Éxodo 24:12 - Chayahuita (Shahui)

¹² Siniorori Moisësë itaantapon: —Iso Sinai motopiquë nisarahuë niꞌton, huënantaton ninaco. Inaquë cato naꞌpitëaꞌhua quëchinquën. Inaquë pënëntërahuësoꞌ, camaitërahuësoꞌ, inapita nani ninshitërahuë. Ina quëran israiroꞌsa aꞌchintaramaꞌ, itërin.

Éxodo 24:12 ပူးပေါင်းရင်းမြစ်များ

1 Reyes 19:11

Naporoꞌ Siniorori itapon: “Aipiran pipirahuaton huaniquëꞌ. Inaëchin naꞌhuëarahuë niꞌton, inaquë huaniquëꞌ,” itërin. Napotohuachina, inaso pipirin. Naporoꞌ Siniorosoꞌ naꞌhuëarin. Naporo chachin paꞌpi chiníquën ihuan paaton motopiroꞌsa paꞌton paꞌtontërin. Natëtëroꞌsanta opoa opoatërin. Sinioroso napoaponahuëꞌ, co ihuanquë yaꞌhuërinhuëꞌ. Ihuan naꞌhuëso chachin, ocohua yaꞌhuërëꞌ paantarin. Sinioroso napoaponahuëꞌ, co ocohuaquë tëranta yaꞌhuërinhuëꞌ.

Esdras 7:10

Istrasësoꞌ, yaꞌipi cancanën quëran Sinioro pënëntërinso yanitotërin. Ina nitotahuaton, noꞌtëquën natëcaso yonquirin. Naporahuaton, aꞌnapita israiroꞌsanta aꞌchintochináchin cancantërin.

Nehemías 9:13

Ina quëran Sinai motopiquë nohuaraimaran. Naporoꞌ inápa quëran noya nicacaiso marëꞌ pënënan, camairan, naporan. Noꞌtën nanan aꞌchintahuaton, yonquínahuan yaꞌhuëcaiso marëꞌ anitotëran. Pënënancoisopita, camairancoisopita, anitotërancoisopita, inapitaso noyasáchin ninin. Chinoto tahuërinta acotëran. Ina tahuëri noya nicatonaꞌ, chinotiinënso marëꞌ acotëran. Piyapinën Moisësë itopiso quëran, yaꞌipi inapita anitotëran.

Salmos 19:12

Co noyahuëꞌ nipatoira, co quiyaora nitotëraihuëꞌ. Tëhuëtatëinquën oshahuanpiraihuëꞌ, co nitotëraihuëꞌ. Ina marëꞌ anaꞌintancoiso nipirinhuëꞌ, nichaꞌëcoi.

Éxodo 19:3

Inaquë nisoi, Yosëri Moisësë përarin: —Iso motopiquë nanpëintaquëꞌ, itërin. Itohuachina, Moisësë motopi huiꞌnimotënꞌpaꞌ nanpëontarin. Inaquë Yosëri itapon: —Apira nani maꞌsha shaꞌhuitaranquën. Yaꞌipi shaꞌhuitaranquënsoꞌ, Cacopo shinpita israiroꞌsa itopisoꞌ shaꞌhuitëquëꞌ:

Éxodo 24:15

Moisësëso motopi huancorintë Cosoi acorahuaton, inaora pantarin. Pantápaton pomosoontarin. Naporoꞌ chitorori yaꞌipi noyá imotërin.

Éxodo 24:18

Moisësëso chitoro iꞌcopirinquë yaꞌconahuaton, motopi huiꞌnimotënꞌpaꞌ pantarin. Catapini shonca tahuëri tashirë chachin inatohua yaꞌhuërarin.

Éxodo 24:2

Quëmasáchin yaꞌcariarancosoꞌ. Aꞌnapitaso quëmarëꞌ huëntaponahuëꞌ, aquëmiachin quëran chinotarinaco. Aꞌnapita israiroꞌsantaꞌ, co imaquintainënso yaꞌhuërinhuëꞌ, itërin.

Éxodo 31:18

Sinai motopiquë Siniorori nani yaꞌipi Moisësë shaꞌhuitohuachina, cato naꞌpitëaꞌhua quëtërin. Ina naꞌpitëaꞌhuaroꞌsaquë, inaora chachin pënëntërinso nanan ninshitërin.

Éxodo 32:1

Israiroꞌsaso Moisësë huaꞌquirinso niꞌsahuatonaꞌ, Aaron paahuapi: —Moisësë Iquipito quëran ocoipirincoihuëꞌ. ¿Intohuaso paꞌmara? Co nitotëraihuëꞌ. Napoaton catahuaincoiso marëꞌ, mamanshi nitocoi, itopi.

Éxodo 34:1

Siniorori, Moisësë itaantapon: —Cato naꞌpitëaꞌhuaroꞌsa iꞌhua paꞌpaaransopita pochachin tapaquëꞌ. Inaquë iꞌhua ninshitërahuëso pochachin ninshitaantarahuë.

Jeremías 31:33

Naporo tahuëriꞌsa israiroꞌsarëꞌco anoyatohuato, iso pochin nisarahuë: Aꞌchintërahuësopita yonquinëna quëran anitotarahuë. Ina nitotohuachinaꞌ, noꞌtëquën natëtacaisoꞌ catahuararahuë. Casáchin chinotarinaco. Inapitanta piyapinëhuëpita nisapi.

Mateo 5:19

Napoaton piꞌpian tërantaꞌ co natëhuatamahuëꞌ, co Yosë noya niꞌsarinquëmahuëꞌ. Huaꞌanëntërinquë co acanarinquëmahuëꞌ. Piyapiꞌsaꞌ aꞌchintatomaꞌ: ‘Ama natëquësohuëꞌ,’ itohuatamaꞌ, co noya aꞌchinaramahuëꞌ. ‘Natëcasoꞌ yaꞌhuërin,’ itohuatamaꞌ, noya aꞌchinaramaꞌ. Natëhuatamaꞌ, Yosë noya niꞌsarinquëmaꞌ. Huaꞌanëntërinquë acanamiatarinquëmaꞌ.

2 Corintios 3:3

Aꞌchintohuatëinquëmara, noya natanatomaꞌ Quisocristo imaramaꞌ niꞌton, noya carta pochin ninamaꞌ. Quisocristo chachin ninshitërinsoꞌ. Ina cartasoꞌ co napisëquë ninshitërinhuëꞌ. Co naꞌpiquë tërantaꞌ ninshitërinhuëꞌ. Yosësoꞌ nanpimiatarin niꞌton, Ispirito Santo anoyacancantërinquëmaꞌ nóya nicacamaso marëꞌ.

2 Corintios 3:7

Iráca Yosë pënëntërinsoꞌ shaꞌhuihuachina, naꞌpiquë ninshitërin. Yosësoꞌ noya noya niꞌton, huënaráchin yaꞌnorin. Moisësë yaꞌpiriontaꞌ huënaratarin niꞌton, co israiroꞌsaꞌ nanitopihuëꞌ huaꞌquiꞌ nirayacaisoꞌ. Huënarataponahuëꞌ, oshaquëran sacorayarin. Pënëntërinsontaꞌ noya niponahuëꞌ, co yaꞌhuëmiatërinhuëꞌ. Co yaꞌipi natëhuachinahuëꞌ, chiminpachinaꞌ, anaꞌintacasoꞌ yaꞌhuërin.

Deuteronomio 4:14

Pënëntërinsopita, camaitërinsopita, inapita aꞌchintaꞌhuanquëmaso marëꞌ canta camairinco. Noꞌpaꞌ quëtarinquëmaquë yaꞌconpatama natëcamaso marëꞌ, aꞌchintaranquëmaꞌ,” itërin.

Hebreos 9:4

Nëꞌmëtëꞌ yaꞌcariya aꞌna misaꞌhuaya yaꞌhuërin, oro quëran nipisoꞌ. Inaquë yonarin pochin pimóchin nininsoꞌ aꞌpëpi tomontacaso marëꞌ. Yosë caposonëontaꞌ yaꞌhuërin. Aipiran, acoporan, yaꞌipi oro quëran achinpitopi. Caposo acopoana yonsha oro quëran nipisoꞌ yaꞌhuërin. Inaquë piꞌpian cosharoꞌ Yosëri inápa quëran aꞌpaimarinsoꞌ poꞌmorin, mana itopisoꞌ. Aaron pitananëontaꞌ inaquë poꞌmorin. Inasoꞌ noyá yaniponahuëꞌ, Yosë nohuanton, aꞌnaroáchin papotantarin piyapinënpita yonquicaiso marëꞌ. Naporahuaton, catoꞌ naꞌpitëaꞌhuayantaꞌ inaquë acopi. Inaquë Yosë pënëntërinsoꞌ nani ninshitopi. Iráca anoyatërinsoꞌ itopisoꞌ.