Éxodo 19:9 - Chayahuita (Shahui)

⁹ Nani shaꞌhuitohuachina, Siniorori itapon: —Natanquë shaꞌhuichinquën: Nontaranquënsoꞌ piyapiꞌsari natanacaiso marëꞌ chitoro yaráchin nininquë yaꞌnotaranquën. Ina natanpachinaꞌ, natëmiataponën huachi, itërin. Itohuachina, naquëranchin Moisësëri israiroꞌsa aꞌpanitopisoꞌ, Sinioro shaꞌhuitaantarin.

Éxodo 19:9 ပူးပေါင်းရင်းမြစ်များ

1 Reyes 8:12

Ina quëran Saromonsoꞌ Yosë nontaton itapon: “Quëmasoꞌ Sinioro tashinanquë yaꞌhuëran.

Éxodo 14:31

Siniorori chiníquën nanantaton iquipitoroꞌsa anaꞌintërin. Ina niꞌsahuatonaꞌ, israiroꞌsasoꞌ Yosë tëꞌhuatopi: “Tëhuënchachin Yosë catahuarinpoaꞌ. Moisësëntaꞌ, ina natëton catahuarinpoaꞌ,” taꞌtona natëtopi huachi.

Éxodo 19:16

Moisësë naporinso chachin naporo tahuëri nanihuachina, tashiramiachin chiníquën oꞌcoritaton, huirátarin. Yaráton chitoro nininso motopi imotërin. Naporahuaton carniro pomon chiníquën pihuipisoꞌ natanpi. Ina natanatonaꞌ, yaꞌipi israiroꞌsa yaꞌhuëpiquë paꞌyanpi. Paꞌyanatona ropa ropatapi.

Éxodo 20:21

Israiroꞌsasoꞌ, aquëranchin notëapi. Naporoꞌ Moisësësoꞌ, Yosë noninsoꞌ natanacaso marëꞌ chitoro yara yaráchin nininquë yaꞌconin. Inaquë piyapiꞌsa shaꞌhuitacaso marëꞌ Yosëri nani maꞌsha pënënarin.

Éxodo 34:5

Nani pomosontahuachina, Sinioroso chitoroquë yaporitiimarin. Inaquë Moisësërëꞌ niquënanpi. Naporo Siniorosoꞌ, onpopinsona nininso shaꞌhuirarin.

Éxodo 4:31

Ansianoꞌsasoꞌ, yaꞌipi natëpi. Parisitapirinahuë Yosëri yacatahuarinso natanahuatonaꞌ, noꞌpaquë huarëꞌ monshorahuatonaꞌ, Yosë chinotopi huachi.

Éxodo 4:5

Israiro huaꞌanoꞌsa niꞌtonënquë inapotëquëꞌ. Huaranën yaꞌhuan taraninso niꞌpachinaꞌ, yaꞌnotëranquënso natëtapi huachi: “Shimashonënpoapita Apraan, Isaco, Cacopo, inapitari Yosë chinotërin. Inari Moisësë yaꞌnotërin,” tosapi.

Números 12:5

Naporoꞌ Siniorosoꞌ yaráton chitoro nininquë oꞌmarahuaton, chinotacaso pëi yaꞌcoanataquëchin chiniimarin. Ina quëran Aaron, Maria inapita përarin. Yaꞌcaritohuachinara, itapon: “Natanco shaꞌhuichinquëmaꞌ. Inso tëranta yonquirahuëso yashaꞌhuitohuato, co aꞌninquë yaꞌnotato shaꞌhuitarahuëꞌ. Huaꞌnarëso pochin niꞌpachinco, maꞌsona yonquirahuësoꞌ shaꞌhuitarahuë. Huëꞌënquëhuë nipon nontato, shaꞌhuicaiso marëꞌ anitotarahuë.

Mateo 17:5

Nonaquëyaꞌ, chitorori imotërin. Huënaráchin huënaráchin ninin. Chitoroꞌ huáncana quëran Yosëri shaꞌhuitërin: “Isosoꞌ ca huiꞌnahuë, naꞌcon nosororahuësoꞌ. Nóya niꞌnahuë. Ina noya natancoꞌ,” itërin.

Marcos 9:7

Naporoꞌ chitorori imotërin. Chitoroꞌ huáncana quëran Yosëri shaꞌhuitërinsoꞌ natanpi. “Isosoꞌ ca huiꞌnahuë, naꞌcon nosororahuësoꞌ. Ina natancoꞌ,” itërin.

Lucas 10:16

Ina quëran yaaꞌparinsopita itaantarin: “Iporasoꞌ pënëntacamaso marëꞌ aꞌpararanquëmaꞌ. Ca yaꞌhuërënamëhuë pënëntaramaꞌ. Noya natanpachinquëmaꞌ, natanarinaco cantaꞌ. Coꞌsoꞌ nohuantohuachinënquëmahuëꞌ, co cantaꞌ nohuantarinacohuëꞌ. Co nohuantohuachinacohuëꞌ, co Yosëntaꞌ nohuantapihuëꞌ,” itërin Quisosori. Itohuachina, paꞌpi huachi. Nisha nisha ninanoquë pënëntëraꞌpiapi.

Deuteronomio 4:10

Ina quëran itaantarin: “Iráca Sinai motopi notënanquë niꞌsëmaꞌ, Sinioro nontatonco napotërinco: ‘Israiroꞌsa ayontonquë nonahuësoꞌ natanacaiso marëꞌ. Noya nicatonaco chiminai huarëꞌ imainacoso marëꞌ pënënarahuë. Ina quëran huiꞌninapitanta aꞌchintohuachinaꞌ, inahuanta imasarinaco,’ itërinco.

Apocalipsis 1:7

Niꞌcochi. Quisocristo oꞌmantararin. Aꞌna tahuëri chitororë chachin oꞌmantararin. Naporoꞌ yaꞌipi piyapiꞌsari niꞌsapi. Iráca ohuanpisopitarintaꞌ niꞌsapi. Nisha nisha piyapiꞌsaꞌ sëtatonaꞌ, naꞌnërapi. “¿Onpoatëhuacha co natërëhuahuë paya?” tosapi. Tëhuënchachin naporapi. Amen.