Éxodo 19:10 - Chayahuita (Shahui)

^10-11 Naporoꞌ Siniorori itapon: —Paꞌmaton israiroꞌsa shaꞌhuitomaquëꞌ: Casáchin yonquiꞌinaco. Naporahuaton pëꞌsainatona noya nitapainaꞌ. Ipora tahuëri, tashirayanta inapoꞌinaꞌ. Ina tashiraya ca Sinioroco chachin oꞌmararahuë. Sinai motopi huiꞌnimotënꞌpaꞌ oꞌmararahuë. Yaꞌipi israiroꞌsanta chitoroquë oꞌmarahuësoꞌ, niꞌsapi.

Éxodo 19:10 ပူးပေါင်းရင်းမြစ်များ

Génesis 35:2

Napotohuachina Cacoposoꞌ, yaꞌipi huiꞌninpita, saꞌinpita, piyapinënpita, inapita camairin: —Yaꞌipi nisha nisha mamanshiroꞌsa chinotëramasoꞌ, aꞌpocoꞌ. Aꞌpoatoma quëshico paꞌpitahuaꞌ. Naporahuaton amarahuatomaꞌ, noya nininso iꞌnanpiracoꞌ.

2 Samuel 19:24

Saonocoꞌ shiin Mihui-posi itopisonta copirno ninapon paꞌmarin. Apia nipirinhuëꞌ, catahuapi niꞌton, Quirosarin quëran paꞌmaton Cortaniiꞌ aquëtëran copirno ninarin. Tapi Quirosarin quëran pipirin quëran huarëꞌ sëtaton co manta nitaparinhuëꞌ. Co nantën tëranta paꞌmorinhuëꞌ. Co shinoratëontaꞌ, yaquirinhuëꞌ. Co aꞌmorinso tëranta pëꞌsarinhuëꞌ. Naporin.

Copo naporinso' 1:5

Nipërapiso tahuëriꞌsa naꞌhuëhuachina, Coposo tashíramiachin huënsëintarin. Yaꞌipi huiꞌninpita amatahuaton aꞌnaya aꞌnaya marëꞌ maꞌsharoꞌsa tëparin. Inapotahuaton oshanëna marëꞌ yaꞌipi ahuiquitërin: “Tapona huiꞌnahuëpitasoꞌ, cancanëna quëran Yosë noꞌhuitonaꞌ, pinoápirinahuëꞌ,” taꞌton naporin. Nani nichicoshatopiquë naporin.

Números 11:18

Ina quëran israiroꞌsa shaꞌhuitëquë tashiraya marëꞌ nitapacancainaꞌ. Naporoꞌ nosha caꞌsapi. Naꞌnëtonaꞌ: “¡Maꞌcha nosha quëtërinënpoa caꞌnëhuahuë paya! ¡Iquipitoquë tëhuënchinso noya noya yaꞌhuëapirëhuahuëꞌ!” topisoꞌ, nani natanahuë. Noyapaꞌ, napopi niꞌquëhuarëꞌ, nosha nipachin quëchi caꞌinaꞌ.

1 Corintios 6:11

Iráca aꞌnaquëmaꞌ ina pochin nipiramahuëꞌ. Sinioro Quisocristo imapatamara, oshanëmaꞌ inquitërinquëmaꞌ. Nani anoyacancantërinquëmaꞌ niꞌton, Yosë noya niꞌninquëmaꞌ. Ispirito Santo chachin catahuarinquëmaꞌ noya cancantacasoꞌ.

Hebreos 10:22

Napoaton Quisocristoíchin natëtëhuaꞌ, yaꞌipi cancanënpoa quëran Yosë nontahuaꞌ. Nani oshanënpoaꞌ inquitërinpoaꞌ niꞌton, noya cancantarëhuaꞌ. Quisocristo anoyacancantërinpoaꞌ niꞌton, noya iꞌquë amarëso pochin noyápiachin cancantarihuaꞌ.

Josué 3:5

Ina quëran Cosoirinta itapon: “Iporasoꞌ Sinioro camaitërinsoꞌ nicatoma nitapacoꞌ. Tashiraya inasoꞌ, catahuainpoaso marëꞌ chini chiníquën nanantërinso aꞌnotarinpoaꞌ,” itërin.

Apocalipsis 22:14

Huënainën quëran anoyacancantërinsopita nóya cancantaponaꞌ. Aꞌmopisoꞌ pëꞌsarëso pochin noyápiachin cancantapi. Inapitasáchin nanan yaꞌhuëtopi nanpirin nara nitërinsoꞌ capatonaꞌ, nanpimiatacaisoꞌ. Naporahuaton, nasha Quirosarinquë noya yaꞌconapi.

Apocalipsis 7:14

—Co casoꞌ nitotërahuëꞌ. Quëma nitotëransoꞌ. Shaꞌhuitoco cantaꞌ nitochi, itohuatëra, shaꞌhuitërinco: —Isopitasoꞌ chiníquën parisitaponaraihuëꞌ, co Yosë aꞌpopihuëꞌ. Carniroaꞌhuari huënainën quëran anoyacancantërin niꞌton, huiríchin aꞌmopi.