Éxodo 2:6 - Chayahuita (Shahui)

⁶ Iꞌsoatohuachina, quëmapiaꞌhuaya naꞌnëárin quënanin. Naꞌnërinsoꞌ natanahuaton, nosororin. Paꞌyataton tapon: “¡Isosoꞌ, Israiroaꞌhua!” tënin.

Éxodo 2:6 ပူးပေါင်းရင်းမြစ်များ

1 Reyes 8:50

Co noyahuëꞌ nicatona oshahuanpisoꞌ, inquitëquëꞌ. Co natantochináchinhuëꞌ cancantopisonta inquitahuaton, catahuaquëꞌ. Quëpapisopitari nosorocaiso marëꞌ catahuaquëꞌ.

Nehemías 1:11

Onpopionta Sinioro nontëranquënsoꞌ natanco. Aꞌnapita piyapinënpitantaꞌ, nontarinënsoꞌ natanquëꞌ. Quiyasoꞌ paꞌyataꞌhuainquënsoráchin cancantarai. Copirno yanontërahuë. Nontohuato, quëma nohuanton noya natanatonco catahuainco,” itërahuë.

Éxodo 1:22

Huaraonso nipirinhuëꞌ, piyapinënpita itapon: “Israiroaꞌhuaroꞌsa quëmapiaꞌhuaya nasitohuachin, iꞌquë tëꞌyaitoco chimiichin. Sanapiaꞌhuaroꞌsaso nipirinhuëꞌ, noya nanpiꞌinaꞌ,” itërin.

Éxodo 2:5

Co huaꞌquiya quëranhuëꞌ huaraon huiꞌnin nanon nininsoꞌ, amapon paꞌsarin. Piyapinënpita sanapiꞌsa nipisopitarë chachin yonsan paꞌtasoiꞌ, otënahuan iꞌmësoꞌ shiꞌshinamatëroquë yanpoitarin quënanin. Ina niꞌsahuaton aꞌnara piyapinën macacaso camairin. Napotohuachina, quëshirin.

Éxodo 2:7

Naporoꞌ oshin huëꞌnin. Huëꞌsahuaton, tapon: —Nohuantohuatan, Israiro sanapi shoꞌshoihuan nininsoꞌ iso huaꞌhuasha nocomatiinquënso marëꞌ përai, itërin. —Inta nipachin quëshico, itërin. Itohuachina, aꞌshin macapon paꞌnin.

Hechos 7:21

Ina quëran aipiran acohuachinaꞌ, Yosë nohuanton copirno huiꞌnini chachin manin asoꞌsocaso marëꞌ. Huaꞌhuin pochin niꞌnin.

1 Pedro 3:8

Yaꞌipinquëmaꞌ noya niniꞌtomaꞌ, yaꞌhuëcoꞌ. Aꞌnaquën sëtohuachinaꞌ, noya nontocoꞌ ama aquëtëꞌ sëchinasohuëꞌ. Noya cancantohuachinaꞌ, canpitantaꞌ noya cancantocoꞌ. Imaramaso capini ninosorocoꞌ. Ninosoroatomaꞌ iyaroꞌsaꞌ nicatahuacoꞌ. Ama ninocancosohuëꞌ. Canpitantaꞌ imoyaroꞌsaꞌ, noya ninontocoꞌ.