Éxodo 16:35 - Chayahuita (Shahui)

³⁵ Catapini shonca piꞌi pochin israiroꞌsaꞌ, mana caꞌpi. Cananoꞌsa yaꞌhuëpiquë notënanquë canconai huarëꞌ manasáchin caꞌpi.

Éxodo 16:35 ပူးပေါင်းရင်းမြစ်များ

Nehemías 9:15

Tanahuachinarantaꞌ, inápaquë cosharo yaꞌhuërinso quëtëran. Yamorohuachinarantaꞌ, natëtë quëran iꞌsha ocoitëran. Noꞌpaꞌ quëtamaso quihuitëranquë yaꞌcaritohuachinara: ‘Yaꞌconatoma huaꞌanëntoco huachi,’ itëran.

Hechos 7:36

Ina quëran Iquipitoquë paantarahuaton, nani maꞌsha Yosë pochin ninin, sacaiꞌ nininsopita. Inapoaton, Iquipito quëran ocoirahuaton, nichaꞌërin. Inapochachin Quëhuai marëquë, inotëro parti inaquëpita Yosë pochin ninin. Catapini shonca piꞌipi inaporin.

1 Corintios 10:3

Iráca inotëro parti paꞌpachinara, Yosë nohuanton, nani tahuëri noꞌpaquë cosharoꞌ yaꞌnohuachina, yaꞌipiya coshatopi.

Deuteronomio 1:8

Nani yaꞌipi ina noꞌpaꞌ carinquëma quëtëranquëma huaꞌanëntamaso marëꞌ. Napoaton paꞌsahuatomaꞌ, ina noꞌpaꞌ máco huachi. Iráca shimashonëmapita Apraan, Isaco, Cacopo, inapita nani shaꞌhuitërahuë: ‘Caso Sinioroco niꞌto, quëtaranquëmaꞌ, itërahuë,’ itërinpoaꞌ,” tënin Moisësë.

Deuteronomio 8:4

Catapini shonca piꞌipi paꞌsápomarahuëꞌ, co aꞌmoramaso mocarinhuëꞌ. Co nantëma tëranta pomatërinhuëꞌ.

Josué 5:12

Naporo quëran huarëꞌ mana copi tënin huachi. Napoaton israiroꞌsasoꞌ, co huachi onporo tëranta ina caꞌpihuëꞌ. Naporo piꞌi quëran huarëꞌ, Canaan noꞌpaquë shaꞌtopisoꞌ nitërinsoꞌ caꞌpi.