Éxodo 16:3 - Chayahuita (Shahui)

³ “Canpitaso co quëꞌyatoncoirahuëꞌ, inotëro parti tana tiquiincoiso marëꞌ quënancoi. ¡Iquipitoquë chachin Yosë tëparincoi naporini, noya noya niitonhuëꞌ! Inaquëso noya coshatatoi, natërai. Naꞌa nosha yaꞌhuërin,” itopi.

Éxodo 16:3 ပူးပေါင်းရင်းမြစ်များ

2 Samuel 18:33

Ina natanaton, copirnoso paꞌpi sëtërin. Sëtaton yaꞌcoana aipi patoana yaꞌhuërinquë nanpëontarin. Inaquë huiꞌnin marëꞌ sëtaton, naꞌnëmiatërin. Ayanapon pochin naporin: “Apësaron, huiꞌnahuë taꞌa. Apësaron conpaaꞌhua taꞌa. Quëma yaꞌhuërënamën chiminahuë naporini, noya niitohuë taꞌa. Apësaron, huiꞌnahuë taꞌa. Apësaron conpaaꞌhua taꞌa,” tënin naꞌnëton.

Copo naporinso' 3:1

Canchisë tahuëri nani naꞌhuëhuachina, Coposoꞌ parisitápaton huaꞌhuatërinso tahuëri yonquirin. Ina yonquiaton ina tahuëri noꞌhuirin. Napoaton chiníquën tapon:

Copo naporinso' 3:10

Co inapoatonhuëꞌ, naporo tashi huaꞌhuataꞌhuaso quëtërinco niꞌton, paꞌpi co noyahuëꞌ niꞌnahuë. ¡Yaꞌcopirinco naporini, co poꞌpin nosorochitohuëꞌ!

Copo naporinso' 3:20

Yosë nohuanton piyapi huaꞌhuatërin. ¡Napoaponahuëꞌ, parisitacaiso marëꞌ huaꞌhuatopiso yonquiato, co noyahuëꞌ cancantërahuëꞌ! Parisitapisopitasoꞌ chiminchinapi naporini, noya noya niitonahuëꞌ.

Salmos 107:5

Tanatona co huachi chinipihuëꞌ. Yamorotonaꞌ, yachiminpi huachi.

Éxodo 14:11

Moisësënta itaponaꞌ: “¡Maꞌmarëta Iquipito quëran ocoirancoi! Iso inotëroquë quiyasoꞌ tëpaponacoi. Iquipitoquësoꞌ poꞌoroꞌ yaꞌhuëpirinhuëꞌ. Ina quëran ocoyatoncoi panca tëhuëran.

Éxodo 17:3

Itopirinhuëꞌ, israiroꞌsasoꞌ co natëpihuëꞌ. Napishinhuë yamorotonaꞌ, Moisësë itaantapi: —¡Maꞌmarëta Iquipito quëran ocoirancoi! ¡Quëma ocoirancoi niꞌton, yamoro quiyasoꞌ tëpaponcoi! Huiꞌnahuëipita, pëꞌtahuanëhuëipita yaꞌipicoi yamoro tëpaponcoi, itopi.

Éxodo 2:23

Napoyan quëran Iquipito copirno chiminin huachi. Aꞌna yaꞌhuërëꞌ yaꞌcoantaponahuëꞌ, inanta israiroꞌsa co nosororinhuëꞌ. Inachachin asacatapi. Chiníquën parisitatonaꞌ, naꞌnë naꞌnë́rantapi. Napoatona Yosë nontopi huachi: “Catahuacoi Sinioro. Chiníquën parisitarai. Nichaꞌëcoi,” itopi. Napopisoꞌ Yosëri natanin.

Éxodo 5:21

Inaquë quënanatonaꞌ: —Canpitaso copirno nontatomaꞌ, panca tëhuëramaꞌ. Ipora inasoꞌ, catahuarinsopitarë chachin naꞌcon naꞌcon noꞌhuirinacoi. Naporama aꞌpiquë tëpaponacoi aꞌna nimara. Ina marëꞌ canpitanta Yosë anaꞌinchinquëmaꞌ, itopi.

Jeremías 2:6

Naniantatonaco, co yonirinacohuëꞌ. Cari Iquipito quëran ocoiato, inotëro parti quënahuë. Inaso noꞌpaꞌ, yaniroꞌ. Notohuaroꞌ ohuatë yaꞌhuërin. Inaquëso co iꞌsha yaꞌhuërinhuëꞌ, paꞌpi huëhuëpiro yaꞌhuërin. Co insonta inaquë yaꞌhuërinhuëꞌ. Co insonta inaëchin iratërinhuëꞌ.

Números 11:15

Inachachin nisápahuasoꞌ nohuantohuatan, acopitochanco nipachin. Ina noya noya. Noya niꞌpatancosoꞌ inapotoco. Chimipatosoꞌ, co huachi poꞌpin parisitapohuëꞌ, tënahuë, itërin.

Números 11:20

Aꞌna yoquiraꞌ nanirinso chachin nosha caꞌsapi. Amirotaquë huarëꞌ caꞌsapi. Ca chachin inahua huáncana huëꞌsápirahuëꞌ, naꞌnëpi. Naꞌnëtonaꞌ: “¡Maꞌmarëcha Iquipito quëran pipirëhua paya!” topi. Napoatona nocaninaco niꞌton, napotarahuë, itërin Yosëri.

Números 14:2

Naporahuatona, Moisësë, Aaron inapita pinopi. Inahua capinintaꞌ: “Iquipitoquëhuë nipon, iso inotëroquëhuë nipon chiminëhua naporini, noya noya niitërihuahuëꞌ.

Números 14:3

¡Co Sinioro iso noꞌpaquë quëcainpoaso nipirinhuëꞌ! Canpoaso ahuëtërëhuaquë tëpahuachinënpoaꞌ, saꞌanpoaꞌ, huiꞌnanpoaꞌ, inapita masapi huachi. ¡Iquipitoquë chachin paꞌmantarëhua naporini, noya noya niitonhuë!” nitopi.

Números 21:5

Noꞌhuitatonaꞌ, Sinioro pinopi. Moisësënta itaponaꞌ: —¡Maꞌmarëcha Iquipito quëran ocoirancoi paya! ¿Iso inotëro parti chiminaꞌhuaiso marëꞌ quëntamarancoi ti? Capa iꞌsha, capa cosharo yaꞌhuërinhuëꞌ. Manaíchin capatoi nosorotarai, itopi.

Hechos 26:29

—Paꞌpi nohuantërahuë ca pochachin nicamasoꞌ. Yaꞌipinquëmaꞌ natanamacosopita ca pochachin nicacamasoꞌ nohuantopirahuëꞌ. Catinaquëachin tonpoinëmasoꞌ co nohuantërahuëꞌ. Aꞌnaroáchin imarama naporini, noya niitonhuëꞌ. Huaꞌqui quëran imapatamantaꞌ, noya chachin niitonhuëꞌ, itërin Paonori.

1 Corintios 4:8

Canpitasoꞌ naporamaꞌ: “Nani yaꞌipi nitotërai. Co mantaꞌ pahuantërincoihuëꞌ noya cancantaꞌhuaiso marëꞌ. Quiyaora noya nitotatoi, huaꞌan pochin chiníquën nanantërai,” topiramahuëꞌ. ¡Tëhuënchachin chiníquën nanantëramaꞌ naporini, quiyantaꞌ isoroꞌpaquë chachin chiníquën nananchitoihuëꞌ!

2 Corintios 11:1

Noya nipatëhuaꞌ, co ina marëꞌ aꞌnapita nocanacasoꞌ yaꞌhuërinhuëꞌ. Nipirinhuëꞌ, piꞌpian huaꞌyantërinso pochin nonchinquëmaꞌ natanco. Noꞌtëquën yonquicamaso marëꞌ shaꞌhuitaranquëmaꞌ.

Deuteronomio 8:3

Ina nohuanton aꞌna tahuëri tana acorinquëmaꞌ. Napoaponahuëꞌ, ina piquëranso capamaso marëꞌ mana aꞌpatiimarinquëmaꞌ. Inanpi cosharoso co nohuitopiramahuëꞌ, quëtërinquëmaꞌ. Co shimashonëmapitari tëranta nohuitopihuëꞌ: ‘Co cosharoriáchin, piyapi ananpirinhuëꞌ. Yaꞌipi Yosë noninsoꞌ natëhuachin tëhuëchinsoꞌ, nanpiarin,’ taꞌcamaso marëꞌ inanpi cosharo quëtërinquëmaꞌ.