Éxodo 19:5 - Chayahuita (Shahui)

⁵ Yaꞌipi isoroꞌpaquë nisha nisha piyapiꞌsa cari huaꞌanëntërahuë. Napoaton canpitasoꞌ, yaꞌipi camaitërahuëso natëcoꞌ. Maꞌsona taꞌtëhua canpitarëꞌco anoyatërahuësonta coꞌsoꞌ naniantohuatamahuëꞌ, noya niꞌsaranquëmaꞌ. Aꞌnapita piyapiroꞌsa quëran, noya noya niꞌsaranquëmaꞌ.

Éxodo 19:5 ပူးပေါင်းရင်းမြစ်များ

Génesis 17:9

Napotahuaton, taantarin: —Napoaponahuëꞌ, quëmarëꞌcoso nani anoyatërahuë niꞌton, natëco. Inapochachin shiparinpitanta natëinaco.

1 Reyes 8:53

Nisha nisha piyapiroꞌsaꞌ, nisha nisha nacionquë yaꞌhuëpi. Yaꞌhuëpirinahuëꞌ, quëmaso huayonancoi. Piyapinën Moisësë itopisoꞌ, quëma nohuanton shimashonëhuëipita Iquipito quëran ocoirin. Naporoꞌ ina quëran anitotërancoi huaꞌanëntërancoisoꞌ,” itërin.

Copo naporinso' 41:11

Insoariso ina apipachin, ¡co onporonta ina canaarinhuëꞌ!

Copo naporinso' 41:3

Mapatan, co noyasha nontarinquënhuëꞌ. ‘Nosoroatonco aꞌpaco paꞌi,’ co itarinquënhuëꞌ.

Salmos 24:1

Yaꞌipi isoroꞌpasoꞌ, Siniorori huaꞌanëntërin. Yaꞌipi yaꞌhuërinsopitarë chachin huaꞌanëntërin.

Éxodo 15:26

“Caso Sinioroco. Canpitaso chinotëramaco. Casáchin nanitërahuë anoyatacasoꞌ. Nonahuësopita nóya natancoꞌ. Noya natanatomaꞌ, nohuantërahuëso nicoꞌ. Camaitërahuësopita natëtoma noya nipatamaꞌ, carinquëmanta noya niꞌsaranquëmaꞌ. Noya nicatënquëma canpitasoꞌ, catahuaaranquëmaꞌ. Iquipitoroꞌsasoꞌ, nisha nisha quëran anaꞌintërahuë. Canpitaso co ina pochin anaꞌintaponquëmahuëꞌ,” itërin.

Éxodo 24:7

Ina quëran, Yosërëꞌ anoyatopiso quirica chiníquën nontërin. Yaꞌipi israiroꞌsa natanacaiso marëꞌ naporin. Nani natanpachinara: —Yaꞌipi cancanëhuëi quëran Sinioro camaitërinso natëarai, topi.

Éxodo 8:22

Cosin partiso nipirinhuëꞌ, co tonca aꞌparahuëꞌ. Inaquëso piyapinëhuëpita yaꞌhuëpi niꞌton, co aꞌparahuëꞌ. Canpitaráchin aparisitaponquëmaꞌ. Israiroꞌsasoꞌ, co aparisitapihuëꞌ,’ tënin. Tashiraya chachin napoarin. Inapohuachin: ‘Tëhuënchachin Siniorosoꞌ, chiníquën nanantaton anaꞌintarincoi,’ tapon,” itërin.

Isaías 1:19

Natëhuatamaco, sharoꞌsa noya noyatërinsoꞌ caꞌsaramaꞌ.

Isaías 41:8

Piyapinënpitanpoaso napoaponahuëꞌ Sinioro chachin achinicancaninpoaꞌ: “Natanco israiroꞌsanquëmaꞌ: Canpitasoꞌ piyapinëhuë Cacopo itopisoꞌ shinpitanquëmaꞌ. Amiconëhuë Apraan itopisonta shimashonëmaꞌ.

Isaías 43:1

Israiroꞌsanquëmaꞌ, nininquëmasoꞌ nontarinquëma natancoꞌ. Canpitaso Cacopo shinpitanquëma niꞌtomaꞌ, noya natancoꞌ: “Carinquëma nichaꞌëranquëma niꞌton, ama tëꞌhuacosohuëꞌ. Carima nininëma quëran përaranquëma niꞌton, huaꞌanëntëranquëmaꞌ.

Jeremías 7:23

Isocha tëhuënchinsoꞌ camairahuë: ‘Yaꞌipi camaitërahuëso natëcoꞌ. Inapohuatamaꞌ, ca Yosënëmaco nisarahuë. Canpitantaꞌ, piyapinëhuëpita nisaramaꞌ. Onpopinsona cancantamasoꞌ, nani camairanquëmaꞌ. Ina chachin nicoꞌ. Inapohuatamaꞌ, noya yaꞌhuëaramaꞌ,’ itëranquëmaꞌ.

Amós 3:2

“Isoroꞌpaquë nisha nisha nacionoꞌsa yaꞌhuëpirinhuëꞌ, canpitasáchin huayonanquëmaꞌ. Inapotopiranquëmahuëꞌ, co noyahuëꞌ ninama niꞌton, anaꞌintaꞌhuanquëmaso yaꞌhuërin.

Amós 6:1

Quirosarinquë yashi yashin yaꞌhuëpisopita, ¡maꞌhuantacha nisapi paya! Samariaquëntaꞌ: “Noya yaꞌhuëarihuaꞌ. Co manta onpoarihuahuëꞌ,” topisopita, ¡maꞌhuantacha nisapi paya! “Quirosarin, Samaria, inapita ninanoroꞌsasoꞌ, chini chiníquën nanantopi,” topi huaꞌanënpita. Napoaton aꞌnapita israiroꞌsasoꞌ, inapitari catahuacaiso marëꞌ paapapi.

Malaquías 3:17

Inapita yonquiaton Sinioro tapon: “Inapitaso noya yonquirinaco niꞌton, noya nicato piyapinëhuëpita pochachin niantarahuë. Anaꞌintaꞌhuaso tahuëri nanihuachin, inapitaso noya noya nicato, nichaꞌësarahuë. Huiꞌnini noya natëhuachin, paꞌpini nosororinso pochachin inapitantaꞌ, nosoroarahuë.

1 Corintios 10:26

Tata Yosëri yaꞌipiroꞌpaꞌ ninin. Yaꞌipi maꞌsharoꞌsantaꞌ noya ninin.

1 Corintios 10:28

Nipirinhuëꞌ, aꞌna piyapi shaꞌhuitohuachinquëmaꞌ, “Iso nosha mamanshi chinotacaso marëꞌ acopisoꞌ,” itohuachinquëmaꞌ, ama caꞌcosohuëꞌ. Shaꞌhuitërinquëmasoꞌ nosoroatomaꞌ, ama caꞌcosohuëꞌ.

Deuteronomio 10:14

Sinioronënpoasoꞌ Yosë niꞌton, yaꞌipi piꞌiroꞌtë huaꞌanëntërin. Yaꞌipi inaquë yaꞌhuërinsopitanta huaꞌanëntërin. Isoroꞌpanta nisahuaton, yaꞌipi yaꞌhuërinsopitarë chachin huaꞌanëntërin.

Deuteronomio 26:18

Sinioronta ipora nani shaꞌhuirin: ‘Canpitaso israiroꞌsanquëmaꞌ. Shaꞌhuitëranquëmaso chachin carinquëma huaꞌanëntëranquëmaꞌ. Yaꞌipi camairanquëmasopita natëcamaso yaꞌhuërin,’ tënin.

Deuteronomio 26:19

Inari yaꞌipi nacionoꞌsa ninin. Napoaponahuëꞌ, canpitaso noya noya acoarinquëmaꞌ. Catahuarinquëma niꞌton, naní quëran nohuitarinënquëmaꞌ. Naporahuaton noya nicatënënquëmaꞌ: ‘Ma noyacha israiroꞌsasoꞌ acorin paya,’ taponaꞌ. Siniorosoꞌ Yosë niꞌton, ina naporinso chachin nohuantarinquëma ina marëꞌ sacatamasoꞌ,” itërin.

Deuteronomio 4:20

Canpitasoꞌ, Sinioro Iquipito quëran ocoirahuatënquëma huaꞌanëntërinquëmaꞌ. Huaꞌnamia asoquicaso marëꞌ ornoquë aꞌpërahuatëꞌ, asoquirëꞌ. Inapochachin canpitanta Iquipitoquë parisitápiramahuëꞌ, ocoirinquëmaꞌ. Napoaton ina piyapinënpita ninama huachi.

Deuteronomio 7:6

Canpitaso nipirinhuëꞌ, Sinioroíchin chinotamaso marëꞌ nani acorinquëmaꞌ. Naꞌa nacionoꞌsa isoroꞌpaquë yaꞌhuëpirinhuëꞌ, canpitasoꞌ, ina piyapinënpita nicamaso marëꞌ huayoninquëmaꞌ,” itërin Moisësëri.

Deuteronomio 9:29

Israiroꞌsasoꞌ, quëma piyapinënpita nipi. Chiníquën nanantaton, Iquipito quëran ocoiran niꞌton, huaꞌanëntëran,’ itërahuë,” itërin.

Tito 2:14

Iráca canpoa marëꞌ chiminin oshanënpoaꞌ inquitinpoaso marëꞌ. Anoyacancantërinpoaꞌ piyapinënpita nicacaso marëꞌ. Huëntonënquë chachin yaꞌconpatëhuaꞌ, noya nicacasoráchin nohuantarihuaꞌ.

Hebreos 11:8

Apraantaꞌ Yosëri itërin: “Yaꞌhuëran quëran pipimiatëquëꞌ. Aꞌna parti aꞌnochinquën. Ina noꞌpaꞌ quëchinquën yaꞌhuëcamaso marëꞌ,” itërin. Co noꞌpaꞌ nohuitaponahuëꞌ, Yosë natërin. “Co nonpintarincohuëꞌ,” taꞌton, paꞌnin.

Hebreos 8:9

Iráca inapitasoꞌ Iquipito parti yaꞌhuëpirinahuëꞌ, imiranpo quëran sëꞌquërëso pochin nosoroato, nichaꞌërahuë. Naporoꞌ inapitarëꞌco anoyatopirahuëꞌ, co natantochináchinhuëꞌ cancantopi niꞌton, tananpitërahuë,” tënin Yosë.

Josué 24:24

—Sinioroso Yosënënpoa niꞌton, inasáchin chinotarai. Naporahuaton ina camaitërinsoráchin nisarai, topi yaꞌipi israiroꞌsaꞌ.

1 Pedro 2:9

Imarëhuasopitaso nipirinhuëꞌ nohuantërinpoaꞌ. Huayoninpoaꞌ ina nohuitacaso marëꞌ. Inasáchin huaꞌanëntërinpoaꞌ. Nani acorinpoaꞌ corto huaꞌanoꞌsa pochin nicatëhuaꞌ, ina marëꞌ sacatacasoꞌ. Noyápiachin cancan quëtërinpoaꞌ. Yosë piyapinënpoaꞌ ninëhuaꞌ. Iráca tashi pochin cancantopirëhuahuëꞌ, Yosë nichaꞌërinpoaꞌ tahuëri pochin cancantacaso marëꞌ. Acorinpoaꞌ Yosë noya nosororinpoasoꞌ shaꞌhuicaso marëꞌ.

1 Samuel 15:22

Napotohuachina Samoirori itapon: “Maꞌsha Sinioro marëꞌ tëpatona piꞌpian ahuiquitacaisoꞌ, noya. Yaꞌipi ahuiquitacaisontaꞌ, noya. Sinioro camaitërinso natëcasoso nipirinhuëꞌ, noya noya. Maꞌsha Sinioro marëꞌ tëpatona piꞌpian ahuiquitacaisoꞌ, noya. Carniro tomaquën ahuiquitasontaꞌ, noya. Camaitërinso noya natanatë natëcasoso nipirinhuëꞌ, noya noya.