Éxodo 24:11 - Chayahuita (Shahui)

¹¹ Yosë chachin nicaponaraihuëꞌ isopita huaꞌanoꞌsa co chiminpihuëꞌ. Yosërëꞌ anoyatopiso yonquiatonaꞌ, caꞌpi, oꞌopi, napopi. Ina quëran naquëranchin nohuaraimantapi.

Éxodo 24:11 ပူးပေါင်းရင်းမြစ်များ

Génesis 16:13

Siniorori nontërin niꞌton, Acarasoꞌ paꞌyanënquë tapon: “¿Yosë chachin nontaporahuë co chiminahuë ti?” tënin. Ina yonquiaton, iso pochin Sinioro nohuitërin: “Nicatonco, catahuarincoso Yosë,” itërin.

Génesis 31:54

Inapoatona anoyatohuachinara, Cacoposo inaquë chachin Yosë chinotacaso marëꞌ maꞌsharoꞌsa tëparin. Nani Yosë chinotohuachinara, quëmopinënpita ichicoshatërin. Yaꞌipiya coshatopi. Nani coshatohuachinara, inaquë chachin huëꞌëantapi.

1 Reyes 21:8

Napotahuaton Acapo nininën aꞌpitahuaton quiricaroꞌsa ninshitërin. Copirno sichonënquë chachin sichotahuaton, Quisiriro ansianoꞌsa aꞌpatërin.

Nehemías 2:16

Huaꞌanoꞌsasoꞌ, paꞌnahuësoꞌ co nitotopihuëꞌ. Aꞌnapita cotioroꞌsantaꞌ, co manta shaꞌhuichátërarahuëꞌ. Corto huaꞌanoꞌsaꞌ, maꞌhuanoꞌsaꞌ, huaꞌanoꞌsaꞌ, topinan piyapiroꞌsaꞌ, inapitanta pairaquë catahuatacaiso marëꞌ co nonchátërarahuëꞌ.

Salmos 139:5

Yaꞌipi parti quëran tahuirapitatë pochin yaꞌcopiranco. Imiran quëran picopitatë pochin nitëranco.

Éxodo 19:21

Inaquë Yosëri itaantapon: “Paꞌmantaton israiroꞌsa shaꞌhuitomantaquëꞌ: ‘Ama Sinioro yanicatomaꞌ, huiꞌshapiso naꞌhuëtocosohuëꞌ. Ina naꞌhuëtohuatamasoꞌ, naꞌcon naꞌconquëma chiminapomaꞌ,’ itëquëꞌ.

Éxodo 24:1

Ina quëran Siniorori, Moisësë itapon: —Naquëranchin Aaronëꞌquën nanpëintaquëꞌ. Iporasoꞌ huiꞌninpitanta huëntaꞌinaꞌ. Natapo, Apio, inapita huëntaꞌinaꞌ. Naporahuaton canchisë shonca Israiro ansianoꞌsantaꞌ, quëntaquëꞌ. Iso Sinai motopiquë nisarahuë niꞌton, huëntacoꞌ. Inahuaso napoaponahuëꞌ, ama coꞌchachin yaꞌcariꞌinacosohuëꞌ. Aquëchamiachin isonatonaꞌ, noꞌpaquë huarëꞌ monshopi quëran chinochinaco.

Eclesiastés 9:7

¡Huëco paꞌahua capa cancantahuaꞌ! Noya coshatahuaꞌ, noya oꞌoahuaꞌ, napoaꞌahuaꞌ. Sacatërëhuaso marëꞌ nani Sinioro noya niꞌninpoaꞌ.

Jeremías 14:3

Maꞌhuanoꞌsasoꞌ, piyapinënpita iꞌsha macai marëꞌ aꞌpapi. Inapitasoꞌ iꞌsha tapainanoꞌsaquë paꞌpirinahuëꞌ, co quënanpihuëꞌ. Yonshanënaquë co manta iꞌsha quëpihuëꞌ. Napohuachina co napion ancantatonaꞌ, motoꞌ sëꞌmopi.

Números 12:8

Napoaton inarëꞌcosoꞌ, aꞌninquëchin nonai. Ina pochin inarëꞌco nonahuë niꞌton, co onporonta canpitaso ina pinocamaso yaꞌhuërinhuëꞌ,” itërin.

Deuteronomio 12:7

Inaquë Sinioro yonquiatomaꞌ: Saꞌamaꞌ, huiꞌnamaꞌ, quëmopiroꞌsaꞌ, inapita coshataramaꞌ. Sacatëramaquë, pëꞌtahuatëramaquë, inaquëpita Yosë catahuamiatërinquëmaꞌ. Ina yonquiatoma capa cancantaramaꞌ.

Jueces 13:22

Naporoꞌ saꞌin itapon: —Yosë chachin canposo quënanatëꞌ, tëhuënchachin chiminarëꞌ, itërin. Napotopirinhuëꞌ: —Co ipora napoarihuëꞌ. Sinioro yatëparinpo naporini, chipoaꞌhua, tricoroꞌmo, inapita yaꞌipi ahuiquitërësoꞌ, co maꞌpaitonpohuëꞌ. Niꞌnësopitantaꞌ, co aꞌnochitonpohuëꞌ. Maꞌpitaso nicacasonta co shaꞌhuichitonpohuëꞌ, itërin saꞌini.

Jueces 5:13

Naporoꞌ Israiro sontaroꞌsaꞌ, motopi quëran nohuaramapi. Chini chiníquënoꞌsa nipisopita ahuëcaiso marëꞌ napopi. Përarahuë niꞌton, Sinioro sontaronënpita niyontonpi. Inimico sontaroꞌsa ahuëcaiso marëꞌ niyontonpi.