Éxodo 2:16 - Chayahuita (Shahui)

¹⁶ Chinotasoꞌ, canchisë nanoꞌsa canquipi. Iꞌsha macatona ohuicanënapita oꞌshitacaiso marëꞌ canquipi. Inapitasoꞌ Nihuiro huiꞌnipita. (Nihuirosoꞌ, Quitoro itopi antaꞌ.) Inasoꞌ, Matianquë corto huaꞌan yaꞌconin.

Éxodo 2:16 ပူးပေါင်းရင်းမြစ်များ

Génesis 14:18

Aꞌna copirnorintaꞌ, Apran nacapirin. Inasoꞌ, Miriquiso itopi. Sarimoquë copirno yaꞌconahuaton, corto huaꞌan nimantarin. Yosë chini chiníquën nanantërinso marëꞌ sacatërin. Inaso Apran aꞌcarahuaton, huinonta oꞌshitërin. Piyapinënpitantaꞌ, aꞌcarin, oꞌshitërin, napotërin.

Génesis 24:11

Paꞌsápatonaꞌ, canconpi huachi. Ninano aipiran, yatashirahuaso canconpi. Naporo oraquë nanoꞌsa iꞌsha macapona posoquë huëꞌsapi. Apraan piyapinënsoꞌ camiyoroꞌsa aꞌna poso pirayan achinotarin.

Génesis 24:13

Nanoꞌsa iꞌsha macapona huëcasoiꞌ, iso poso pirayan ninatapo.

Génesis 29:2

Ninano yaꞌcariꞌ, aꞌna poso quënanconin. Ina pirayan cara huënton ohuicaroꞌsa iꞌsha oꞌshitacaiso marëꞌ achinotapi. Ina pososoꞌ, pancatë naꞌpiquë aꞌtantopi.

Génesis 41:45

Copirnori, Cosi Iquipito nananquë nisha nininën acotërin: Sahuinato-paniya, itërin. Naporahuaton Potihuira huiꞌnin Asina itopisoꞌ acoantërin. Potihuirasoꞌ, On ninanoquë corto huaꞌan yaꞌconin. Ina pochin Cosi, yaꞌipi Iquipito noꞌpaꞌ huaꞌanëntacaso marëꞌ acopi.

Éxodo 3:1

Moisësësoꞌ, miꞌsën ohuicanënpita aꞌpaitarin. Inasoꞌ shaꞌhuitëranquëmaso chachin Matianquë corto huaꞌan yaꞌconin. Aꞌna tahuëri Moisësësoꞌ, ohuicaroꞌsa quëpaton aꞌcacaso marëꞌ inotëro pëntontërin. Oripi motopiquë huarëꞌ canconin. Ina motopisoꞌ, Yosë motopinën itopi antaꞌ.

1 Samuel 9:11

Ina ninanoquë pacacaiso marësoꞌ, panca panën paꞌtopi. Ina paꞌtasoi nanoꞌsa iꞌsha macacaiso marëꞌ oꞌmarapi nacapipi. Nacapirahuatonaꞌ: —¿Ninoton quënanaꞌpi yaꞌhuëárin ipora ninanoquë to? itopi.