Éxodo 24:10 - Chayahuita (Shahui)

¹⁰ Inaquë pantahuachinara, Israirori chinotërinso Yosë chachin quënanpi. Noyápiachin nininquë toꞌquëtërin. Sapiro naꞌpiraꞌhua huënaratërinquë pochin toꞌquëtërin. Aꞌninquëchin piꞌiroꞌtë pochin yaꞌnorin.

Éxodo 24:10 ပူးပေါင်းရင်းမြစ်များ

Génesis 32:30

Napoaton Cacoposoꞌ ina roꞌtë aninihuanin: “Pinoiro,” itërin. “Isëquë chachin, Yosë nirayarahuë. Ina niponahuëꞌ co chiminahuëꞌ,” taꞌton, ina pochin ina roꞌtë nohuitërin.

Génesis 32:31

Piꞌi pipiriahuasoꞌ, Pinoiro quëran huëꞌsarin huachi. Catantëntaquëchin, tonaransë notohuëtërin niꞌton, sonpariarin.

1 Reyes 22:19

Ina quëran Micaiasësoꞌ, taantapon: —Naporanso marëꞌ Sinioro aꞌnotërincoso shaꞌhuichinquën natanquëꞌ: Sinioro huaꞌanëntacaso shiranënquë huënsëarin niꞌnahuë. Sontaronënpitantaꞌ, ina yaꞌcari huaniápopi. Inchinan quëran, ahuënan quëran huaniápopi.

Éxodo 24:11

Yosë chachin nicaponaraihuëꞌ isopita huaꞌanoꞌsa co chiminpihuëꞌ. Yosërëꞌ anoyatopiso yonquiatonaꞌ, caꞌpi, oꞌopi, napopi. Ina quëran naquëranchin nohuaraimantapi.

Éxodo 3:6

Ina quëran itaantarin: —Caso Yosëco. Shimashonënpita: Apraan, Isaco, Cacopo, inapita chinotërinaco, itërin. Ina natanahuaton, Moisësë paꞌyanin. Nipaꞌcopirayatahuaton, co huachi Yosë niꞌcaso nohuantërinhuëꞌ.

Éxodo 33:20

Napoaponahuëꞌ, yaꞌpirahuëso co niꞌsaranhuëꞌ. Inso tëranta niꞌpachinco chiminapon, itërin Yosëri.

Éxodo 33:23

Nani naꞌhuëhuato, imirahuë chiꞌhuincatarahuë. Naporo pinëhuëíchin niꞌsaran. Yaꞌpirahuëso nipirinhuëꞌ, co niꞌcaso yaꞌhuërinhuëꞌ, itërin Yosëri Moisësë nontaton.

Ezequiel 1:1

Caso Isiquiro corto huaꞌanco. Tatahuësoꞌ, Posi itopi. Papironiaꞌpaꞌ cantaꞌ, quëparinaco. Aꞌna tahuëri aꞌnapita quëpapisopitarëꞌco chachin Quiparoiꞌ itopisoꞌ yonsanꞌpaꞌ nisarai. Inaquë nicasoco aꞌnanaya huaꞌnarëso pochin piꞌiroꞌtë niiꞌsohuatohuachina, Yosë yaꞌnorin niꞌnahuë. Coaquin copirno quëpi quëran huarëꞌ nani aꞌnatërápo piꞌipi, catapini yoqui nisarin. Naporahuaton nani cara shonca piꞌipitarin Napocotono copirno yaꞌconinsoꞌ. Naporoꞌ Siniorosoꞌ chiníquën nanantaton, aꞌnotërincosopita nicaꞌhuaso marëꞌ catahuarinco.

Números 12:8

Napoaton inarëꞌcosoꞌ, aꞌninquëchin nonai. Ina pochin inarëꞌco nonahuë niꞌton, co onporonta canpitaso ina pinocamaso yaꞌhuërinhuëꞌ,” itërin.

Mateo 17:2

Inapitari nicasoiꞌ, nisha pochin yaꞌnorin. Yaꞌipi yaꞌpirin piꞌi pochin aꞌpinin. Aꞌmorinsoꞌ huënaráchin huënaráchin ninin.

Juan 1:18

Co inquënpoa tërantaꞌ Yosë quënanëhuahuëꞌ. Huiꞌniniso nipirinhuëꞌ noyá nohuitërin. Yosë pochachin niꞌton, napopianachin yonquipi. Inasáchin Tata Yosë anohuitërinpoaꞌ.

Juan 14:9

—Isonápoꞌ piꞌipi iyasha, canpitaroꞌco yaꞌhuëpirahuëꞌ, ¿co nohuichatërarancohuëꞌ ti? Niꞌpatamaco, tatahuëntaꞌ niꞌnamaꞌ. ¿Onpoatontaꞌ nipachin, “Tata aꞌnotocoi niꞌii,” itëranco?

Juan 6:46

Co insontaꞌ Tata Yosë quënaninhuëꞌ. Casáchin quënanahuë. Ina yaꞌhuërin quëran oꞌmarahuë.

1 Timoteo 6:16

Inasáchin co taꞌhuantarinhuëꞌ. Nanpirápon inasoꞌ. Noya noya niꞌton, huënaráchin pochin yaꞌnorin. Co yaꞌcarichinachinhuëꞌ. Iráca quëran huarëꞌ co insontaꞌ Yosë quënaninhuëꞌ. Ipora huantaꞌ co quënanarihuarahuëꞌ, yaꞌipi piyapiꞌsari chinochinaꞌ. Yaꞌipiya nanitaparin. Amen.

1 Juan 4:12

Co inquënpoa tërantaꞌ Yosë quënanpirëhuahuëꞌ, noya ninosorohuatëhuaꞌ, Yosë nohuitarihuaꞌ, yaꞌcoancantomiatërinpoaꞌ. “Yosë naꞌcon nosororinpoaꞌ,” taꞌtëhuaꞌ, canpoantaꞌ noya noya ninosoroarihuaꞌ.

Apocalipsis 1:16

Inchinan imirin quëran canchisë tayora pochin nininsoꞌ sëꞌquërin. Naporahuaton, nanamën quëran sahuëni pochin nininsoꞌ pipirarin. Cato quëran chachin toꞌnapinan. Yaꞌipi yaꞌpirinsoꞌ piꞌi pochin aꞌpinin. Huënaráchin huënaráchin yaꞌnorin.

Apocalipsis 21:11

Yosësoꞌ noya noya niꞌton, ina pochin nicaton, huënaráchin huënaráchin aꞌpinin. Naꞌpiaꞌhuaya paꞌton nininso pochin huënaratarin. Caspi itopisoꞌ. Isihuico pochin niponahuëꞌ, iꞌhua iꞌhuanánshin quënantërëꞌ.

Apocalipsis 4:3

Inaquë nisha pochin yaꞌnorin. Naꞌpi noyápiachin nininso pochin huënaratarin. Caspi, cornarina inapita pochin huënaratarin. Noyápiachin yaꞌnorin. Yahuaꞌtani tahuitërin, huënsëarin. Yahuaꞌtan niponahuëꞌ, huëron pochin caninchin aꞌpinin. Ismirarita pochin huënaratarin, niꞌnahuë.