Éxodo 19:3 - Chayahuita (Shahui)

³ Inaquë nisoi, Yosëri Moisësë përarin: —Iso motopiquë nanpëintaquëꞌ, itërin. Itohuachina, Moisësë motopi huiꞌnimotënꞌpaꞌ nanpëontarin. Inaquë Yosëri itapon: —Apira nani maꞌsha shaꞌhuitaranquën. Yaꞌipi shaꞌhuitaranquënsoꞌ, Cacopo shinpita israiroꞌsa itopisoꞌ shaꞌhuitëquëꞌ:

Éxodo 19:3 ပူးပေါင်းရင်းမြစ်များ

Éxodo 19:20

Siniorosoꞌ oꞌmaton, Sinai motopi huiꞌnimotënꞌpaꞌ nohuaraimarin. Ina quëran inatopa panantacaso marëꞌ, Moisësë përaantarin. Napotohuachina Moisësë nanpëantarin.

Éxodo 20:21

Israiroꞌsasoꞌ, aquëranchin notëapi. Naporoꞌ Moisësësoꞌ, Yosë noninsoꞌ natanacaso marëꞌ chitoro yara yaráchin nininquë yaꞌconin. Inaquë piyapiꞌsa shaꞌhuitacaso marëꞌ Yosëri nani maꞌsha pënënarin.

Éxodo 24:12

Siniorori Moisësë itaantapon: —Iso Sinai motopiquë nisarahuë niꞌton, huënantaton ninaco. Inaquë cato naꞌpitëaꞌhua quëchinquën. Inaquë pënëntërahuësoꞌ, camaitërahuësoꞌ, inapita nani ninshitërahuë. Ina quëran israiroꞌsa aꞌchintaramaꞌ, itërin.

Éxodo 24:13

Itohuachina Moisësësoꞌ, Cosoirë chachin pacacaiso marëꞌ huanipi. Naporo ansianoꞌsa itapon: —Oꞌmaꞌhuai huarëꞌ isëquëranchin ninatacoi. Aaron yaꞌhuëarin. Orinta yaꞌhuëarin. Inapita yaꞌhuapi niꞌton, catahuarinquëmaꞌ. Aꞌnaquëma nanan yaꞌhuëtohuachinquëmaꞌ, inapita shaꞌhuitoco catahuainquëma anoyatocoꞌ, itërin. Inapo shaꞌhuitahuaton cato chachin motopiꞌpaꞌ pantapi.

Éxodo 3:12

—Coꞌta carinquën catahuaranquën. Caꞌtanaranquën niꞌton natëco. Catahuaranquënso nitotamaso marëꞌ, noꞌtëquën shaꞌhuitaranquën. Israiroꞌsa ocoirahuaton, iso motopiquë chachin chinotaramaco, itërin.

Éxodo 3:4

Yaꞌcarirarinso niꞌsahuaton, Yosëri përarin: —¡Moisësë! ¡Moisësë! itërin. —Maꞌta Sinioro isëquë nisarahuë, tënin. —¡Ama aquëtë yaꞌcaricosohuëꞌ! ¡Isëquë yaꞌnotëranquën niꞌton, isëquë chachin sapatën ocoirahuaton chinotoco! itërin Yosëri.

Éxodo 34:2

Nani tapahuatan, iso Sinai motopiquë chachin, tashiraya tashíramiachin huënantaquëꞌ. Huiꞌnimotënquë carinquën ninaranquën.

Éxodo 34:4

Siniorori napotohuachina, Moisësëso cato naꞌpitëaꞌhua taparin. Iꞌhua paꞌpaarinsopita pochachin acorin. Inapita masahuaton, tahuëririnquë tashíramiachin Sinai motopiꞌpaꞌ nanpëontarin. Siniorori camairinso chachin ninin.

Hechos 7:38

Iráca inotëro parti shimashonënpoaꞌ niyontonpachinara, Moisësëri Yosë nanamën anitotërin. Sinai motopiquë paꞌpachina, anquëniri nontërin. Yosë nanamën shaꞌhuitërin noya nanpicaiso marëꞌ. Canpoa marëntaꞌ shaꞌhuitërin.