Éxodo 16:19 - Chayahuita (Shahui)

¹⁹ Ina quëran Moisësëri pënëantarin: —Cosharo manamasoꞌ, ama tashiraya marëꞌ tapacosohuëꞌ, itërin.

Éxodo 16:19 ပူးပေါင်းရင်းမြစ်များ

Éxodo 12:10

Naporahuaton aꞌmoanpi quëran chachin aꞌnaroáchin caꞌinaꞌ. Sapatënënanta co ocoiaponaraihuëꞌ, huaranëna sëꞌquëpiquëranchin caꞌinaꞌ. Manorahuatona yapaꞌsapiso pochin caꞌinaꞌ. Ama tahuëririnquë capacaiso marëꞌ pëꞌsochinasohuëꞌ. Ca yonquiatomaco pascoa pita nisarama niꞌton, pëꞌsotohuatamasoꞌ, ahuiquitacaso yaꞌhuërin.

Éxodo 16:20

Moisësëri napotopirinhuëꞌ, aꞌnaquënso co natëtatonaraihuëꞌ, cosharo mapiso tahuëririnquë capacaiso marëꞌ tapapi. Tapapirinahuëꞌ, paꞌpi notohuaroꞌ shonataton anarin huachi. Napohuachina Moisësëri, chiníquën noꞌhuirin.

Éxodo 16:23

Shaꞌhuitohuachinara Moisësëri itapon: —Ina mini Yosë nohuantërinsoꞌ: Tashiraya sahuato nisarin. Sinioro marëꞌ chinotacaso tahuëri. Cosharo manamasoꞌ, ipora chachin anpicoꞌ. Maꞌsona aꞌitamaso nininsopitantaꞌ, aꞌitochancoꞌ. Tashiraya marëpita inapotocoꞌ, itërin.

Mateo 6:34

Napoaton ama tashiraya maꞌsha onpoamasoꞌ yonquiatomaꞌ, paꞌyancosohuëꞌ. Tashirayantaꞌ maꞌsha onpohuatamaꞌ, paꞌyanacaso yaꞌhuapon niꞌton, co ipora quëranchin ina yonquiatoma co napion ancantápamaso yaꞌhuërinhuëꞌ,” tënin Quisoso.