Éxodo 17:5 - Chayahuita (Shahui)

^5-6 —Caraya ansianoꞌsa shaꞌhuitëquë imainën. Inapitarëꞌquën chachin israiroꞌsa naꞌhuëtahuatomaꞌ, Oripi motopiquë pacoꞌ. Huaranënta iꞌ ahuëiranso quëpaquëꞌ. Inaquë carinquën panca naꞌpi aipi ninaranquën. Canconpatan, ina naꞌpi ahuëquëꞌ. Nani ahuëhuatan, piyapiꞌsa oꞌocaiso marëꞌ aꞌnaroáchin iꞌsha pipiarin, itërin Yosëri. Napotërinso chachin Moisësësoꞌ, Israiro ansianoroꞌsari nicasoi naꞌpi ahuërin. Inapohuachina, notohuaroꞌ iꞌsha pipirin huachi.

Éxodo 17:5 ပူးပေါင်းရင်းမြစ်များ

Éxodo 14:16

Quëmanta huaranën ihuëtaton, marë patomaiquëꞌ. Yaniro paꞌtatonaꞌ, piyapinëhuëpita pëntonacaiso marëꞌ inapotëquëꞌ.

Éxodo 3:18

Napotohuatan, Israiro huaꞌanoꞌsaso natëarinquën tënahuë. Inapitarëꞌquën chachin Iquipito copirno paaparahuaton, napotëquëꞌ: “Yosë chinotëraisoꞌ, oꞌmarin nicaincoiso marëꞌ. Napoaton aꞌpacoi paꞌi inotëro parti nacapiꞌi. Cara tahuëri aquërinꞌpaꞌ paꞌsahuatoi, ina chinotaꞌhuaiso marëꞌ maꞌsha tëpaarai, itocoꞌ.

Ezequiel 2:6

Piyapinquën nipiranhuëꞌ, ama inapita tëꞌhuatëquësohuëꞌ. Maꞌsona itohuachinëontaꞌ, ama tëꞌhuaquësohuëꞌ. Nahuanoꞌsaꞌ, yonpincaroꞌsaꞌ, inapita huáncana yaꞌhuëaranso pochin cancantaran. Inapopiranhuëꞌ, maꞌsona itohuachinën ama tëꞌhuaquësohuëꞌ. Noꞌhuitatona nishinahuën niꞌtohuachinantaꞌ, ama tëꞌhuatëquësohuëꞌ. Co natantochináchinhuëꞌ cancantopirinahuëꞌ, ama tëꞌhuatëquësohuëꞌ.