Éxodo 20:13 - Chayahuita (Shahui)

¹³ Ama piyapi tëpacosohuëꞌ.

Éxodo 20:13 ပူးပေါင်းရင်းမြစ်များ

Proverbios 1:11

Yanonpintatënën: “Huëquë paꞌa quëmantaꞌ, piyapi toꞌshitatëhua tëpaꞌahuaꞌ. Co manta yonquiasoihuëꞌ inapotahuaꞌ.

Proverbios 1:18

Inapochachin tëpatoroꞌsasoꞌ, inahuara chachin pison acopiquë yaꞌconpiso pochin nicatonaꞌ, maꞌsha onpotochinaichin nisapi.

Jeremías 26:15

Napoaponahuëꞌ, noya yonquicoꞌ. Tëpahuatamacosoꞌ, co manta onpopirahuëꞌ tëpapomaco. Ina marëꞌ yaꞌipinquëma naꞌinaramaꞌ. Yaꞌipi shaꞌhuitëranquëmasopitasoꞌ, co caora nohuanton shaꞌhuitëranquëmahuëꞌ. Sinioro aꞌparinco niꞌton, napotëranquëmaꞌ,” itërahuë.

Mateo 19:18

—¿Insopitataꞌ natëcaꞌhuasoꞌ yaꞌhuërin? itërin maꞌhuani. —“Ama piyapi tëpaquësohuëꞌ. Nani saꞌan yaꞌhuëtohuachinquën, ama monshihuanquësohuëꞌ. Ama ihuatëquësohuëꞌ. Ama nonpinapiquësohuëꞌ.

Marcos 10:19

Iráca pënëntërinsoꞌ nani nitotëran. “Ama piyapi tëpacosohuëꞌ. Ama nitëhuananpitocosohuëꞌ. Ama ihuatocosohuëꞌ. Ama ninonpinapicosohuëꞌ. Ama nonpincosohuëꞌ. Tatamaꞌ natëcoꞌ. Mamamantaꞌ natëcoꞌ,” tënin Yosë pënëntaton, itërin Quisosori.

Lucas 18:20

Iráca pënëntërinsoꞌ nitotëran. “Ama saꞌan tëhuananpitëquësohuëꞌ. Ama piyapi tëpaquësohuëꞌ. Ama ihuatëquësohuëꞌ. Ama nonpinapiquësohuëꞌ. Tata natëquëꞌ. Mamantaꞌ natëquëꞌ,” tënin Yosë iráca pënëntaton, itërin.

Hechos 16:28

Paonoriso nipirinhuëꞌ aꞌnaroáchin nontërin: —¡Ama iyasha nitëpaquësohuëꞌ! ¡Co taꞌaraihuëꞌ! itërin chiníquën nontaton.

Hechos 28:4

Naquëimirarinsoꞌ, yaꞌhuëhuanoꞌsari niꞌpi. “Iso quëmapi tëpatonaꞌpi ipora. Napoaton yosëroꞌsaꞌ nohuanton, maꞌsha onpoarin iꞌhuërëtacaso marëꞌ. Marë quëran chaꞌëponahuëꞌ, chimianin,” nitopi.

Romanos 13:9

Iráca pënëntohuachina, itërin: “Saꞌahuanpatamaꞌ, ama aꞌna sanapi sëꞌhuacosohuëꞌ. Ama tëpatocosohuëꞌ. Ama mantaꞌ ihuatocosohuëꞌ. Ama nonpinapicosohuëꞌ. Ama aꞌna piyapi maꞌshanënpita nohuantapatocosohuëꞌ,” tënin. Ninosorohuatëhuaꞌ, yaꞌipi Yosë pënëninpoasoꞌ natëarëhuaꞌ. “Quëmaora ninosororanso pochachin aꞌnapitantaꞌ nosoroquëꞌ,” tënin Yosë.

Gálatas 5:21

Co noyahuëꞌ yonquihuachinara, aꞌnapita maꞌshanënpita noyapatonaꞌ, noꞌhuipi. Noꞌpipi, pitaroꞌsaquë caꞌmiatopi, oꞌomiatopi, aꞌnaratipita nipi. Iráca pënënanquëmaꞌ. Iporantaꞌ pënëantaranquëmaꞌ. Inapohuatamaꞌ, co Yosë huaꞌanëntërinquë yaꞌconaramahuëꞌ. Ina pochin nipisopita co Yosëꞌpaꞌ pantarapihuëꞌ.

1 Timoteo 1:9

Noya nipisopita co pënënacasoꞌ yaꞌhuërinhuëꞌ. Aꞌnapitaso nipirinhuëꞌ pënënacasoꞌ yaꞌhuërin. Co Yosë natëtonahuëꞌ, co insontaꞌ yanatëpihuëꞌ. Co natantonhuëꞌ niconpi. Paꞌpi co noyahuëꞌ nipi, oshahuanpi. Yosëntaꞌ tëhuapi. Co ina chinotopihuëꞌ. Aꞌnaquënsoꞌ paꞌpinaꞌ, aꞌshinaꞌ inapita co quëꞌyatonahuëꞌ, yatëpapi. Aꞌnaquëontaꞌ tëpatopi.

Santiago 2:11

“Saꞌahuanpatamaꞌ, ama aꞌna sanapi monshitocosohuëꞌ,” tënin Yosë. Naporahuaton, “Ama piyapi tëpacosohuëꞌ,” tënin antaꞌ. Co monshihuanaponahuëꞌ, piyapi tëpahuatan, oshahuanaran. Co Yosë natëaranhuëꞌ.

Santiago 2:13

Co piyapiꞌsaꞌ nosorohuatamahuëꞌ, ayaroꞌ tahuëri Yosëntaꞌ co nosoroarinquëmahuëꞌ. Napoaton “Yosë naꞌcon nosororinpoaꞌ,” taꞌtëhuaꞌ, aꞌnapita nosoroaꞌhuaꞌ. Ina quëran ayaroꞌ tahuëri co anaꞌintarinpoahuëꞌ.