꞌsaquë noꞌpaꞌ ohuërërantapi. Piquëran nininso Irisiori quëpararin. Iniasëri paaparahuaton, aipi aꞌmorinsoquë imopitërin. Inapotahuaton huëshiarin.

1 Reyes 19:8

Napotohuachina, caantarin, oꞌoantarin, naporin. Inaporahuaton, catapini shonca tahuëri tashirë chachin iratërin. Paꞌsápaton Oripi motopiꞌpaꞌ huarëꞌ canconin. Ina motopisoꞌ, Sinioro motopinën itopi antaꞌ.

Éxodo 19:3

Inaquë nisoi, Yosëri Moisësë përarin: —Iso motopiquë nanpëintaquëꞌ, itërin. Itohuachina, Moisësë motopi huiꞌnimotënꞌpaꞌ nanpëontarin. Inaquë Yosëri itapon: —Apira nani maꞌsha shaꞌhuitaranquën. Yaꞌipi shaꞌhuitaranquënsoꞌ, Cacopo shinpita israiroꞌsa itopisoꞌ shaꞌhuitëquëꞌ:

Éxodo 2:16

Chinotasoꞌ, canchisë nanoꞌsa canquipi. Iꞌsha macatona ohuicanënapita oꞌshitacaiso marëꞌ canquipi. Inapitasoꞌ Nihuiro huiꞌnipita. (Nihuirosoꞌ, Quitoro itopi antaꞌ.) Inasoꞌ, Matianquë corto huaꞌan yaꞌconin.

Éxodo 2:18

Yaꞌhuëpiquë canconpachinara, paꞌpinari natanin: —¿Onpoatomata iporasoꞌ tahuëriachin huëntaramaꞌ? itërin.

Éxodo 2:21

Coshatapona pochin, Nihuirori yacapacaso marëꞌ Moisësë shaꞌhuitërin. Natanahuaton nohuantërin. Co huaꞌquiya quëranhuëꞌ huiꞌnin Sihuira itopisoꞌ, acoantërin huachi.

Éxodo 24:13

Itohuachina Moisësësoꞌ, Cosoirë chachin pacacaiso marëꞌ huanipi. Naporo ansianoꞌsa itapon: —Oꞌmaꞌhuai huarëꞌ isëquëranchin ninatacoi. Aaron yaꞌhuëarin. Orinta yaꞌhuëarin. Inapita yaꞌhuapi niꞌton, catahuarinquëmaꞌ. Aꞌnaquëma nanan yaꞌhuëtohuachinquëmaꞌ, inapita shaꞌhuitoco catahuainquëma anoyatocoꞌ, itërin. Inapo shaꞌhuitahuaton cato chachin motopiꞌpaꞌ pantapi.

Éxodo 3:12

—Coꞌta carinquën catahuaranquën. Caꞌtanaranquën niꞌton natëco. Catahuaranquënso nitotamaso marëꞌ, noꞌtëquën shaꞌhuitaranquën. Israiroꞌsa ocoirahuaton, iso motopiquë chachin chinotaramaco, itërin.

Éxodo 4:18

Ina quëran Moisësë miꞌsën pëinënquë panantarin. Cancontarahuaton itapon: —Iquipitoquë yapaato nontaranquën. Onpoácaitaꞌ quëmopinëhuëpita, taꞌto yapaꞌsarahuë, itërin. —Noyapaꞌ. Yosë catahuainquën noya paquëꞌ, itërin miꞌsëni.

Éxodo 4:27

Naporo chachin Yosëri Aaron itapon: —Inotëro parti paꞌsahuaton Moisësë nacapiconquëꞌ, itërin. Yosë natëton Aaron paꞌnin. Yosë motopinën itopiquë paꞌnin. Inaquë Moisësë quënanahuaton, sëꞌquërin. Noya ninontopi.

Amós 1:1

Cota huënton israiroꞌsa noꞌpanënaquë aꞌnara ninano yaꞌhuërin. Inasoꞌ, Ticoa itopi. Inaquë aꞌnara quëmapi Amosë itopiso yaꞌhuërin. Inasoꞌ, notohuaroꞌ ohuicaroꞌsa pëꞌtahuarin. Naporoꞌ Cota huëntonquë, Osiasë copirno huaꞌanëntarin. Israiroꞌsantaꞌ, Quiropoamo copirnori huaꞌanëntarin. Ina Quiropoamosoꞌ, Coasë huiꞌnin. Inapita copirnoroꞌsa huaꞌanëntasoꞌ, Yosëri yonquirinso Amosë anitotërin. Israiroꞌsa maꞌsona onpotacasoꞌ yonquirinsoꞌ, anitotërin. Naporoꞌ panca ocohua pacacasoꞌ, cato piꞌipi pahuanarin. Ina shaꞌhuicaso marëꞌ Amosë tapon: Quirosarin quëran Sinioro nonpachina, huira tënëntërinso pochin nisarin. Ina nohuanton Carmiro motopi huiꞌnimotënquë pasto yaꞌhuërinsoꞌ, ahuisarin. Naporahuaton yaꞌipi Israiro noꞌpaquë napoarin.

Malaquías 4:4

Tiquiapon pochin Siniorosoꞌ pënëntaton: “Piyapinëhuë Moisësë itopisoꞌ, Sinai motopiquë pënëntërahuësoꞌ aninshitërahuë. Ama ina naniantatomarahuëꞌ, yonquiráco. Inaquë nanamëhuë, camaitërahuësopita, inapita israiroꞌsanquëma natëcamaso marëꞌ quëtëranquëmaꞌ.

Números 10:33

Ina pochin Sinioro motopinën quëran, israiroꞌsa paantapi. Cara tahuëri iratopi. Siniororëꞌ anoyatopiso caposonën quëpanaꞌpiroꞌsa quëchitapi. Sinioro nohuanton chitoro chiniconpachina, inaquë chinotapi huachi.

Lucas 2:8

Naporoꞌ tashiꞌ ohuica pëꞌtahuanaꞌpiroꞌsaꞌ pastoquë yaꞌhuërapi. Pirin yaꞌcariya yaꞌhuërapi. Tashirë chachin ohuicanënapita aꞌpairapi.

Hechos 7:30

Catapini shonca piꞌipi Moisësë inaquë yaꞌhuërin. Ina quëran aꞌna tahuëri inotëroꞌ parti paꞌnin. Sinai motopi yaꞌcariya niꞌsoꞌ, sarsa nara orotarinsoꞌ quënanin. Inaquë chachin anquëniri yaꞌnotimarin.

Deuteronomio 1:2

(Sinai motopi quëran huarëꞌ shonca aꞌna tahuëri quëran pochin Catisi Parnia ninanoquë canpi. Itomoroꞌsa noꞌpanëntaquëchin ira yaꞌhuërinso paꞌtohuachinara, napopi. Inataquëchin napoaponahuëꞌ, naꞌa motopiroꞌsa yaꞌhuërin.)

Deuteronomio 1:6

Sinai motopiquë niꞌsëhuaꞌ, Sinioro napotërinpoaꞌ: “Nani huaꞌqui iso motopiquë yaꞌhuëramaꞌ.

Deuteronomio 4:10

Ina quëran itaantarin: “Iráca Sinai motopi notënanquë niꞌsëmaꞌ, Sinioro nontatonco napotërinco: ‘Israiroꞌsa ayontonquë nonahuësoꞌ natanacaiso marëꞌ. Noya nicatonaco chiminai huarëꞌ imainacoso marëꞌ pënënarahuë. Ina quëran huiꞌninapitanta aꞌchintohuachinaꞌ, inahuanta imasarinaco,’ itërinco.

Jueces 4:11

Quitisë ninano yaꞌcariꞌ, aꞌnara insina nara yaꞌhuërin. Saanain itopiquë yaꞌhuërin. Inaquë aꞌnara Quini piyapi Ipiri itopiso yaꞌhuërin. Nëꞌmëtë pëinënpita ótënahuaton, inaquë yaꞌhuërin. Inasoꞌ quëmopinënpitarëꞌ yaꞌhuëpirinhuëꞌ, huëshirahuaton inaquë yaꞌhuërin. Inapitasoꞌ, Opapo shinpita. Opaposoꞌ, Moisësë saꞌin yoꞌin.

1 Samuel 16:11

Ina quëran Quisi nataantarin: —¿Inaíchin yaꞌipiya quëran huiꞌnanpita? taantarin. —Huaꞌhua nininso pahuanin. Inaso ohuicaroꞌsa aꞌpairarin, itërin Quisiri. —Aꞌnara aꞌpaquë macontaꞌin. Ina canquia huarëꞌ, coshatarëhuaꞌ, itërin Samoirori.