Éxodo 16:8 - Chayahuita (Shahui)

⁸ Ina quëran Moisësë taantarin: —Iꞌhuanahuanquë Sinioro, nosha quëtarinquëma capamaso marëꞌ. Tashiramiachintaꞌ, huaꞌhuayátërahuë cosharo quëtarinquëmaꞌ. Nani nataninquëma pinoramaso niꞌton, napotarinquëmaꞌ. Quiya mini noꞌhuipiramacoihuëꞌ, Sinioro nohuanton pipirama niꞌton, ina pinorama huachi, itërin.

Éxodo 16:8 ပူးပေါင်းရင်းမြစ်များ

Éxodo 16:12

—Israiroꞌsa pinorinacosoꞌ nani natanahuë. Napoaton shaꞌhuitëquëꞌ: “Sinioro napotërinpoaꞌ: ‘Iꞌhuanahuanquë nosha caꞌsaramaꞌ, tashiramiachintaꞌ, cosharo yaꞌhuapon. Natëaquë huarëꞌ coshataramaꞌ. Inapotohuatënquëmaꞌ, ca Sinioroco ninahuësoꞌ nitotarama huachi, tënin,’ itëquëꞌ,” itërin.

Éxodo 16:9

Ina quëran Moisësëri Aaron itapon: —Pinopisoꞌ nani natanin niꞌton, shaꞌhuitëquë israiroꞌsaꞌ, Sinioro niꞌtonënquë niyontoinaꞌ, itërin.

Éxodo 17:2

Napoaton Moisësë noncarotaantapi: —¡Iꞌsha quëtocoi oꞌoi! itopi. —¿Maꞌmarëta caso noncarotaramaco? Inapohuatamara, canpitaso Yosë chachin tëniantaramaꞌ, itërin.

Isaías 32:6

Co noyahuëꞌ nipisopitasoꞌ, naponin nonaponaꞌ. Yonquinënaquë co noyahuëꞌ nicacaisoꞌ yonquiapi. Mantanta nicatonaꞌ, co Yosë pënëntërinsoꞌ natëpihuëꞌ. Sinioropita yanonpinapipitërapi. Tanapisopita co aꞌcapihuëꞌ. Yamoropisopitantaꞌ, co yaoꞌshitopihuëꞌ.

Números 11:18

Ina quëran israiroꞌsa shaꞌhuitëquë tashiraya marëꞌ nitapacancainaꞌ. Naporoꞌ nosha caꞌsapi. Naꞌnëtonaꞌ: “¡Maꞌcha nosha quëtërinënpoa caꞌnëhuahuë paya! ¡Iquipitoquë tëhuënchinso noya noya yaꞌhuëapirëhuahuëꞌ!” topisoꞌ, nani natanahuë. Noyapaꞌ, napopi niꞌquëhuarëꞌ, nosha nipachin quëchi caꞌinaꞌ.

Números 14:27

—Israiroꞌsa co noyahuëꞌ cancantatonaꞌ, naꞌcon pinorinaco niꞌton, ¡co huachi ahuantërahuëꞌ! Yaꞌipi pinorinacosopita nani natanahuë.

Números 21:7

Napohuachinara, Moisësë paaparahuatona itaponaꞌ: —¡Maꞌhuantacha ninai paya! Sinioro noꞌhuitoi, quëmanta noꞌhuitënquën oshahuanai. Sinioro nontëquë yaꞌhuanoꞌsa aꞌpachincoi, itopi. Itohuachinara, Moisësëso Sinioro nontërin. Israiroꞌsa oshanën inquitaton, catahuantacaso marëꞌ nontërin.

Mateo 10:40

Ina quëran pënëantarin: “Insosona noya natanpachinquëmaꞌ, noya natanarinaco cantaꞌ. Yosë aꞌpaimarinco niꞌton, Yosë nanamën chachin imasapi huachi.

Mateo 9:4

Topinan yonquinëna quëran napoápirinahuëꞌ, Quisosori nitotaton. —¿Onpoatomataꞌ co noyahuëꞌ yonquirapiramaco?

Lucas 10:16

Ina quëran yaaꞌparinsopita itaantarin: “Iporasoꞌ pënëntacamaso marëꞌ aꞌpararanquëmaꞌ. Ca yaꞌhuërënamëhuë pënëntaramaꞌ. Noya natanpachinquëmaꞌ, natanarinaco cantaꞌ. Coꞌsoꞌ nohuantohuachinënquëmahuëꞌ, co cantaꞌ nohuantarinacohuëꞌ. Co nohuantohuachinacohuëꞌ, co Yosëntaꞌ nohuantapihuëꞌ,” itërin Quisosori. Itohuachina, paꞌpi huachi. Nisha nisha ninanoquë pënëntëraꞌpiapi.

Juan 13:20

Noꞌtëquën shaꞌhuitëranquëmaꞌ. Carinquëmaꞌ aꞌparanquëmaꞌ piyapiꞌsaꞌ aꞌchintacamaso marëꞌ. Natëhuachinënquëmaꞌ, natëarinaco cantaꞌ. Aꞌparanquëmaꞌ niꞌton, natëinënquëmaꞌ. Insosona natëhuachinco, Yosëntaꞌ natëarin. Ina aꞌpaimarinco,” itërincoi.

Romanos 13:2

Co copirno acorinsopita natëhuatamahuëꞌ, Yosëntaꞌ co natëaramahuëꞌ. Ina marëꞌ anaꞌintarinquëmaꞌ.

1 Corintios 10:10

Ama Yosë noꞌhuitëhuaꞌ tarëtahuasohuëꞌ. “Co Yosë noya catahuarinpoahuëꞌ,” topi aꞌnaquën. Napoaton Yosëri anquëni aꞌpaimarin inapita tëpacaso marëꞌ.

1 Tesalonicenses 4:8

Co quiyaora yonquinëhuëi quëran pënënainquëmahuëꞌ. Co natëhuatamahuëꞌ, Yosë chachin co natëaramahuëꞌ. Ina nohuanton, Ispirito Santo yaꞌcoancantërinpoaꞌ noya nicacaso marëꞌ. Inasoꞌ noyasáchin ninin.

1 Samuel 8:7

Samoirosoꞌ co noyahuëꞌ cancantopirinhuëꞌ, Siniorori itapon: “Ina nohuantopi niꞌquëhuarëꞌ, acotëquë nipachin. Co quëma nocaninënhuëꞌ. Ama cari huaꞌanëntaꞌhuaso marëhuëꞌ ca nocaninaco.