Éxodo 2:14 - Chayahuita (Shahui)

¹⁴ Napotopirinhuëꞌ, ahuëtonaꞌpiriso itapon: —¡Co insonta camaiancoso marëꞌ nanan quëtërinquënhuëꞌ! Co coisë pochin nicamaso yaꞌhuërinhuëꞌ. Iꞌhuara Iquipito quëmapi tëparanso pochin ¿ca yaꞌhuërëꞌ yatëpaantamaranco ti? itërin. Ina natanahuaton, Moisësë paꞌyanin: “Iquipito quëmapi tëparahuësoꞌ nani yaꞌipi nitotopi,” tënin yonquinënquë.

Éxodo 2:14 ပူးပေါင်းရင်းမြစ်များ

Génesis 13:8

Napoaton aꞌna tahuëri Aprani Noto itapon: “Canposoꞌ, quëmopinpo ninëꞌ. Co canpo capini ninoꞌhuicaso yaꞌhuërinhuëꞌ. Co piyapinënpopitantaꞌ, ninoꞌhuicaiso yaꞌhuërinhuëꞌ.

Génesis 19:9

Inapitariso nipirinhuëꞌ, itaponaꞌ: —¡Poꞌshaquë quëmasoꞌ! Nisha piyapinquën niponahuëꞌ, ¿yacamairancoi ti? ¡Iporaso huachi inapita quëran naꞌcon naꞌcon, quëma nitarainquën! itopi. Napotatonaꞌ, Noto ahuërapi. Pëinën yaꞌcoanantaꞌ, yapaparapitopi huachi.

Génesis 34:27

Aꞌnapita iinpitanta canquirahuatonaꞌ, yaꞌipi quëmapiꞌsa nani tëpapi niꞌton, ninanoquë maꞌsha yaꞌhuërinso mamiatopi. Oshina Siquimori tapirinso marëꞌ, iꞌhuërëtatona inapotopi.

Mateo 21:23

Ina quëran Yosë chinotopiso pëiquë paantarin piyapiꞌsaꞌ aꞌchintantacaso marëꞌ. Aꞌchinaquëyaꞌ, cotio ansianoꞌsaꞌ, corto huaꞌanoꞌsaꞌ, inapita huëꞌpi. —¿Onporahuatontaꞌ chiníquën nanantaton, nipaꞌantopisopita aꞌparan? ¿Intaꞌ nanan quëtërinquën ina pochin nicacasoꞌ? Shaꞌhuitocoi, itopi.

Lucas 12:14

—Co coisë pochin nicaꞌhuasoꞌ yaꞌhuërinhuëꞌ, itërin Quisosori.

Lucas 19:14

Piyapinënpitaso nipirinhuëꞌ co nohuantopihuëꞌ. Noꞌhuipi. Napoaton comisionënpita aꞌpapi copirno shaꞌhuitacaiso marëꞌ. ‘Ina quëmapi co nohuantëraihuëꞌ huaꞌanëntiincoisoꞌ. Ama acoquësohuëꞌ,’ itoonpi.

Lucas 19:27

Co nohuantërinacosopitaso nipirinhuëꞌ maconcoꞌ. Isëquë chachin tëpacoꞌ,’ tënin,” itërin Quisosori.

Hechos 7:35

Napoaton Moisësë inatohua chachin paantarin. Iráca israiroꞌsaꞌ yacatahuapirinhuëꞌ, co yanatëpihuëꞌ. “¿Intaꞌ huaꞌan acorinquën? Co coisë pochin shaꞌhuitancoisoꞌ yaꞌhuërinhuëꞌ,” itopi. Yosëso nipirinhuëꞌ Moisësë chachin huaꞌan acorin. Naraꞌhuaya quëran anquëniri yaꞌnotasoꞌ, Yosëri shaꞌhuitërin inapita nichaꞌëcaso marëꞌ.

Hebreos 11:27

Yosë natëton, Moisësë Iquipito quëran pipirin. Copirnori noꞌhuipirinhuëꞌ, co tëꞌhuatërinhuëꞌ. “Yosë co quënanaporahuëꞌ, niꞌsárinco,” taꞌton, chiníquën cancantërin. Chiníquën cancantaton, Yosë piyapinënpita catahuarin.