Éxodo 20:8 - Chayahuita (Shahui)

⁸ Nani simana aꞌna tahuëriraꞌ yonquiamacoso marëꞌ chinotocoꞌ.

Éxodo 20:8 ပူးပေါင်းရင်းမြစ်များ

Génesis 2:2

Yaꞌipi acorinsopita tënirahuaton, tahuëririnquë chinotërin. Napoaton, ina tahuëri noya niꞌnin. Noya nicaton, chinoto tahuëri acorin. Napoaton piyapi pënënin: “Naporo tahuëri chinotatomaꞌ, casáchin yonquico,” itërin.

Isaías 58:13

Sinioro naporin: “Sahuato tahuëri nanihuachin, noya nicaton chinotëquëꞌ. Chinotamacoso tahuëri niꞌton, ama canacaso marëꞌ sacatëquësohuëꞌ. ‘Ina tahuërisoꞌ, capa cancantacaso tahuëri,’ tëquëꞌ. Naporoꞌ Sinioro noya nicaton chinotëquëꞌ. Inasoꞌ noyasáchin niꞌton, chinotacaso yaꞌhuërin. Ama quëmaora yonquiransopita nicatonhuëꞌ, ina tahuëri noya niꞌquëꞌ. Noya nicaton, ama maꞌsona nohuantëransoꞌ niquësohuëꞌ. Co canacamaso marënta sacatacaso yaꞌhuërinhuëꞌ.

Levítico 19:3

Tatama noya nicatoma natëcoꞌ. Mamamanta natëcoꞌ. Chinoto tahuëri shaꞌhuitëranquëmasoꞌ noya nicatoma chinotocoꞌ. Caso Yosëco napotaranquëma niꞌton, natëco.

Levítico 19:30

Chinoto tahuëri shaꞌhuitëranquëmasoꞌ, noya nicatoma chinotocoꞌ. Chinotëramacoso nëꞌmëtë pëintaꞌ, noya niꞌcoꞌ. Caso Sinioroco napotaranquëmaꞌ.

Levítico 23:3

Nani simanaquë saota tahuëri sacataramaꞌ. Tahuëririnquëso nipirinhuëꞌ, co sacataramahuëꞌ. Ina tahuëri noya nicatoma chinotaramaco. Naporo tahuëri chinotamacoso marëꞌ niyontonaramaꞌ. Insëquë tëranta yaꞌhuëpatamaꞌ, naporo tahuëri chinotamacoso marëꞌ chinotaramaꞌ.