Éxodo 24:4 - Chayahuita (Shahui)

⁴ Ina quëran Yosë pënëntërinsoꞌ ama naniantacaiso marëhuëꞌ yaꞌipi ninshitërin. Tahuëririnquë aꞌcayan capayatahuaton, motopi nanimarinꞌpaꞌ, aꞌnara artaro ninin. Naporahuaton shonca cato naꞌpiroꞌsaꞌ, Yosë marëꞌ ahuanirin. Shonca cato huënton israiroꞌsanta yaꞌhuërin niꞌton, inanapo ahuanirin.

Éxodo 24:4 ပူးပေါင်းရင်းမြစ်များ

Génesis 12:7

Inaquë Siniorori, Apran yaꞌnotahuaton, itërin: “Yaꞌipi iso noꞌpaꞌ, shiparinpita quëtarahuë huaꞌanëntaponaꞌ,” itërin. Naporo chachin Apran Sinioro chinotacaso marëꞌ aꞌnara artaro ninin. Inaquë yaꞌnotërin niꞌton, chinotërin.

Génesis 28:18

Tahuëririnquë Cacoposoꞌ, tashíramiachin capayatahuaton naꞌpi motoantërinso manin. Masahuaton, nohuitacaso marëꞌ onë pochin ahuanirin. Naporahuaton ina aipi toma opotërin. Inapotahuaton, Yosë marëꞌ acorin.

Génesis 28:22

Iso naꞌpi onë pochin ahuanirahuësontaꞌ, quëma pëinën nisarin. Naporahuaton, yaꞌipi quëtëranco quëran, piꞌpian quëtáponquën. Shonca canahuato aꞌnara quëchinquën,” itërin.

Génesis 31:45

Napotohuachina, Cacopontaꞌ, “Noyapaꞌ,” tëcaton, aꞌnara naꞌpi manin. Ina masahuaton, onë pochin ahuanirin.

1 Reyes 11:30

Naporoꞌ Aiasisoꞌ, nasha capa manin. Osharahuaton shonca cato osërarin.

1 Reyes 18:31

Ina marëꞌ shonca cato naꞌpiroꞌsa ohuatopisoꞌ manin. Cacopo huiꞌninpita yaꞌhuërinso napochachin manin. Ina Cacopo chachin iráca Siniorori aninihuanin: “Quëmasoꞌ Israiro itarinën,” itërin.

Esdras 6:17

Naporo tahuëri Sinioro chinotacaiso marëꞌ pasa toroaꞌhua, cato pasa carniro, catapini pasa carniroaꞌhua, inapita tëpapi. Shonca cato chiponta yaꞌipi israiroꞌsa oshanëna marëꞌ noyá ahuiquitopi. Shonca cato huënton yaꞌhuëpi niꞌton, aꞌnara aꞌna huënton marëꞌ nanirin.

Éxodo 17:14

Ina quëran Yosëri, Moisësë itapon: —Quirica masahuaton, amaricoroꞌsapitarëꞌquëma niahuëramasoꞌ, inaquë ninshitëquëꞌ. Ama insonta naniantacaso marëhuëꞌ ninshitëquëꞌ. Cosointa shaꞌhuitëquëꞌ. Naporin Yosë: “Ca nohuanto amaricoroꞌsaꞌ, taꞌhuantaponaꞌ. Napoaton co huachi inso tëranta inapita yonquiapihuëꞌ,” tënin, itëquëꞌ.

Éxodo 17:15

Ina yonquiaton Moisësësoꞌ, Yosë chinotacaso marëꞌ aꞌnara artaro ninin. Ina artaro aninihuanaton: “Siniorosoꞌ pantiranëhuë,” itërin. “Sinioro catahuarincoi inimicoroꞌsa minsërai,” taꞌton, ina pochin aninihuanin.

Éxodo 24:7

Ina quëran, Yosërëꞌ anoyatopiso quirica chiníquën nontërin. Yaꞌipi israiroꞌsa natanacaiso marëꞌ naporin. Nani natanpachinara: —Yaꞌipi cancanëhuëi quëran Sinioro camaitërinso natëarai, topi.

Éxodo 34:27

Ina quëran Siniorori Moisësë itaantarin: “Yaꞌipi ipora pënënanquëmasopita ninshitëquëꞌ. Canpitarëꞌco nani anoyatërahuë niꞌton, ina naꞌcon yonquiamaso yaꞌhuërin,” itërin.

Lucas 22:30

Huaꞌanëntohuato, carëꞌquëmaꞌ noya coshatërëhuaso pochin nóya cancantaramaꞌ. Inaquë catahuaramaco yaꞌipi israiroꞌsaꞌ huaꞌanëntaꞌhuasoꞌ,” itërin.

Gálatas 2:9

Santiaco, Pitro, Coansha, inapitasoꞌ chini chiníquën nanantopi niꞌton, shaꞌhuitërinacoi. “Yosë naꞌcon catahuarinquën. Ina acorinquën nisha piyapiꞌsaꞌ aꞌchintacaso marëꞌ,” taꞌtonaꞌ, sëꞌquërinaco. Pirnapintaꞌ sëꞌquëpi. “Canpitasoꞌ nisha piyapiꞌsaꞌ aꞌchintocoꞌ. Quiyaso nipirinhuëꞌ cotioroꞌsaꞌ aꞌchintarai,” itohuachinacoira, “Noyahuaꞌ,” itërai.

Deuteronomio 31:9

Yaꞌipi isopita pënëntërinsoꞌ, Moisësëri quiricaquë ninshitërin. Ninshitahuaton Nihui huënton corto huaꞌanoꞌsaꞌ, yaꞌipi Israiro ansianoꞌsaꞌ, inapitari tapacaiso marëꞌ quëtërin. Corto huaꞌanoꞌsasoꞌ, Yosërëꞌ anoyatopiso caposonën quëpanaꞌpiroꞌsaꞌ.

Josué 4:20

Inaquë Cosoi naꞌpiroꞌsa Cortaniiꞌ quëran ocoipisoꞌ, aꞌmitë aꞌmitëtërin. Shonca cato chachin napotërin.

Josué 4:5

Huëꞌpachinara itapon: “Cortaniiꞌ yanirinquë huancanaquë huarëꞌ, pacoꞌ. Sinioronënpoa caposonën notënanquë aꞌnaya aꞌnayama aꞌnara naꞌpi macoꞌ. Israiroꞌsanpoasoꞌ, shonca cato huënton ninëhuaꞌ. Napoaton, aꞌnaya aꞌnaya mapatamaꞌ, shonca cato yaꞌipiya quëran naniarin.

Apocalipsis 21:14

Pairatopisoꞌ shonca catoꞌ naꞌpiquë paquëërin, panca nininsoꞌ. Aꞌnaya aꞌnaya naꞌpiquë Quisoso caꞌtanoꞌsanënpita nininënaꞌ ninshitopi. Shonca catoꞌ yaꞌhuërin niꞌton, yaꞌipi nanitopi.