Éxodo 20:11 - Chayahuita (Shahui)

¹¹ Saota tahuëri quëran yaꞌipi acorahuësopita tënirahuë. Inápaquë, isoroꞌpaquë, marëquë, inaquëpita yaꞌhuërinso tënirahuë. Tahuëririnquë chinotërahuë. Napoaton, ina tahuëri noya nicato, chinoto tahuëri acorahuë: Naporo tahuëri chinotatomaꞌ, casáchin yonquico.

Éxodo 20:11 ပူးပေါင်းရင်းမြစ်များ

Génesis 1:28

Noya yonquirapiton iso pochin shaꞌhuitërin: “Nóya yaꞌhuëcoꞌ. Naꞌa huaꞌhuasha yaꞌhuëchinquëmaꞌ. Shiparimapita naꞌatonaꞌ, yaꞌipi parti yaꞌhuëꞌinaꞌ. Yaꞌipi huaꞌanëntocoꞌ. Samiroꞌsaꞌ, maꞌsharoꞌsaꞌ, anpiantëhuanoꞌsaꞌ, niohuaratërinsopita, inapita huaꞌanëntocoꞌ,” itërin.

Génesis 1:31

Naporoꞌ Yosëri yaꞌipi acorinsopita nicaton: “¡Ma nóyacha yaꞌipi acorahuë paya!” tënin. Tashiantarahuaton tahuëriantahuachina, iꞌhuaraya huarëꞌ saota tahuëri nanirin huachi.

Éxodo 8:22

Cosin partiso nipirinhuëꞌ, co tonca aꞌparahuëꞌ. Inaquëso piyapinëhuëpita yaꞌhuëpi niꞌton, co aꞌparahuëꞌ. Canpitaráchin aparisitaponquëmaꞌ. Israiroꞌsasoꞌ, co aparisitapihuëꞌ,’ tënin. Tashiraya chachin napoarin. Inapohuachin: ‘Tëhuënchachin Siniorosoꞌ, chiníquën nanantaton anaꞌintarincoi,’ tapon,” itërin.

Isaías 42:10

Nasha canta cantatomaꞌ, Sinioro chinotocoꞌ. Aquë noꞌparoꞌsaquë yaꞌhuëpisopita, ina chinochinaꞌ. Marë paꞌtopisopitantaꞌ, ina chinochinaꞌ. Inaquë maꞌsharoꞌsa yaꞌhuërinsopita, marë yonsanoꞌsaquë yaꞌhuëpisopita, yaꞌipi inapitantaꞌ, ina chinochinaꞌ.

Hechos 14:15

—¿Onpoaramataꞌ iyaroꞌsaꞌ? Ama moshacoisohuëꞌ. Tëhuënchachin co quiyasoꞌ moshamacoiso yaꞌhuërinhuëꞌ. Quiyantaꞌ piyapicoi, canpita pochachin ninai. Noya nanan shaꞌhuitaꞌhuanquëmaso marëꞌ huëꞌnai. Quisoso nanamën, iyaroꞌsaꞌ, aꞌchinchinquëmaꞌ, natanco. Mamanshi topinan quëran mosharamaꞌ. Yosëso nipirinhuëꞌ nanpirárin. Ama huachi mamanshi moshacosohuëꞌ. Inapita naniantatomaꞌ, Yosë imaco huachi. Isoroꞌpaꞌ, inápaquë yaꞌhuërinsopita, marëroꞌsaꞌ, yaꞌipi maꞌsharoꞌsaꞌ, inapita inari ninin.

Hechos 20:7

Tomio tahuëri nanihuachina, niyontonai Quisoso chimininsoꞌ yonquiatoi coshataꞌhuaiso marëꞌ. Naporoꞌ Paonori aꞌchintarin: “Tashiraya paꞌsarai,” taꞌton, yono tashiquë huarëꞌ aꞌchinin.

Hechos 4:24

Napotohuachinara, napopianachin yonquiatonaꞌ, Yosë nontopi: “Quëmasáchin Sinioro chini chiníquën nanantëran. Isoroꞌpaꞌ, inápaquë yaꞌhuërinsopita, iiroꞌsaꞌ, yaꞌipi maꞌsharoꞌsaꞌ, inapita acoran.

Apocalipsis 10:6

“Yosë niꞌsárinco niꞌton, co nonpinahuëꞌ. Inasoꞌ iráca quëran huarëꞌ yaꞌhuaton, co onporontaꞌ ayaponhuëꞌ. Isoroꞌpaꞌ, marë, piꞌiroꞌtëꞌ, yaꞌipi yaꞌhuërinsopita inari ninin. Tëhuënchachin co huachi huaꞌqui quëranhuëꞌ anaꞌintomiatarin.