Éxodo 19:18 - Chayahuita (Shahui)

¹⁸ Pën huáncana Yosë oꞌmarin. Conainta panca orno pochin tomontárin. Panca ocohua paꞌninso pochachin, yaꞌipi motopi nacon nacóntarin.

Éxodo 19:18 ပူးပေါင်းရင်းမြစ်များ

Génesis 11:5

Napopirinahuëꞌ, Sinioroso oꞌmarin. Oꞌmarahuaton ninanoꞌ, tori, inapita nisapiso niꞌquimarin.

Génesis 15:17

Nani tashihuachina, aꞌnanaya orno conaiꞌ tomontárinso yaꞌnorin. Naporahuaton, panca yanatëtë pochin pën orótahuaton, maꞌsharoꞌsa nichatërinsopita huáncana, naꞌhuërin.

Génesis 19:28

Ina quëran, Sotoma, Comora, inapita ninanoroꞌsa nocorin. Yaꞌipi ina motopiananta nocomapirinhuëꞌ, ina roꞌtë quëran paꞌpi huëhuëpiro conai pipirarin niꞌnin. Panca orno quëran tomontërinso pochin, pipirarin.

Nehemías 9:13

Ina quëran Sinai motopiquë nohuaraimaran. Naporoꞌ inápa quëran noya nicacaiso marëꞌ pënënan, camairan, naporan. Noꞌtën nanan aꞌchintahuaton, yonquínahuan yaꞌhuëcaiso marëꞌ anitotëran. Pënënancoisopita, camairancoisopita, anitotërancoisopita, inapitaso noyasáchin ninin. Chinoto tahuërinta acotëran. Ina tahuëri noya nicatonaꞌ, chinotiinënso marëꞌ acotëran. Piyapinën Moisësë itopiso quëran, yaꞌipi inapita anitotëran.

Salmos 104:32

Siniorori nocohuachina, isoroꞌpaꞌ nacontërin. Motopiroꞌsanta carihuachina, conai tomontërin.

Éxodo 19:13

Napoaponahuëꞌ, aquëranchin naꞌpiquëhuë nipon, pëꞌchinanquëhuë nipon, tëpamaso yaꞌhuërin. Piyapihuë nipon, maꞌshahuë nipon naꞌhuëhuachin, onpopionta tëpamaso yaꞌhuërin. Carniro pomon irininso natanai huarëꞌ, nanitapi motopiꞌpaꞌ nanpëcaisoꞌ, itërin.

Éxodo 19:17

Napohuachina, Moisësëri israiroꞌsa yaꞌhuëpi quëran ocoirin. Ocoirahuaton, Yosë nacapicaiso marëꞌ motopi nanimarinꞌpaꞌ quëparin.

Éxodo 20:18

Noninsoꞌ, huiratërinsoꞌ, carniro pomon pihuipisoꞌ, inapita natanahuatonaꞌ, israiroꞌsasoꞌ paꞌpi tëꞌhuatopi. Oꞌcoriꞌ, pën, conaiꞌ, inapitanta quënanatonaꞌ, paꞌpi paꞌyanpi. Paꞌyanatona co nohuantopihuëꞌ yaꞌcaritacaisoꞌ.

Éxodo 24:17

Israiroꞌsantaꞌ, Sinioro huënaráchin huënaráchin aꞌpininsoꞌ, quënanpi. Panca pën nënëhuachina, maꞌsha aꞌnaroáchin ahuiquitërinso pochin motopi huiꞌnimotënquë yaꞌnorin.

Éxodo 3:2

Inaquë Sinioro anquëninëni yaꞌnotërin. Sarsa naraꞌhuaya huëyararinso huáncana quënanin. Moisësëri niꞌsápirinhuëꞌ, naraꞌhuaya huëyarinso co manta huiquitërinhuë niꞌton, paꞌpi paꞌyantërin.

Éxodo 34:2

Nani tapahuatan, iso Sinai motopiquë chachin, tashiraya tashíramiachin huënantaquëꞌ. Huiꞌnimotënquë carinquën ninaranquën.

Isaías 6:4

Napopisoꞌ yaꞌcan topachina, Yosë chinotacaso pëi yaꞌcoananënpita nacon nacontapi. Naporahuaton yaꞌipiana chachin conairi mëntatërin.

Isaías 64:1

Maꞌcha Sinioro piꞌiroꞌtë osharëso pochin nitaton oꞌmaranhuë paya. Inaporan naporini, motopiroꞌsa anaconchitonhuëꞌ.

Habacuc 3:6

Huëꞌsarin quëran chiniꞌ topachina, isoroꞌpaꞌ nacontërin. Isoroꞌpaꞌ nocohuachina, piyapiroꞌsa ropatopi. Iráca motopiroꞌsa yaꞌhuërinsoꞌ, nohuatapi. Soquirinso pochin nicatonaꞌ, taꞌhuantapi. Yosë pënënatonpoa ira aꞌnotërëso pochin nitërinpoasoso nipirinhuëꞌ, yaꞌhuëmiatarin.

Mateo 24:7

Nisha nisha nananquë nonpisopita ninoꞌhuitonaꞌ, quira nisapi. Copirnoroꞌsa capini ninoꞌhuitonaꞌ, piyapinënpita camairapi quira nicacaiso marëꞌ. Nisha nisha parti cosharoꞌ pahuanpachin, tanari piyapiꞌsaꞌ tiquirarin. Naporahuaton, aꞌna parti aꞌna parti ocohua paꞌsarin.

2 Tesalonicenses 1:7

Quisocristo oꞌmantahuachin, co huachi parisitaramahuëꞌ. Noya yaꞌhuaramaꞌ. Quiyantaꞌ ipora aparisitapirinacoihuëꞌ, naporoꞌ yaꞌipi imarëhuasopita nóya cancantarihuaꞌ. Sinioro Quisocristo chachin inápa quëran oꞌmantararin. Pën huënaratërinso huáncana yaꞌnoarin. Anquëniroꞌsantaꞌ chiníquën nanantatonaꞌ, oꞌmantararin. Inapitarë chachin oꞌmantararin.

2 Tesalonicenses 1:8

Oꞌmantarahuaton, co Yosë nohuitopisopitahuëꞌ anaꞌintarin. Co Sinioro Quisoso nanamën natëpihuëꞌ niꞌton, chiníquën anaꞌintarin.

Hebreos 12:18

Iráca Sinai motopi nicotoanaquë huëꞌpachinara, cotioroꞌsaꞌ paꞌpi tëꞌhuatopi. Inaquë panca pën nënërin. Co yaꞌcaritacasoꞌ yaꞌhuërinhuëꞌ. Tahuëri niponahuëꞌ, tashi pochin ninin. Yara yaráchin ninin. Panca ihuan paꞌnin.

Hebreos 12:26

Yosëri pënëntërinso nanan shaꞌhuitohuachina, ina nohuanton, panca ocohua paꞌnin. Ina quëran quiricanën quëran shaꞌhuitërinpoaꞌ: “Aꞌna tahuëri naquëranchin nontaantahuato, co isoroꞌparáchin nacontarinhuëꞌ. Inápaquë yaꞌhuërinsopitantaꞌ naco nacóntarin,” tënin.

2 Pedro 3:10

Napoaponahuëꞌ, tahuërinën nanihuachin, Sinioro oꞌmantararin. Niꞌcoꞌ. Tashiꞌ co yonquiasëhuëꞌ, ihuatëꞌ huëꞌnin. Inapochachin aꞌnanaya ayaroꞌ tahuëri naniarin huachi. Naporoꞌ tahuëri piꞌiroꞌtëꞌ huëntoncaarin. Chiníquën huëntoncahuachin, taꞌhuantarin. Piꞌi, tayora, inapita huë́ya niꞌton, soquiarin huachi. Isoroꞌpaꞌ, yaꞌipi yaꞌhuërinsopita, inapita huiquitapi.

Apocalipsis 15:8

Noya noya niꞌton, yaꞌipi nanitaparin. Ina tëꞌhuatacaiso marëꞌ conai pochin nininsoꞌ tomontarin. Yaꞌipi Yosë chinotopiso pëiꞌ inápaquë yaꞌhuërinsoꞌ yanquëëtërin. Co insontaꞌ nanitërinhuëꞌ inaquë yaꞌconacasoꞌ. Nani piyapiꞌsaꞌ anaꞌintohuachina, naporo huarëꞌ noya yaꞌcoantapi.

Apocalipsis 9:2

Iꞌsoatohuachina, acopo quëran conaiꞌ pipiarin. Yaráchin tomontarin. Panca pën quëran tomontërinso pochin pipiton, piꞌi yaꞌcopiarin. Yaꞌipi parti tashiarin.

Jueces 5:5

Quëma notënanquë Sinioro, motopiroꞌsa nacontërin. Sinai motopinta nacontërin. Israiroꞌsacoi Yosë chinotëraiso notënanquë, naporin.