Éxodo 2:21 - Chayahuita (Shahui)

²¹ Coshatapona pochin, Nihuirori yacapacaso marëꞌ Moisësë shaꞌhuitërin. Natanahuaton nohuantërin. Co huaꞌquiya quëranhuëꞌ huiꞌnin Sihuira itopisoꞌ, acoantërin huachi.

Éxodo 2:21 ပူးပေါင်းရင်းမြစ်များ

Éxodo 2:10

Nani chinotonaꞌhua nipachina, huaraon huiꞌninquë quëpatërin. Inari huaꞌhuin pochin nicaton aninihuanin: Moisësë, itërin. Iquipito nananquë: “Iꞌ quëran ocoirahuësoꞌ,” tapon naporin.

Éxodo 3:1

Moisësësoꞌ, miꞌsën ohuicanënpita aꞌpaitarin. Inasoꞌ shaꞌhuitëranquëmaso chachin Matianquë corto huaꞌan yaꞌconin. Aꞌna tahuëri Moisësësoꞌ, ohuicaroꞌsa quëpaton aꞌcacaso marëꞌ inotëro pëntontërin. Oripi motopiquë huarëꞌ canconin. Ina motopisoꞌ, Yosë motopinën itopi antaꞌ.

Éxodo 4:18

Ina quëran Moisësë miꞌsën pëinënquë panantarin. Cancontarahuaton itapon: —Iquipitoquë yapaato nontaranquën. Onpoácaitaꞌ quëmopinëhuëpita, taꞌto yapaꞌsarahuë, itërin. —Noyapaꞌ. Yosë catahuainquën noya paquëꞌ, itërin miꞌsëni.

Números 12:1

Aꞌna tahuëri Aaron, Maria inapita Moisësë pinopi. Coso sanapi maninso marëꞌ chinotopi.

Hechos 7:29

Ina natanahuaton, tëꞌhuatërin. “Copirno natantohuachin, noꞌhuiarinco,” taꞌton, pipimiatërin huachi. Matian parti yacapatërin. Inaquë saꞌaton, catoꞌ huiꞌnin yaꞌhuëtërin.

1 Timoteo 6:6

Noꞌtëquën Yosë imapatëhuaꞌ, tëhuënchachin canamiatarihuaꞌ. Co naꞌa maꞌsha yaꞌhuëtopirinpoahuëꞌ, sano cancantohuatëhuaꞌ, nóya yaꞌhuarihua huachi.

Hebreos 11:25

Yosë piyapinënpita catahuacaso marëꞌ paꞌnin. Ina marëꞌ parisitopirinhuëꞌ, co ina yonquirinhuëꞌ. Yosë natëcasoꞌ naꞌcon naꞌcon nohuantërin. “Co noyahuëꞌ nicatëhuaꞌ, capa cancantopirëhuahuëꞌ, co huaꞌquiya quëranhuëꞌ maꞌsha taꞌhuantarin,” taꞌton, co maꞌsharáchin yonquirinhuëꞌ.

Hebreos 13:5

Ama coriquiráchin paꞌyatocosohuëꞌ. Co naꞌcon maꞌsha yaꞌhuëtopirinquëmahuëꞌ, sano cancantocoꞌ. Ama naꞌcon naꞌcon nohuantocosohuëꞌ. Yosë chachin nani shaꞌhuitërinpoaꞌ. “Co onporontaꞌ pataranquëmahuëꞌ. Co naniantaranquëmahuëꞌ,” itërinpoaꞌ.

Santiago 1:10

Aꞌnaquëmaso nipirinhuëꞌ naꞌa coriqui, maꞌsha, inapita yaꞌhuëtërinquëmaꞌ. Ina niponahuëꞌ Quisocristo imaramaꞌ niꞌton, co maꞌsharáchin yonquicamasoꞌ yaꞌhuërinhuëꞌ. Aꞌna tahuëri chiminarihuaꞌ. Yaꞌipi maꞌsha papotërinsontaꞌ taꞌhuantaponaꞌ. Quisocristo naꞌcon yonquiatomaꞌ, noya cancantocoꞌ.