Éxodo 24:18 - Chayahuita (Shahui)

¹⁸ Moisësëso chitoro iꞌcopirinquë yaꞌconahuaton, motopi huiꞌnimotënꞌpaꞌ pantarin. Catapini shonca tahuëri tashirë chachin inatohua yaꞌhuërarin.

Éxodo 24:18 ပူးပေါင်းရင်းမြစ်များ

1 Reyes 19:11

Naporoꞌ Siniorori itapon: “Aipiran pipirahuaton huaniquëꞌ. Inaëchin naꞌhuëarahuë niꞌton, inaquë huaniquëꞌ,” itërin. Napotohuachina, inaso pipirin. Naporoꞌ Siniorosoꞌ naꞌhuëarin. Naporo chachin paꞌpi chiníquën ihuan paaton motopiroꞌsa paꞌton paꞌtontërin. Natëtëroꞌsanta opoa opoatërin. Sinioroso napoaponahuëꞌ, co ihuanquë yaꞌhuërinhuëꞌ. Ihuan naꞌhuëso chachin, ocohua yaꞌhuërëꞌ paantarin. Sinioroso napoaponahuëꞌ, co ocohuaquë tëranta yaꞌhuërinhuëꞌ.

1 Reyes 19:8

Napotohuachina, caantarin, oꞌoantarin, naporin. Inaporahuaton, catapini shonca tahuëri tashirë chachin iratërin. Paꞌsápaton Oripi motopiꞌpaꞌ huarëꞌ canconin. Ina motopisoꞌ, Sinioro motopinën itopi antaꞌ.

Éxodo 19:20

Siniorosoꞌ oꞌmaton, Sinai motopi huiꞌnimotënꞌpaꞌ nohuaraimarin. Ina quëran inatopa panantacaso marëꞌ, Moisësë përaantarin. Napotohuachina Moisësë nanpëantarin.

Éxodo 24:17

Israiroꞌsantaꞌ, Sinioro huënaráchin huënaráchin aꞌpininsoꞌ, quënanpi. Panca pën nënëhuachina, maꞌsha aꞌnaroáchin ahuiquitërinso pochin motopi huiꞌnimotënquë yaꞌnorin.

Éxodo 32:1

Israiroꞌsaso Moisësë huaꞌquirinso niꞌsahuatonaꞌ, Aaron paahuapi: —Moisësë Iquipito quëran ocoipirincoihuëꞌ. ¿Intohuaso paꞌmara? Co nitotëraihuëꞌ. Napoaton catahuaincoiso marëꞌ, mamanshi nitocoi, itopi.

Éxodo 34:28

Moisësëso naquëranchin catapini shonca tahuëri tashirë chachin, Siniororëꞌ yaꞌhuërárin. Co manta caꞌninhuëꞌ, co manta oꞌorinhuëꞌ. Naporoꞌ shonca nanan Yosë pënëntërinsoꞌ ninshitërin. Naꞌpitëaꞌhuaroꞌsaquë ninshitërin.

Éxodo 9:33

Nani copirno nontohuachinara, ninano quëran pipirin huachi. Pipipon chachin, inápaquë anquirahuaton Yosë nontërin. Nani orahuachina naporo chachin, oꞌnan mëꞌtarin. Huira copi tënin. Ocaintaꞌ, co huachi anotërinhuëꞌ.

Mateo 4:2

Catapini shonca tahuëri tashirë chachin inaquë yaꞌhuaponahuëꞌ, co mantaꞌ caꞌninhuëꞌ. Ina piquëran tanarin huachi.

Marcos 1:13

Inatohuaꞌ catapini shonca tahuëri yaꞌhuërin. Tanan niꞌniroꞌsapitarëꞌ yaꞌhuërin. Sopai huaꞌanintaꞌ huëcapairahuaton, tënirin. Shaꞌhuitápirinhuëꞌ ama Yosë natëcaso marëhuëꞌ. “Inca, co nohuantërahuëꞌ,” tënin. Nani sopai paꞌpachina, anquëniroꞌsari oꞌmarahuatonaꞌ, Quisoso nocomaimapi.

Lucas 4:2

Inaquë catapini shonca tahuëri yaꞌhuërarin. Naporoꞌ sopairi huëcapairahuaton, shaꞌhuitopirinhuëꞌ ama Yosë natëcaso marëhuëꞌ. Catapini shonca tahuëri yaꞌhuaponahuëꞌ, co mantaꞌ caꞌninhuëꞌ. Ina piquëran tanarin.

Deuteronomio 10:10

Inapoato iꞌhua pochachin catapini shonca tahuëri tashirë chachin, motopiꞌpaꞌ yaꞌhuërahuë. Inaquë canpita marëꞌ Sinioro nontërahuë. Nontohuatëra, naquëranchin natanatonco, co ataꞌhuantërinquëmahuëꞌ.

Deuteronomio 9:18

Naquëranchin Moisësëri israiroꞌsa nontaantarin: “Inapoatoma oshahuanamaso marëꞌ, naquëranchin isonahuato Sinioro nontërahuë. Iꞌhua naporahuëso chachin, catapini shonca tahuëri tashirë chachin co manta coshatërahuëꞌ, co manta oꞌorahuëꞌ. Panca tëhuëatoma Sinioro anoꞌhuitopiramahuëꞌ, canpita marëꞌ ina nontërahuë.

Deuteronomio 9:25

Mamanshi moshatoma oshahuanamaso marëꞌ Sinioro yaataꞌhuantërinquëmaꞌ. Ina niꞌton, naquëranchin iꞌhua naporahuëso pochin, catapini shonca tahuëri tashirë chachin isonahuë. Isonahuato chiníquën Sinioro nontërahuë: ‘Sinioro, ama piyapinënpita ataꞌhuantëquësohuëꞌ. Chiníquën nanantaton, inapitaso Iquipito quëran ocoiran. Inapotaton huaꞌanëntëran niꞌton, ama ataꞌhuantëquësohuëꞌ.

Deuteronomio 9:9

Caso naꞌpitëaꞌhuaroꞌsa maꞌpataꞌhuaso marëꞌ inatohua paantarahuë. Ina naꞌpitëaꞌhuaroꞌsaquë Siniororëꞌquënpoa anoyatërëhuaso ninshitërin. Ina maꞌpacaꞌhuaso marëꞌ catapini shonca tahuëri tashirë chachin co manta coshatërahuëꞌ, co manta oꞌorahuëꞌ, naporahuë.