Éxodo 20:19 - Chayahuita (Shahui)

¹⁹ Napoaton Moisësë, itopi: —Ama huachi Yosëso nonchincoisohuëꞌ. Chiminpatoi. Quëmari natanaton shaꞌhuitocoi natëi, itopi.

Éxodo 20:19 ပူးပေါင်းရင်းမြစ်များ

Génesis 3:10

Natanahuaton, quëmapiso tapon: —Coꞌta oꞌmaransoꞌ natanai. Iꞌnanpirashitëcoi niꞌtoi, tëꞌhuatërainquën. Naporahuaton tapantatëinquën, naꞌpirai, itërin.

Génesis 32:30

Napoaton Cacoposoꞌ ina roꞌtë aninihuanin: “Pinoiro,” itërin. “Isëquë chachin, Yosë nirayarahuë. Ina niponahuëꞌ co chiminahuëꞌ,” taꞌton, ina pochin ina roꞌtë nohuitërin.

Éxodo 33:20

Napoaponahuëꞌ, yaꞌpirahuëso co niꞌsaranhuëꞌ. Inso tëranta niꞌpachinco chiminapon, itërin Yosëri.

Hechos 7:38

Iráca inotëro parti shimashonënpoaꞌ niyontonpachinara, Moisësëri Yosë nanamën anitotërin. Sinai motopiquë paꞌpachina, anquëniri nontërin. Yosë nanamën shaꞌhuitërin noya nanpicaiso marëꞌ. Canpoa marëntaꞌ shaꞌhuitërin.

Gálatas 3:19

¿Maꞌmarëtaꞌ nipachin pënëntërinso nanan yaꞌhuërin? Co topinan quëran cotioroꞌsaꞌ pënëninhuëꞌ. Oshahuanëhuasoꞌ anitotinpoaso marëꞌ pënënin. Quisocristo nasitaquë huarëꞌ pënëntërinsoachin yaꞌhuërin imacaisoꞌ. Quisocristo nasitohuachina, iráca Apraan shaꞌhuitërinso chachin oꞌmarin. Yosë pënëntohuachina, anquëniroꞌsaꞌ aꞌpaimarin Moisësë shaꞌhuitacaso marëꞌ. Ina quëran Moisësëri piyapiꞌsaꞌ shaꞌhuitërin.

Deuteronomio 18:16

Ina mini canpitaso yaꞌipinquëmaꞌ, Sinai motopiquë Sinioro shaꞌhuitëramaꞌ: ‘Sinioronënpoasoꞌ Yosë niꞌton, ama huachi iso pochin nontaantaꞌincoisohuëꞌ. Co huachi naquëranchin pën niꞌcaꞌhuaiso nohuantëraihuëꞌ. Ama chiminaꞌhuaiso marëhuëꞌ naporai,’ tënamaꞌ.

Hebreos 12:19

Tronpita chiníquën pihuirinsoꞌ natanpi. Naporoꞌ Yosëri chiníquën itërin: “Iso motopiquë pënënaranquëmaꞌ niꞌton, ama yaꞌcaricosohuëꞌ. Maꞌsharoꞌsa tërantaꞌ inaquë paꞌpachinaꞌ, chimiinaꞌ. Naꞌpiquë tëꞌyaratomaꞌ, tëpacoꞌ,” itërin. Ina natanahuatonaꞌ: “Sacaiꞌ ina nanan natëcasoꞌ,” taꞌtonaꞌ, paꞌyanpi. “Ama huachi chiníquën nonchincoisohuëꞌ,” itopi.