Éxodo 16:23 - Chayahuita (Shahui)

²³ Shaꞌhuitohuachinara Moisësëri itapon: —Ina mini Yosë nohuantërinsoꞌ: Tashiraya sahuato nisarin. Sinioro marëꞌ chinotacaso tahuëri. Cosharo manamasoꞌ, ipora chachin anpicoꞌ. Maꞌsona aꞌitamaso nininsopitantaꞌ, aꞌitochancoꞌ. Tashiraya marëpita inapotocoꞌ, itërin.

Éxodo 16:23 ပူးပေါင်းရင်းမြစ်များ

Nehemías 9:13

Ina quëran Sinai motopiquë nohuaraimaran. Naporoꞌ inápa quëran noya nicacaiso marëꞌ pënënan, camairan, naporan. Noꞌtën nanan aꞌchintahuaton, yonquínahuan yaꞌhuëcaiso marëꞌ anitotëran. Pënënancoisopita, camairancoisopita, anitotërancoisopita, inapitaso noyasáchin ninin. Chinoto tahuërinta acotëran. Ina tahuëri noya nicatonaꞌ, chinotiinënso marëꞌ acotëran. Piyapinën Moisësë itopiso quëran, yaꞌipi inapita anitotëran.

Éxodo 16:19

Ina quëran Moisësëri pënëantarin: —Cosharo manamasoꞌ, ama tashiraya marëꞌ tapacosohuëꞌ, itërin.

Levítico 23:3

Nani simanaquë saota tahuëri sacataramaꞌ. Tahuëririnquëso nipirinhuëꞌ, co sacataramahuëꞌ. Ina tahuëri noya nicatoma chinotaramaco. Naporo tahuëri chinotamacoso marëꞌ niyontonaramaꞌ. Insëquë tëranta yaꞌhuëpatamaꞌ, naporo tahuëri chinotamacoso marëꞌ chinotaramaꞌ.

Números 11:7

Manasoꞌ, conantroraya pochachin ninin. Huiríton niponahuëꞌ, shaꞌpi shaꞌpiroton. Comoro yaqui pochin.

Números 11:8

Anpipinansoꞌ, tricoroꞌmo tomarëꞌ tapapisoꞌ, iyapinan pochin ninin. Nani tahuëri tashiramiachin, israiroꞌsa paꞌpi ina macaponaꞌ. Aꞌnaquënso pëꞌsanatonaꞌ, pan pochin nicatona caꞌpi. Aꞌnaquëontaꞌ, amasha amasha pëꞌsanatona aꞌitopi.

Lucas 23:56

Nani niꞌpachinara, yaꞌhuëpiꞌpaꞌ paantapi. Inaquë noꞌmorain pimóton nininsoꞌ tapapi. Pimo huaꞌsaintaꞌ tapapi Quisoso nonën pashitacaiso marëꞌ. Chinoto tahuëri nanihuachina, chinotopi. Moisësë shaꞌhuirinso chachin chinotopi.

Apocalipsis 1:10

Iꞌhua Tomio tahuëri Yosë chinotasoco, Ispirito Santo nohuanton, huaꞌnarëso pochin quënanahuë. Co huëꞌëpirahuëꞌ, pinëhuë quëran chiníquën nontërinco, natanahuë. Tronpita pihuirinso pochin natanahuë.