Éxodo 20:16 - Chayahuita (Shahui)

¹⁶ Ama piyapi nonpinapicosohuëꞌ.

Éxodo 20:16 ပူးပေါင်းရင်းမြစ်များ

Salmos 15:3

Co pinotacaso yaꞌhuërinhuëꞌ. Co aꞌnapita maꞌsha onpotacaso yaꞌhuërinhuëꞌ.

Levítico 19:11

Ama ihuatocosohuëꞌ. Ama nonpincosohuëꞌ. Naporahuaton, ama ninonpintocosohuëꞌ.

Levítico 19:16

Ama nanan paꞌyatocosohuëꞌ. Aꞌna piyapi yatëparahuachinaꞌ, ama catahuatëquësohuëꞌ. Ca Sinioroco napotaranquëmaꞌ.

Levítico 19:18

Ama canpita capini ninoꞌhuitoma niiꞌhuërëtocosohuëꞌ. Canpitaora ninosororamaso pochachin aꞌnapitantaꞌ, nosorocoꞌ. Ca Sinioroco napotaranquëmaꞌ.

Mateo 19:18

—¿Insopitataꞌ natëcaꞌhuasoꞌ yaꞌhuërin? itërin maꞌhuani. —“Ama piyapi tëpaquësohuëꞌ. Nani saꞌan yaꞌhuëtohuachinquën, ama monshihuanquësohuëꞌ. Ama ihuatëquësohuëꞌ. Ama nonpinapiquësohuëꞌ.

Lucas 3:14

Sontaroꞌsantaꞌ huëꞌpi. —¿Maꞌtaꞌ quiyantaꞌ onpoꞌii? itiipi. —Ama piyapi ahuëatomaꞌ, coriqui matocosohuëꞌ. Ama canacaso marëꞌ nonpinapicosohuëꞌ. Nani pahuërëhuachinquëmaꞌ, ama naꞌcon naꞌcon nohuantocosohuëꞌ, itërin.

Hechos 6:13

Nani niyontonpachinara, naquëranchin shaꞌhuirapiantapi. Nonpinatonaꞌ, co noꞌtëquën shaꞌhuirapipihuëꞌ. —Yosë chinotopiso pëiꞌ noya nipirinhuëꞌ, nonapirarin. “Moisësë iráca pënëntërinsontaꞌ co natëcasoꞌ yaꞌhuërinhuëꞌ,” toconin.

Efesios 4:31

Ama aꞌnapita noꞌhuitomaꞌ, yonquirácosohuëꞌ. Aꞌnaroáchin nanan anoyatocoꞌ. Ama noꞌhuitacamasoꞌ nohuantocosohuëꞌ. Ama noꞌhuito canainquëmasohuëꞌ. Ama iquianan quëran ninontocosohuëꞌ. Nipinocasontaꞌ co noyahuëꞌ. Ama piꞌpian tërantaꞌ co noyahuëꞌ nicosohuëꞌ.

1 Timoteo 1:10

Nisha nisha nicacaisoꞌ yonquipi. Saꞌinaꞌ, soꞌinaꞌ inapita yaꞌhuëtaponaraihuëꞌ, monshihuanpi. Quëmapi capini, sanapi capini nisëꞌhuapi. Piyapiꞌsa chachin ihuatopi paꞌanacaiso marëꞌ. Nonpintopi. “Tëhuënchachin noꞌtëquën nonahuë,” taponaraihuëꞌ, nonpinpi. Yosësoꞌ noya nicacasoꞌ aꞌchintopirinpoahuëꞌ, co nohuantopihuëꞌ natëcaisoꞌ. Ina pochin nipisopita tëhuënchinsoꞌ pënënacasoꞌ yaꞌhuërin.

2 Timoteo 3:3

Co piꞌpisha tërantaꞌ ninosoroapihuëꞌ. Co niquëꞌyaapihuëꞌ. Ninonpinapitonaꞌ nishaꞌhuirapiapi. Nimonshitapi. Niꞌni pochin cancantatonaꞌ niahuëapi. Noya nininsopita co piꞌpisha tërantaꞌ nohuantapihuëꞌ.

Santiago 4:11

Ama iyaroꞌsaꞌ nipinocosohuëꞌ. Ama coisë pochin cancantatomaꞌ, aꞌnapita noꞌhuicosohuëꞌ. Piꞌpisha tërantaꞌ nanan yaꞌhuëhuachin, ama apancatahuatomaꞌ, nishaꞌhuirapicosohuëꞌ. Quisocristo imaramaꞌ niꞌton, iyaparin pochachin ninosorocasoꞌ yaꞌhuërin. Pinopatamaꞌ, co nosoroaramahuëꞌ. Yosë pënënpirinpoahuëꞌ. “Yaꞌipi piyapiꞌsaꞌ nosorocoꞌ,” itopirinpoahuëꞌ, “Co nosorocasoꞌ yaꞌhuërinhuëꞌ,” taꞌtomaꞌ, pinoramaꞌ. Canpitaora yonquinëma quëran pinotatomaꞌ, co Yosë natëramahuëꞌ.