Éxodo 2:23 - Chayahuita (Shahui)

²³ Napoyan quëran Iquipito copirno chiminin huachi. Aꞌna yaꞌhuërëꞌ yaꞌcoantaponahuëꞌ, inanta israiroꞌsa co nosororinhuëꞌ. Inachachin asacatapi. Chiníquën parisitatonaꞌ, naꞌnë naꞌnë́rantapi. Napoatona Yosë nontopi huachi: “Catahuacoi Sinioro. Chiníquën parisitarai. Nichaꞌëcoi,” itopi. Napopisoꞌ Yosëri natanin.

Éxodo 2:23 ပူးပေါင်းရင်းမြစ်များ

Génesis 16:11

Ipora cayoransoꞌ, quëmapiaꞌhuaya huaiyaran. Huaihuatan, Ismairo itëquëꞌ. Co napion ancantaton naꞌnëransoꞌ, Sinioro nataninquën niꞌton, ina nininën acotëquëꞌ.

Génesis 4:10

Napotohuachina, Siniorori itapon: —¿Onpoatonta naporan? Iyaya tëpaton, paꞌpi co noyahuëꞌ ninan. Huënainën aꞌpatëran niꞌton, co huachi noya yaꞌhuëcamaso marëhuëꞌ shaꞌhuitaranquën.

Nehemías 9:9

Shimashonëhuëipita Iquipitoquë paꞌpi aparisitapirinahuëꞌ, Quëhuaiꞌ marë yonsanquë naꞌnëtërinënsoꞌ natanaton, catahuaran.

Éxodo 4:19

Nani miꞌsën nontaponahuëꞌ, co paꞌshátërasohuëꞌ, Yosëri yaꞌnotaton: “Paquë huachi Iquipitoquë. Iráca yatëparinquënsopita nani chiminpi,” itërin.

Éxodo 6:5

Iporaso nipirinhuëꞌ, iquipitoroꞌsari israiroꞌsa chiníquën aparisitapi. Ahuëatona tësharapi natanahuë. Ina niꞌsahuato, shimashonënpitaroꞌco anoyatërahuësoꞌ yonquirahuë.

Éxodo 6:9

Yaꞌipi Yosëri shaꞌhuitërinsoꞌ Moisësëri israiroꞌsa shaꞌhuitërin. Inahuaso nipirinhuëꞌ, co napion ancantápatonaꞌ, co yanatëpihuëꞌ.

Éxodo 7:7

Moisësë posa shonca piꞌipitapasoꞌ, Aaronta posa shonca cara piꞌipitarin. Naporoꞌ Iquipito copirno nontopi.

Isaías 5:7

Israiroꞌsaꞌ, Cota huënton israiroꞌsanpoaꞌ, canpoasoꞌ, Sinioro yaꞌipi nanitaparinsoꞌ oparonën pochin ninëhuaꞌ. Napoaton: “Inapitasoꞌ, pënëntërahuësoꞌ natëtona noya nicacaiso yaꞌhuërin,” topirinhuë Siniorosoꞌ. Nitëpacasoráchin tëhuënchinsoꞌ paꞌyatërëhuaꞌ. Noya nicacasoꞌ ninapirinhuëꞌ, maꞌsha nionpotatëhua nitësharárëhuaꞌ.

Números 20:16

Parisitápatoi catahuaincoiso marëꞌ Sinioro nontërai. Chiníquën nontohuatoira natanahuatoncoi catahuarincoi. Anquëninën aꞌpaimarin Iquipito quëran ocoincoiso marëꞌ. Iporasoꞌ Catisë ninanoquë yaꞌhuëarai, canpita noꞌpanëma naniconinquë nisarai.

Hechos 7:30

Catapini shonca piꞌipi Moisësë inaquë yaꞌhuërin. Ina quëran aꞌna tahuëri inotëroꞌ parti paꞌnin. Sinai motopi yaꞌcariya niꞌsoꞌ, sarsa nara orotarinsoꞌ quënanin. Inaquë chachin anquëniri yaꞌnotimarin.

Santiago 5:4

Piyapinëmapita nonpintëramaꞌ. Iminëmaquë asacatopiramahuëꞌ, co noꞌtëquën pahuërëtëramahuëꞌ. Inapitasoꞌ Yosëquë shaꞌhuirapirinënquëmaꞌ. Shanëmapita nitërinsoꞌ mapirinahuëꞌ, co pahuërëtëramahuëꞌ. Inapohuatamaꞌ, Yosë nitotarin. Inasoꞌ chini chiníquën nanantërin niꞌton, noꞌtëquën iꞌhuërëtarinquëmaꞌ.

Jueces 4:3

Capinsoꞌ, iscon pasa toronanoꞌsa huaꞌnamia quëran nipisoꞌ yaꞌhuëtërin. Naporahuaton cato shonca piꞌipi israiroꞌsa huaꞌanëntaton, paꞌpi aparisitërin. Nápo piꞌipi quëran huachi, catahuacaiso marëꞌ Yosë nontopi.

1 Samuel 12:8

Cacopo huiꞌninpita, shinpita, inapita iráca Iquipitoquë paꞌpi. Paꞌpachinara, iquipitoroꞌsari chiníquën aparisitopi. Inapotohuachinara shimashonënpoapitasoꞌ, Sinioro nontopi huachi. Inariso natanahuaton, Moisësë, Aaron, inapita acorin catahuacaiso marëꞌ. Inapitari Iquipito quëran ocoirahuatonaꞌ, shimashonënpoapitasoꞌ iso noꞌpaquë yaꞌhuëcaiso marëꞌ quëpi.

1 Samuel 9:16

“Tashiraya ipora pochin aꞌnara Mincamin huënton quëmapi aꞌpatiaranquën. Ina masahuaton israiroꞌsa huaꞌanën nicacaso marëꞌ acoaran. Huiristinoꞌsari piyapinëhuëpita huaꞌanëntápirinahuëꞌ, inari nichaꞌësarin. Inapitari aparisitopiso marëꞌ chiníquën nontërinaco niꞌton, nosoroantarahuë,” itërin.