Éxodo 19:12 - Chayahuita (Shahui)

¹² Caraya Israiro quëmapiꞌsa shaꞌhuitëquë motopi nanimarinquë huiꞌshatonaꞌ, tahuichinaꞌ. Naporahuaton, shaꞌhuitëquë ama inso tëranta ina aquëtë naꞌhuëtacaiso marëhuëꞌ. Inso tëranta ina aquëtë naꞌhuëhuachin, tëpacaiso yaꞌhuërin.

Éxodo 19:12 ပူးပေါင်းရင်းမြစ်များ

Éxodo 10:28

Ina pochin cancantaton Moisësë itapon: —¡Paquë huachi! ¡Ama huachi onporo tëranta huëcapaiantacosohuëꞌ! ¡Naquëranchin quënaantahuatënquën atëpataranquën huachi! itërin.

Éxodo 19:21

Inaquë Yosëri itaantapon: “Paꞌmantaton israiroꞌsa shaꞌhuitomantaquëꞌ: ‘Ama Sinioro yanicatomaꞌ, huiꞌshapiso naꞌhuëtocosohuëꞌ. Ina naꞌhuëtohuatamasoꞌ, naꞌcon naꞌconquëma chiminapomaꞌ,’ itëquëꞌ.

Éxodo 19:23

Napotohuachina Moisësëri itapon: —Israiroꞌsasoꞌ, nani nitotopi. Quëma camaitëranso chachin motopi nanimarinquë nani huiꞌsharai niꞌton, co ina aquëtë huëꞌsapihuëꞌ,” itërin.

Éxodo 24:2

Quëmasáchin yaꞌcariarancosoꞌ. Aꞌnapitaso quëmarëꞌ huëntaponahuëꞌ, aquëmiachin quëran chinotarinaco. Aꞌnapita israiroꞌsantaꞌ, co imaquintainënso yaꞌhuërinhuëꞌ, itërin.

Éxodo 34:12

Ama inapitarëꞌquëma anoyatocosohuëꞌ. Inapitarëꞌquëma nipayahuatamasoꞌ, anishacancantarinënquëmaꞌ.

Éxodo 34:3

Napoaponahuëꞌ, quëmaoraíchin huëntaquëꞌ. Naporahuaton ama insonta isëquë huëntainsohuëꞌ. Ohuacaroꞌsaꞌ, ohuicaroꞌsaꞌ, co inapita tëranta coshatai marëꞌ huëntacaiso yaꞌhuërinhuëꞌ, itërin.

Deuteronomio 4:9

Niꞌcona nani maꞌsha niꞌnamasopita naniantotamaꞌ. Aꞌchintëranquëmasopitanta yonquirácoꞌ. Ipora aꞌchintëranquëmasopita ama naniantatomarahuëꞌ, huiꞌnamapitanta aꞌchintocoꞌ. Shiparimapitanta inapotocoꞌ,” itërin.

Hebreos 12:18

Iráca Sinai motopi nicotoanaquë huëꞌpachinara, cotioroꞌsaꞌ paꞌpi tëꞌhuatopi. Inaquë panca pën nënërin. Co yaꞌcaritacasoꞌ yaꞌhuërinhuëꞌ. Tahuëri niponahuëꞌ, tashi pochin ninin. Yara yaráchin ninin. Panca ihuan paꞌnin.

Josué 3:4

Ina imapatamaꞌ, insëchinsona pacamaso nitotaramaꞌ. Co inquëma tëranta iso ira paꞌtochinamahuëꞌ niꞌton, ina imacamaso yaꞌhuërin. Ama napoaponahuëꞌ, Yosë caposonën coꞌchachin yaꞌcaricosohuëꞌ. Aꞌna quiromitro pochin aquërinso piquëran imacoꞌ,” itopi.