Éxodo 16:21 - Chayahuita (Shahui)

²¹ Nani tahuëri tashíramiachin, aꞌnaya aꞌnaya cosharo mapi. Nani yono piꞌirahuasoꞌ, piꞌiri piꞌcahuachina soquirin.

Éxodo 16:21 ပူးပေါင်းရင်းမြစ်များ

Éxodo 16:20

Moisësëri napotopirinhuëꞌ, aꞌnaquënso co natëtatonaraihuëꞌ, cosharo mapiso tahuëririnquë capacaiso marëꞌ tapapi. Tapapirinahuëꞌ, paꞌpi notohuaroꞌ shonataton anarin huachi. Napohuachina Moisësëri, chiníquën noꞌhuirin.

Éxodo 16:22

Napoaponahuëꞌ, pancasomaria tahuëriso cato tahuëri marëꞌ machinapi. Catapini quiro pochin aꞌnaya aꞌnaya mapi. Inanapo mapi niꞌton, Israiro huaꞌanoꞌsasoꞌ, Moisësë shaꞌhuitapona paꞌpi.

Eclesiastés 12:1

Yosëso nininquën. Huiꞌnapitasënquën chachin ina imaquëꞌ. Co huaꞌquiya quëranhuëꞌ mashotaran. Naporoꞌ, co huachi yashinhuëꞌ yaꞌhuëaran. Inapoaton: “Co huachi yain nanpichináchinhuëꞌ cancantërahuë,” tosaran.

Eclesiastés 9:10

Maꞌsona tëranta nicacasoꞌ yonquihuatan, yaꞌipi cancanën quëran niquëꞌ. Aꞌna tahuëri chiminpatan, co huachi manta nisaranhuëꞌ. Co manta yonquiaranhuëꞌ. Co inaquëso maꞌsha nitotërëhuëꞌ. Co inaquësoꞌ yonquínahuan ninëhuëꞌ.

Mateo 6:33

Napoaton Yosë naꞌcon naꞌcon yonquicoꞌ. Aꞌnapitantaꞌ catahuacoꞌ huaꞌanëntërinquë yaꞌconacaiso marëꞌ. Yosë nontocoꞌ noyasáchin yonquicamaso marëꞌ. Ina pochin cancantohuatamaꞌ, catahuarinquëmaꞌ. Ina nohuanton, maꞌsha pahuantërinquëmasopita yaꞌhuëtarinquëmaꞌ.

Juan 12:35

—Iporáchin tahuëri pochin aꞌpintaranquëmaꞌ. Co huachi huaꞌquiꞌ yaꞌhuapohuëꞌ. Aꞌpininso pochin noꞌtëquën anitotëranquëmaꞌ. Anitotohuatënquëmaꞌ, noya nicoꞌ. Niꞌcona tashinan pochin cancantotamaꞌ. Tashinanquë iratohuatëra, chihuërëꞌ.

2 Corintios 6:2

Iráca quiricanën quëran Yosë naporin: “Ipora chachin yacatahuaranquëmaꞌ. Nontohuatamaco, natanaranquëmaꞌ. Yanichaꞌëranquëmaꞌ niꞌton, catahuaranquëmaꞌ chaꞌëcamaso marëꞌ,” tënin. Ipora tahuëri chachin yacatahuarinpoaꞌ. Nontohuatëhuaꞌ, anoyacancantarinpoaꞌ, tënahuë.