Éxodo 2:2 - Chayahuita (Shahui)

² Sanapiso cayoantarahuaton, quëmapiaꞌhuaya huairin. Huaꞌhuin noyápiachin nicaton, cara yoqui pëinënquë poꞌorin.

Éxodo 2:2 ပူးပေါင်းရင်းမြစ်များ

Hechos 7:20

Naporoꞌ, iyaroꞌsaꞌ, Moisësë nasitërin. Yosëri noya niꞌnin. Paꞌpin aꞌshinë chachin nosoropi niꞌton, cara yoqui poꞌorahuatonaꞌ, pëinënquë acanopitopi.

Deuteronomio 33:16

Noya noya cosharo nininsopita noꞌpanënaquë noyachin. Quëmari Sinioro Cosi shinpita catahuaquëꞌ. Yonquirapirahuëso chachin yaꞌhuëchinaꞌ. Quëmari chachin iinpita huaꞌanën nicacaso marëꞌ, Cosi huayonan. Ca huayonancoso pochachin, nitëran. Sarsa nara huëyaponahuëꞌ, co huiquitërinhuëꞌ nininquë yaꞌnotëranco. Yaꞌnotatonco cantaꞌ, israiroꞌsa ocoiaꞌhuaso marëꞌ camairanco. Quëmasoꞌ noyasáchin yonquirapirancoi.

Hebreos 11:23

Ina quëran Iquipito copirnori piyapinënpita camairin: “Israiro sanapiꞌsaꞌ huaihuachinaꞌ, quëmapiaꞌhuaya nipachin, tëpacoꞌ,” itërin. Napopirinhuëꞌ, Moisësësoꞌ nasitohuachina, aꞌshini co nohuantërinhuëꞌ huaꞌhuin chiminacasoꞌ. Yosë natëton, co copirno tërantaꞌ tëꞌhuatërinhuëꞌ. “Iso huaꞌhuahuësoꞌ noya,” itërin soꞌin nontaton. Cara yoqui noya poꞌopi.

1 Samuel 16:12

Napotohuachina Quisisoꞌ, aꞌnara aꞌparin ina macontacaso marëꞌ. Inasoꞌ canquihuachina niꞌpirinhuëꞌ, huiꞌnapi. Noyapin noyapin niꞌtahuaton, quëhuashin aintërin, naporin. Naporoꞌ Siniorori Samoiro itapon: —Iso mini huayonahuësoꞌ. Ina copirno nicacaso marëꞌ tomaquë opomototahuaton, acoquëꞌ, itërin.