Éxodo 24:9 - Chayahuita (Shahui)

⁹ Ina quëran Moisësë, Aaron, Natapo, Apio, inapita motopiꞌpaꞌ pantapi. Canchisë shonca ansianoꞌsantaꞌ, inatohua pantapi.

Éxodo 24:9 ပူးပေါင်းရင်းမြစ်များ

1 Reyes 22:19

Ina quëran Micaiasësoꞌ, taantapon: —Naporanso marëꞌ Sinioro aꞌnotërincoso shaꞌhuichinquën natanquëꞌ: Sinioro huaꞌanëntacaso shiranënquë huënsëarin niꞌnahuë. Sontaronënpitantaꞌ, ina yaꞌcari huaniápopi. Inchinan quëran, ahuënan quëran huaniápopi.

Éxodo 19:24

Itopirinhuë Siniororisoꞌ itaantarin: —Onpopionta paꞌmaquëꞌ. Ina quëran Aaron quëntaquëꞌ. Israiroꞌsasoꞌ, co huiꞌsharamaso naꞌhuëtacaso yaꞌhuërinhuëꞌ. Co aꞌnapita corto huaꞌanoꞌsa tëranta, huëntacaiso yaꞌhuërinhuëꞌ. Huëntahuachinasoꞌ, ataꞌhuantarahuë, itërin.

Éxodo 24:1

Ina quëran Siniorori, Moisësë itapon: —Naquëranchin Aaronëꞌquën nanpëintaquëꞌ. Iporasoꞌ huiꞌninpitanta huëntaꞌinaꞌ. Natapo, Apio, inapita huëntaꞌinaꞌ. Naporahuaton canchisë shonca Israiro ansianoꞌsantaꞌ, quëntaquëꞌ. Iso Sinai motopiquë nisarahuë niꞌton, huëntacoꞌ. Inahuaso napoaponahuëꞌ, ama coꞌchachin yaꞌcariꞌinacosohuëꞌ. Aquëchamiachin isonatonaꞌ, noꞌpaquë huarëꞌ monshopi quëran chinochinaco.

Éxodo 33:20

Napoaponahuëꞌ, yaꞌpirahuëso co niꞌsaranhuëꞌ. Inso tëranta niꞌpachinco chiminapon, itërin Yosëri.

Isaías 6:1

Osiasë copirno chimininso piꞌiquë, huaꞌnarëso pochin Sinioro niꞌnahuë. Huaꞌanëntacaso shiranën paꞌpi inápaquë acorahuaton, huënsëarin niꞌnahuë. Aꞌmorinsontaꞌ, chinotacaso pëi yaꞌipi mëntatërin.

Levítico 10:1

Aaron huiꞌninpita Natapo, Apio, inapitaso Yosë yachinotatona aꞌpëtinanëna mapi. Pënsha acorahuatonaꞌ, atomontacaiso marëꞌ yonarin pochin nininsoꞌ acotopi. Co Yosëri ina pochin camaipirinhuë napopi.

Números 11:16

Napotopirinhuëꞌ, Siniororisoꞌ itaantarin: —Canchisë shonca ansianoꞌsa chiníquën nanantopisopita huayonahuaton, ayontonquëꞌ. Nani ayontonpatan, chinotëramacoso nëꞌmëtë pëiquë quëntaquëꞌ. Inaquë ninaco.

Jueces 13:22

Naporoꞌ saꞌin itapon: —Yosë chachin canposo quënanatëꞌ, tëhuënchachin chiminarëꞌ, itërin. Napotopirinhuëꞌ: —Co ipora napoarihuëꞌ. Sinioro yatëparinpo naporini, chipoaꞌhua, tricoroꞌmo, inapita yaꞌipi ahuiquitërësoꞌ, co maꞌpaitonpohuëꞌ. Niꞌnësopitantaꞌ, co aꞌnochitonpohuëꞌ. Maꞌpitaso nicacasonta co shaꞌhuichitonpohuëꞌ, itërin saꞌini.