Éxodo 24:7 - Chayahuita (Shahui)

⁷ Ina quëran, Yosërëꞌ anoyatopiso quirica chiníquën nontërin. Yaꞌipi israiroꞌsa natanacaiso marëꞌ naporin. Nani natanpachinara: —Yaꞌipi cancanëhuëi quëran Sinioro camaitërinso natëarai, topi.

Éxodo 24:7 ပူးပေါင်းရင်းမြစ်များ

1 Reyes 8:9

Yosë caposonënquësoꞌ, cato naꞌpitëaꞌhuaroꞌsa yaꞌhuërin. Inapitaquë israiroꞌsa Siniororë anoyatopisoꞌ, ninshitopi. Iquipito quëran pipipona Sinaiquë Moisësëri poꞌmorin.

Éxodo 19:8

Ansianoꞌsaso paꞌsahuatonaꞌ, yaꞌipi israiroꞌsa Yosë naporinso shaꞌhuitopi. Ina natanahuatonaꞌ: —Noyapaꞌ. Maꞌsona Yosë camaitërinso nisarai, topi. Napohuachinara, Moisësë naquëranchin motopiquë paantarahuaton, napopisoꞌ Sinioro shaꞌhuitontarin.

Malaquías 2:10

Iporasoꞌ ca Maraquiasëco Yosë ayonquirinco niꞌton, pënënaranquëmaꞌ: Tëhuënchachin canpoasoꞌ, yaꞌipinpoaꞌ aꞌna tataíchin pochin yaꞌhuëtërinpoaꞌ. Inasoꞌ Yosë. Yaꞌipinpoa acorinpoaꞌ. Napoaton co canpoa capini ninonpitacaso yaꞌhuërinhuëꞌ. Ninonpintohuatëhuaꞌ, Yosë shimashonënpoapitarëꞌ anoyatërinso tapiarihuaꞌ.

Hechos 13:15

Cotio ansianoꞌsaꞌ quirica nontapi. Moisësë iráca pënëntërinsoꞌ, pënëntonaꞌpiroꞌsaꞌ ninshitopisoꞌ, inapita nani nontohuachinara, itaponaꞌ: —Achinicancanamacoiso marëꞌ yapënënpatamacoi iyaroꞌsaꞌ, shaꞌhuitocoi nataꞌin, itërin.

Colosenses 4:16

Iso quirica nontocoꞌ yaꞌipi imapisopita natainaꞌ. Nani nontohuatamaꞌ, Naotisiaquë aꞌpatocoꞌ imapisopita nonchinaꞌ. Inapitantaꞌ nisha ninshitato, aꞌpatërahuë. Ina quiricantaꞌ canpitari nontocoꞌ.

1 Tesalonicenses 5:27

Niyontonpatamaꞌ, iso quirica nontocoꞌ imapisopita natainaꞌ. Sinioro nanan quëtërinco niꞌton, nontocoꞌ yaꞌipiya natainaꞌ, tënahuë.

Josué 24:24

—Sinioroso Yosënënpoa niꞌton, inasáchin chinotarai. Naporahuaton ina camaitërinsoráchin nisarai, topi yaꞌipi israiroꞌsaꞌ.