Éxodo 24:6 - Chayahuita (Shahui)

⁶ Tororoꞌsa tëpapisoꞌ huënainën mapi. Inasoꞌ Moisësëri, napoinchin tasonoꞌsaquë manin. Napoinchinso nipirinhuëꞌ, artaro aipi taꞌsatërin.

Éxodo 24:6 ပူးပေါင်းရင်းမြစ်များ

Éxodo 12:22

Tëpahuachina huënainën sënanquë mainaꞌ. Ina quëran isopo naraaꞌhuaya sëꞌpaquën sëꞌtamorahuatonaꞌ, huënaiquë iꞌcomiichinaꞌ. Inapotatonaꞌ, yaꞌcoananëna yonsanquë pashichinaꞌ. Nani pashitohuachina, co huachi inso tëranta pëinëna quëran pipicaisoꞌ, yaꞌhuërinhuëꞌ. Tahuëririnquë huarëꞌ pipiponaꞌ.

Éxodo 12:7

Huënaiꞌ mapiso masahuatonaꞌ, yaꞌcoana chinpirinso nararoꞌsaꞌ, pashichinaꞌ.

Éxodo 24:8

Naporoꞌ Moisësësoꞌ, tasonoꞌsaquë huënaiꞌ yaꞌhuërinsoꞌ, manin. Masahuaton, yaꞌipi israiroꞌsa taꞌsatërin. Nani taꞌsatohuachina itapon: —Iso huënaiꞌ paꞌnin niꞌton, Yosë canpoarëꞌ anoyatërinso anitotërinpoaꞌ. Ina marëꞌ nanamën ninshitërahuësoꞌ nani shaꞌhuitëranquëmaꞌ. Ina natëhuatëhuaꞌ, Yosë noya niꞌsarinpoaꞌ, itërin.

Jeremías 31:32

Naporosoꞌ, co huachi Iquipito quëran ocoiapo anoyatërahuëso pochin nisarinhuëꞌ. Iracaso inapitaroꞌco anoyatato huaꞌanëntopirahuëꞌ, inapitaso anoyatërahuësoꞌ tapipi.

1 Corintios 11:25

Nani coshatohuachinara, minëaꞌhua manin. “Huënainëhuë pochin isoꞌ. Huënainëhuë paꞌsarin niꞌton, nasha quëran canpitarëꞌ Yosë anoyatërinsoꞌ shaꞌhuichinquëmaꞌ imacamaso marëꞌ. Chiminarahuë niꞌton, anoyacancantaranquëmaꞌ. Ca yonquiatomaco, oꞌocoꞌ. Ipora quëran huarëꞌ inapoatomaꞌ, yonquico,” itërin Quisosori.

Colosenses 1:20

Iráca oshahuanëhuaꞌ niꞌton, yaꞌipinpoaꞌ Yosë inimicotopirëhuahuëꞌ. Yosë nohuanton, Quisocristo chiminin nanan anoyatinpoaso marëꞌ. Isoroꞌpaquë yaꞌhuërinsopita, inápaquë yaꞌhuërinsopita, yaꞌipiya nohuantërin anoyatacasoꞌ. Canpoa marëꞌ huënainën paꞌnin. Corosëquë chiminin niꞌton, co huachi Yosë inimicotacasoꞌ yaꞌhuërinhuëꞌ.

Hebreos 12:24

Quisocristo chachin nohuitarihuaꞌ. Inasoꞌ nasha quëran anoyatërinso shaꞌhuitërinpoaꞌ imacaso marëꞌ. Huënainën quëran anoyacancantërinpoaꞌ. Iráca Apiri huënainën paꞌnin. Iini tëpahuachina, huënainën paꞌnin niꞌton, anaꞌintacasoꞌ yaꞌhuërin. Quisocristo chimininsosoꞌ nipirinhuëꞌ, noya noya. Huënainën paꞌnin niꞌton, nanan anoyatërinpoaꞌ.

Hebreos 8:9

Iráca inapitasoꞌ Iquipito parti yaꞌhuëpirinahuëꞌ, imiranpo quëran sëꞌquërëso pochin nosoroato, nichaꞌërahuë. Naporoꞌ inapitarëꞌco anoyatopirahuëꞌ, co natantochináchinhuëꞌ cancantopi niꞌton, tananpitërahuë,” tënin Yosë.

Hebreos 9:18

Napoaton yaꞌnan anoyatërinsontaꞌ shaꞌhuitohuachina, maꞌsharoꞌsaꞌ tëparahuatonaꞌ, huënainënaꞌ aꞌpatopi. Inapotatonaꞌ, iráca anoyatërinsoꞌ imapi.

Hebreos 9:19

Yaꞌipi piyapiꞌsaꞌ ayontonahuaton, Moisësëri pënënin. Nani maꞌsha shaꞌhuitërin natëcaiso marëꞌ. Nani shaꞌhuitohuachina, ohuacaꞌhua, chipo, inapita tëparahuaton, huënainëna manin. Ina quëran narasëꞌpaꞌ isopo itopisoꞌ masahuaton, quëhuan huaitaquë soꞌquëtahuaton, iꞌsharë chachin taꞌsatërin. Pënëntërinsoꞌ quirica, piyapiꞌsaꞌ, inapita taꞌsatërin.

Hebreos 9:21

Ina quëran chinotopiso pëiꞌ, maꞌsha inaquë yaꞌhuërinsopita, inapitantaꞌ huënaiquë taꞌsatërin.

1 Pedro 1:19

Huiꞌninso nipirinhuëꞌ noya noya. Ina chiminpachina, huënainën paꞌnin. Iráca cotioroꞌsaꞌ co noyahuëꞌ nipachinara, carniroaꞌhua noyápiachin nininsoꞌ masahuatonaꞌ, tëpapi. Inapochachin Quisocristosoꞌ nóya. Co mantaꞌ oshahuanaponahuëꞌ, corosëquë chiminin. Oshanënpoaꞌ inquitatonpoaꞌ, ocoirinpoa huachi.

1 Pedro 1:2

Iráca quëra huarëꞌ Tata Yosë nohuitërinquëmaꞌ. Nosoroatënquëmaꞌ, huayoninquëmaꞌ huëntonënquë yaꞌconacamaso marëꞌ. Ispirito Santo anoyacancantërinquëmaꞌ natëcamaso marëꞌ. Quisocristo corosëquë chiminin oshanëmaꞌ inquitiinquëmaso marëꞌ. Yosë nontëramaꞌ niꞌton, oshanëmaꞌ inquitërinquëmaꞌ. Yosë inaora nohuanton, noya catahuainquëmaꞌ. Asanocancainquëmaꞌ.