Éxodo 19:15 - Chayahuita (Shahui)

¹⁵ Naporahuaton itaantarin: —Tashiraya aquëtëran Sinioro oꞌmararin. Ama piꞌpian tëranta saꞌama cariapomarahuëꞌ, noya ninacoꞌ, itërin. Itohuachina, israiroꞌsa pëꞌsainahuatonaꞌ, cara tahuëri pochin co saꞌina yaꞌcaripihuëꞌ.

Éxodo 19:15 ပူးပေါင်းရင်းမြစ်များ

Éxodo 19:14

Napotohuachina, Moisësëso paꞌmarin. Paꞌmarahuaton Yosëíchin yonquicaiso marëꞌ, israiroꞌsa shaꞌhuitomarin. Shaꞌhuitohuachina, aꞌmopisonta pëꞌsapi.

Éxodo 19:16

Moisësë naporinso chachin naporo tahuëri nanihuachina, tashiramiachin chiníquën oꞌcoritaton, huirátarin. Yaráton chitoro nininso motopi imotërin. Naporahuaton carniro pomon chiníquën pihuipisoꞌ natanpi. Ina natanatonaꞌ, yaꞌipi israiroꞌsa yaꞌhuëpiquë paꞌyanpi. Paꞌyanatona ropa ropatapi.

Joel 2:16

Yaꞌipi Yosë piyapinënpita ayontoncoꞌ. Ina camaitërinso nicatomaꞌ, Sinioro marëꞌ nitapacoꞌ. Mashoyaroꞌsaꞌ, paiyaroꞌsaꞌ, huaꞌhuaroꞌsaꞌ, shoꞌshopiaꞌhuaroꞌsa quëran huarëꞌ, quëinaꞌ. Nasha nimapisopitantaꞌ, quëhuënpisoꞌ patoana huëshirahuatonaꞌ, huëꞌinaꞌ.

Amós 4:12

Naquëranchin Sinioro taantarin: “Yaꞌipi inapita ninamaso marëꞌ anaꞌintaꞌhuanquëmaso yaꞌhuërin. Inapotaranquëma niꞌton, niꞌtonëhuëquë yaꞌnocamaso marëꞌ noya niacoatoma ninaco,” tënin.

Malaquías 3:2

Ina oꞌmahuachinso napoaponahuëꞌ, ¡co insoari tërantaꞌ, chinitacaso nanitaponhuëꞌ! ¡Naporosoꞌ, yaꞌipinquëma tëhuëramaso anitotarinquëmaꞌ! Huaꞌna pënquë asoquirahuatonaꞌ, nëꞌhuëtërinso inquitopi. Inapochachin canpitantaꞌ, co noyahuëꞌ ninamaso inquitarinquëmaꞌ. Shapon nëꞌhuë inquitërinso pochin oshanëma inquitarinquëmaꞌ.

Mateo 24:44

Inapochachin canpitantaꞌ ninatomaco, yaꞌhuëcoꞌ. Huaꞌquihuato: ‘Co yaoꞌmarinhuëꞌ,’ ama tocosohuëꞌ. Co nitotasënquëmahuëꞌ, aꞌnanaya oꞌmantararahuë,” itërin.

1 Corintios 7:5

Ama niaꞌpoꞌinasohuëꞌ, niichihuëꞌëinaꞌ. Aꞌna tahuëriso nipirinhuëꞌ quëmapi saꞌinë chachin inahuara yonquinëna quëran nohuantohuachinaꞌ, naꞌcon naꞌcon Yosë nontacaiso marëꞌ nisha huëꞌëinaꞌ. Ina quëran naquëranchin nihuëꞌëpantaꞌinaꞌ ama nisha yonquicaiso marëhuëꞌ. Ama huaꞌquiꞌ nisha huëꞌëcosohuëꞌ, Satanasë minsëchinquëmaꞌ.