Éxodo 2:24 - Chayahuita (Shahui)

^24-25 Piyapinënpita parisitopisoꞌ niꞌsahuaton, naꞌnëpisonta natanin. Naporoꞌ iráca shimashonënapitarëꞌ anoyatërinsoꞌ, yonquirin. Apraan, Isaco, Cacopo, inapitarëꞌ anoyatërinso yonquiaton, yacatahuarin huachi.

Éxodo 2:24 ပူးပေါင်းရင်းမြစ်များ

Génesis 15:13

Naporoꞌ Siniorori itapon: —Aꞌna tahuëri shiparinpita, nisharoꞌsataquë yacapataponaꞌ. Inaquë piyapitatonaꞌ, camaiyaponaꞌ. Aparisitaponaꞌ. Catapini pasa piꞌi inapoaponaꞌ.

Génesis 16:11

Ipora cayoransoꞌ, quëmapiaꞌhuaya huaiyaran. Huaihuatan, Ismairo itëquëꞌ. Co napion ancantaton naꞌnëransoꞌ, Sinioro nataninquën niꞌton, ina nininën acotëquëꞌ.

Génesis 17:7

Quëmarëꞌco ipora nani anoyatërahuë. Shiparinpitarëꞌconta aꞌna tahuëri anoyatarahuë. Yosënënco niꞌto, catahuaráponquën. Shiparinpitanta inapotápo.

Génesis 26:2

Inaquë Siniorori yaꞌnotahuaton, itërin: “Ama Iquipitoquë paꞌmaquësohuëꞌ. Insëquësona quëparitacasoꞌ, carinquën shaꞌhuitaranquën.

Génesis 26:24

Naporo tashi Siniorori yaꞌnotahuaton itapon: “Caso Yosëco. Tataparin Apraan chinotërinco. Ama tëꞌhuaquësohuëꞌ. Carinquën caꞌtanatënquën catahuamiataranquën. Piyapinëhuë Apraan natërinco niꞌton, ca nohuanton shiparinpita naꞌamiatapon,” itërin.

Génesis 26:3

Ipora marësoꞌ, iso noꞌpaquë yaꞌhuëtacoꞌ. Carinquën caꞌtanatënquën catahuararanquën. Yaꞌipi iso noꞌpaꞌ, carinquën quëtaranquën. Shiparinpitantaꞌ, ina chachin quëtarahuë. Tataparin Apraan nani shaꞌhuitërahuë niꞌton, quëtaranquëmaꞌ.

Génesis 32:28

Naporoꞌ ina quëmapirisoꞌ itapon: —Co huachi Cacopo itarinënhuëꞌ. Ipora quëran huarëꞌ Israiro itarinën. Yosë chinitëran, piyapiꞌsanta chinitëran. Chinitaton canatëran niꞌton, ina pochin nohuitarinën, itërin.

Génesis 8:1

Naporoꞌ Yosëri Noi, yaꞌipi maꞌsharoꞌsa nanchaquë yaꞌhuëapisopita, inapita yacatahuarin. Ina nohuanton pacon huinquintacaso marëꞌ ihuan paꞌnin.

Salmos 105:42

Piyapinën Apraan itopisoꞌ shaꞌhuitërinso yonquiaton, naporin.

Salmos 22:24

Popriyaroꞌsa parisitohuachinara, Siniorosoꞌ co topinan niꞌsárinhuëꞌ. Co naꞌpitatë pochin nicaton, tananpitaponhuëꞌ. Co napion ancatatona nontohuachinara, natanahuaton catahuararin.

Salmos 22:5

Chiníquën nontohuachinën nichaꞌëran. Quëma ninarinën niꞌton, co atapananhuëꞌ.

Éxodo 6:5

Iporaso nipirinhuëꞌ, iquipitoroꞌsari israiroꞌsa chiníquën aparisitapi. Ahuëatona tësharapi natanahuë. Ina niꞌsahuato, shimashonënpitaroꞌco anoyatërahuësoꞌ yonquirahuë.

Números 20:16

Parisitápatoi catahuaincoiso marëꞌ Sinioro nontërai. Chiníquën nontohuatoira natanahuatoncoi catahuarincoi. Anquëninën aꞌpaimarin Iquipito quëran ocoincoiso marëꞌ. Iporasoꞌ Catisë ninanoquë yaꞌhuëarai, canpita noꞌpanëma naniconinquë nisarai.

Hechos 7:34

Piyapinëhuëpita Iquipitoquë yaꞌhuëpirinahuëꞌ, parisitápi niꞌnahuë. Chiníquën aparisitopi niꞌton, tarëtápi, natanahuë. Napoaton nichaꞌësarahuë huachi. Huëquëꞌ inatohuaꞌ aꞌpaꞌinquën nichaꞌëcamaso marëꞌ,” itantarin.

Jueces 2:18

Inimiconënpitari aparisitahuachinara, israiroꞌsa tarëtatona naꞌnërápi. Naporoꞌ Siniorori nosororin. Ina nohuanton inapita catahuacaso marëꞌ huaꞌan huanirin. Ina nanpisoꞌ Siniorori catahuarin niꞌton, inimiconënpita quëran israiroꞌsa nichaꞌërin.

1 Samuel 9:16

“Tashiraya ipora pochin aꞌnara Mincamin huënton quëmapi aꞌpatiaranquën. Ina masahuaton israiroꞌsa huaꞌanën nicacaso marëꞌ acoaran. Huiristinoꞌsari piyapinëhuëpita huaꞌanëntápirinahuëꞌ, inari nichaꞌësarin. Inapitari aparisitopiso marëꞌ chiníquën nontërinaco niꞌton, nosoroantarahuë,” itërin.