Éxodo 20:12 - Chayahuita (Shahui)

¹² Tatama noya nicatoma natëcoꞌ. Mamamanta natëcoꞌ. Natëhuatamaꞌ, naꞌcon catahuaranquëmaꞌ. Canaan noꞌpaꞌ quëtohuatënquëmaꞌ, huaꞌqui inaquë noya yaꞌhuaramaꞌ.

Éxodo 20:12 ပူးပေါင်းရင်းမြစ်များ

Génesis 48:12

Paꞌpin toꞌtopitënquë huiꞌninpita huënsëápirinahuëꞌ, Cosiri ahuanirin. Ahuanirahuaton, paꞌpin notënanquë isonin. Isonin quëran noꞌpaquë huarëꞌ monshorin. Noya nicaton napotërin.

Génesis 50:12

Cacopo huiꞌninpitasoꞌ, paꞌpin nanpipon camaitërinso chachin yaꞌipi nipi. Canaanquë quëpantarahuatonaꞌ, Maquipiraquë nanin yaꞌhuërinquë poꞌmoontapi. Iti piyapi, Ipron itopisori, ina noꞌpasoꞌ huaꞌanëntopirinhuëꞌ, Apraani iráca nipaꞌpitacaiso marëꞌ paꞌantërin. Ina naninso noꞌparë chachin, Mamiri yaꞌhuërin quëran, piꞌi pipirinso parti quëparitërin.

2 Reyes 2:12

Ina nicaton Irisiosoꞌ, chiníquën nonin: “¡Maistro, maistro! ¡Quëmasoꞌ panca sontaroꞌsa huënton pochin nicaton, yaꞌipi israiroꞌsacoi paꞌpoyarancoi!” tënin. Ina piquëransoꞌ, co huachi maistronën quënaninhuëꞌ. Ina tosahuaton sëtonënquë aꞌmorinso osharin. Catotë huarëꞌ acorin.

Proverbios 15:5

Co yonquinahuanhuëꞌ nipachin, co paꞌpini tëranta pënënaton anaꞌintacaso nohuantërinhuëꞌ. Noya natanpachinsoꞌ, yonquínahuan nisarin.

Proverbios 3:16

Inchinan quëran ihuëtatë pochin huaꞌqui tahuëri nanpicasoꞌ quëtarinpoaꞌ. Ahuënan quëran ihuëtatë pochin maꞌhuanacasoꞌ, noya nicatënënpoa natëinënpoasoꞌ, inapita quëtarinpoaꞌ.

Levítico 19:3

Tatama noya nicatoma natëcoꞌ. Mamamanta natëcoꞌ. Chinoto tahuëri shaꞌhuitëranquëmasoꞌ noya nicatoma chinotocoꞌ. Caso Yosëco napotaranquëma niꞌton, natëco.

Levítico 19:32

Mashoyaroꞌsaꞌ, paiyaroꞌsaꞌ, inapita noya niꞌquëꞌ. Huëꞌpachinaꞌ, huanirahuaton noya nontëquëꞌ. Canta tëꞌhuatatomaco, noya niꞌco. Ca Sinioroco napotaranquëmaꞌ.

Malaquías 1:6

Siniorosoꞌ, yaꞌipi nanitaparin. Corto huaꞌanoꞌsa pënënaton: “Huaꞌhuaroꞌsasoꞌ, paꞌpina noya nicatona natëcaiso yaꞌhuërin. Patronoꞌsantaꞌ, piyapinënpitari natëcaiso yaꞌhuërin. Caso canpita tatanëmaco niꞌquëhuarëꞌ, ¡noya nicatomaco natëamacoso yaꞌhuërin! Patronëmaco niꞌquëhuarëꞌ, ¡natëamacoso yaꞌhuërin! Canpitaso napoaponahuëꞌ, nocanamaco. Napoapomarahuëꞌ: ‘¿Maquëta nocanainquën?’ itëramaco.

Mateo 19:19

Tata natëquëꞌ. Mamantaꞌ natëquëꞌ. Quëmaora ninosororanso pochachin aꞌnapitantaꞌ nosoroquëꞌ,” itërin Quisosori.

Marcos 10:19

Iráca pënëntërinsoꞌ nani nitotëran. “Ama piyapi tëpacosohuëꞌ. Ama nitëhuananpitocosohuëꞌ. Ama ihuatocosohuëꞌ. Ama ninonpinapicosohuëꞌ. Ama nonpincosohuëꞌ. Tatamaꞌ natëcoꞌ. Mamamantaꞌ natëcoꞌ,” tënin Yosë pënëntaton, itërin Quisosori.

Marcos 7:10

Niꞌcoꞌ. Moisësë iráca pënëntaton, naporin: “Tatamaꞌ, mamamaꞌ, inapita noya natëtomaꞌ, catahuacoꞌ. Inso tëranta paꞌpinaꞌ, aꞌshinaꞌ inapita co noyahuë yonquirapitonaꞌ noꞌhuihuachinaꞌ, tëpacoꞌ,” tënin.

Lucas 18:20

Iráca pënëntërinsoꞌ nitotëran. “Ama saꞌan tëhuananpitëquësohuëꞌ. Ama piyapi tëpaquësohuëꞌ. Ama ihuatëquësohuëꞌ. Ama nonpinapiquësohuëꞌ. Tata natëquëꞌ. Mamantaꞌ natëquëꞌ,” tënin Yosë iráca pënëntaton, itërin.

Efesios 5:21

Quisocristosoꞌ huaꞌanëmaꞌ niꞌton, ina yonquiatomaꞌ, imaramasopita capini nicatahuacoꞌ. Yaꞌipinquëmaꞌ nipënënatomaꞌ, ninatancoꞌ.

Deuteronomio 32:47

Sinioronënpoasoꞌ Yosë niꞌton, inasáchin cancantatoma pënëntërinsopita noꞌtëquën natëcoꞌ. Ina noya natëhuatamaꞌ, huaꞌqui noya nanpiaramaꞌ. Co huaꞌquiya quëranhuëꞌ Cortaniiꞌ aquëtëran noꞌpaꞌ masaramaꞌ. Sinioro pënëntërinsoꞌ noya natëhuatamaꞌ, huaꞌqui inaquë yaꞌhuaramaꞌ,” itërin.

Deuteronomio 4:26

Piꞌiroꞌtëꞌ, isoroꞌpaꞌ, inapita yaꞌhuërinso niꞌnëhuaꞌ. Inapochachin shaꞌhuitaranquëmasontaꞌ, noꞌtëquën nisarin. Cortaniiꞌ aquëtëran noꞌpaꞌ yaꞌhuërinsoꞌ macatoma huaꞌanëntopiramahuëꞌ, mamanshi moshacaso marëꞌ nipatamaꞌ, co huaꞌqui inaquë yaꞌhuëaramahuëꞌ. Naꞌcon naꞌconquëma chiminaramaꞌ.

Deuteronomio 4:40

Yaꞌipi pënëninquëmasopita natëcoꞌ. Camairinquëmasopitantaꞌ, natëcoꞌ. Inapita ipora tahuëri carinquëma shaꞌhuitaranquëmaꞌ. Inapohuatamaꞌ, Yosë noꞌpaꞌ quëtarinquëmaquë noya yaꞌhuëaramaꞌ. Naporahuaton huaꞌqui tahuëri niꞌsaramaꞌ. Shiparimapitanta noya yaꞌhuëaponaꞌ. Co incari tëranta ina noꞌpaso osërëtarinquëmahuëꞌ,” itërin Moisësëri.

Deuteronomio 6:2

Ina pochin mini Sinioro noya nicatë natëcaso yaꞌhuërin. Pënëntërinsopita, camaitërinsopita, inapita chiminaquë huarëꞌ natëcoꞌ. Naporahuaton huiꞌnamapita, shiparimapita, inapitanta natëchinaꞌ. Inapohuatamaꞌ, huaꞌqui tahuëri niꞌsaramaꞌ.

Colosenses 3:20

Huaꞌhuaroꞌsantaꞌ paꞌpinaꞌ natëinaꞌ. Aꞌshinantaꞌ natëinaꞌ. Yaꞌipi pënënpisoꞌ natëinaꞌ. Inapohuachina, Siniorori noya niꞌsarin.

Rota naporinso' 3:6

Itahuaton nitaparin. Naporahuaton toꞌnoratopiquë paꞌnin. Inaquë canconahuaton, aꞌshatëni napotërinso chachin ninin.