Éxodo 20:18 - Chayahuita (Shahui)

¹⁸ Noninsoꞌ, huiratërinsoꞌ, carniro pomon pihuipisoꞌ, inapita natanahuatonaꞌ, israiroꞌsasoꞌ paꞌpi tëꞌhuatopi. Oꞌcoriꞌ, pën, conaiꞌ, inapitanta quënanatonaꞌ, paꞌpi paꞌyanpi. Paꞌyanatona co nohuantopihuëꞌ yaꞌcaritacaisoꞌ.

Éxodo 20:18 ပူးပေါင်းရင်းမြစ်များ

Génesis 15:17

Nani tashihuachina, aꞌnanaya orno conaiꞌ tomontárinso yaꞌnorin. Naporahuaton, panca yanatëtë pochin pën orótahuaton, maꞌsharoꞌsa nichatërinsopita huáncana, naꞌhuërin.

Génesis 3:10

Natanahuaton, quëmapiso tapon: —Coꞌta oꞌmaransoꞌ natanai. Iꞌnanpirashitëcoi niꞌtoi, tëꞌhuatërainquën. Naporahuaton tapantatëinquën, naꞌpirai, itërin.

Jeremías 23:23

Caso Yosëco niꞌto, isëquë yaꞌhuërahuë. Aquënta nipirinhuëꞌ, yaꞌhuëarahuë chachin. Co inquëma tëranta nanitëramahuëꞌ naꞌpitamacosoꞌ. Inápaquë, isoroꞌpaquë, yaꞌipi parti yaꞌhuëarahuë.

Deuteronomio 18:16

Ina mini canpitaso yaꞌipinquëmaꞌ, Sinai motopiquë Sinioro shaꞌhuitëramaꞌ: ‘Sinioronënpoasoꞌ Yosë niꞌton, ama huachi iso pochin nontaantaꞌincoisohuëꞌ. Co huachi naquëranchin pën niꞌcaꞌhuaiso nohuantëraihuëꞌ. Ama chiminaꞌhuaiso marëhuëꞌ naporai,’ tënamaꞌ.