Éxodo 16:15 - Chayahuita (Shahui)

¹⁵ Co nohuitatonaraihuëꞌ, israiroꞌsasoꞌ inahua capini ninatanapi: “¿Maꞌta isosoꞌ?” tosapi. Napohuachinara, Moisësëri itapon: —Iso mini cosharo Yosë aꞌpatimarinpoasoꞌ.

Éxodo 16:15 ပူးပေါင်းရင်းမြစ်များ

Nehemías 9:15

Tanahuachinarantaꞌ, inápaquë cosharo yaꞌhuërinso quëtëran. Yamorohuachinarantaꞌ, natëtë quëran iꞌsha ocoitëran. Noꞌpaꞌ quëtamaso quihuitëranquë yaꞌcaritohuachinara: ‘Yaꞌconatoma huaꞌanëntoco huachi,’ itëran.

Nehemías 9:20

Quëma Ispiritonëni nosoroaton aꞌchintërarin. Mananta co osërëtëranhuëꞌ. Yamorohuachinaranta iꞌsha quëtëran.

Salmos 105:40

Cosharo inápa quëran oꞌmarinsoꞌ aꞌcaton noyá anatërin.

Éxodo 16:31

Israiroꞌsasoꞌ, cosharo mapiso nohuitatonaꞌ, “mana,” itopi. Inasoꞌ huiríchin, conantroraya pochin ninin. Naporahuaton cachita ninoiquë cayontopinan pochin cashi cashin ninin.

Éxodo 16:33

Aaronta camairin: —Cato quiro pochin mana masahuaton, yonshaquë poꞌmoquëꞌ. Ina quëran Yosërëꞌquënpoa anoyatërëhuaso caposonën notënanquë acoaran. Aꞌna tahuëri shiparinpoapita nohuitacaiso marëꞌ inaquë tapaaran, itërin. Itohuachina, Yosëri Moisësë camairinso chachin, Aaronsoꞌ ninin.

Éxodo 16:4

Naporo Yosëri, Moisësë itapon: “Ca nohuanto cosharoꞌ, inápa quëran oꞌnan pochin anotimapon. Nani tahuëri paꞌsahuatonaꞌ, macacaiso yaꞌhuërin. Pëꞌyainpichin macaponaꞌ. Pancasomaria tahuëriso nipirinhuëꞌ, cato tahuëri marëꞌ machinaꞌinaꞌ. Inapotato inpitasona natërinacosoꞌ, inpitasona co yanatërinacosohuëꞌ, nohuitarahuë,” itërin.

Números 21:5

Noꞌhuitatonaꞌ, Sinioro pinopi. Moisësënta itaponaꞌ: —¡Maꞌmarëcha Iquipito quëran ocoirancoi paya! ¿Iso inotëro parti chiminaꞌhuaiso marëꞌ quëntamarancoi ti? Capa iꞌsha, capa cosharo yaꞌhuërinhuëꞌ. Manaíchin capatoi nosorotarai, itopi.

Lucas 12:30

Co Yosë imapisopitahuëꞌ ina pochin yonquipi. Maꞌsharáchin yonquipi. Canpitaso nipirinhuëꞌ, tatanëmaꞌ inápaquë yaꞌhuërinsoꞌ yonquirinquëmaꞌ. Yaꞌipi pahuantërinquëmasopita nitotërin.

Juan 6:49

Shimashonëmapita inotëro parti yaꞌhuasoiꞌ, cosharoꞌ Yosëri quëtërinsoꞌ caꞌpi. Mana itopisoꞌ caꞌpirinahuëꞌ, nani iráca chiminpi.

Juan 6:58

Ca cosharo pochinco. Inápa quëran oꞌmarahuë. Shimashonëmapita cosharoꞌ Yosëri aꞌpatimarinsoꞌ caꞌpirinahuëꞌ, iráca chiminpi. Nipirinhuëꞌ, imamiatohuatamaco, nanpimiataramaꞌ, itërin.

1 Corintios 10:3

Iráca inotëro parti paꞌpachinara, Yosë nohuanton, nani tahuëri noꞌpaquë cosharoꞌ yaꞌnohuachina, yaꞌipiya coshatopi.

Deuteronomio 8:16

Ina chachin mana quëtërinpoa capacaso marëꞌ. Inaso cosharoꞌ, shiꞌmashonënpoanta co nohuitopihuëꞌ. Inapotatënquëma tënirinquëmaꞌ. Naporahuaton, natëtochináchin cancantamaso marëꞌ napotërinquëmaꞌ.

Deuteronomio 8:3

Ina nohuanton aꞌna tahuëri tana acorinquëmaꞌ. Napoaponahuëꞌ, ina piquëranso capamaso marëꞌ mana aꞌpatiimarinquëmaꞌ. Inanpi cosharoso co nohuitopiramahuëꞌ, quëtërinquëmaꞌ. Co shimashonëmapitari tëranta nohuitopihuëꞌ: ‘Co cosharoriáchin, piyapi ananpirinhuëꞌ. Yaꞌipi Yosë noninsoꞌ natëhuachin tëhuëchinsoꞌ, nanpiarin,’ taꞌcamaso marëꞌ inanpi cosharo quëtërinquëmaꞌ.

Hebreos 9:4

Nëꞌmëtëꞌ yaꞌcariya aꞌna misaꞌhuaya yaꞌhuërin, oro quëran nipisoꞌ. Inaquë yonarin pochin pimóchin nininsoꞌ aꞌpëpi tomontacaso marëꞌ. Yosë caposonëontaꞌ yaꞌhuërin. Aipiran, acoporan, yaꞌipi oro quëran achinpitopi. Caposo acopoana yonsha oro quëran nipisoꞌ yaꞌhuërin. Inaquë piꞌpian cosharoꞌ Yosëri inápa quëran aꞌpaimarinsoꞌ poꞌmorin, mana itopisoꞌ. Aaron pitananëontaꞌ inaquë poꞌmorin. Inasoꞌ noyá yaniponahuëꞌ, Yosë nohuanton, aꞌnaroáchin papotantarin piyapinënpita yonquicaiso marëꞌ. Naporahuaton, catoꞌ naꞌpitëaꞌhuayantaꞌ inaquë acopi. Inaquë Yosë pënëntërinsoꞌ nani ninshitopi. Iráca anoyatërinsoꞌ itopisoꞌ.

Josué 5:12

Naporo quëran huarëꞌ mana copi tënin huachi. Napoaton israiroꞌsasoꞌ, co huachi onporo tëranta ina caꞌpihuëꞌ. Naporo piꞌi quëran huarëꞌ, Canaan noꞌpaquë shaꞌtopisoꞌ nitërinsoꞌ caꞌpi.

Apocalipsis 2:17

Imaramaco niꞌton, Ispirito Santo chachin nontarinquëmaꞌ. Huëratëhuanpatamaꞌ, noya natanatomaꞌ, yonquicoꞌ. Sopai minsëhuatamaꞌ, noya cancantarama huachi. Iráca israiroꞌsaꞌ Yosëri cosharoꞌ aꞌpatimarin, mana itopisoꞌ. Inachachin poꞌorahuësoꞌ carimantaꞌ quëchinquëmaꞌ sano cancantacamaso marëꞌ. Imaramaco niꞌton, nasha nininëmaꞌ aꞌnaya aꞌnayanquëmaꞌ acoꞌinquëmaꞌ. Canpitaora nitotaramaꞌ. Huiri naꞌpiquë ninshitahuato, quëchinquëmaꞌ. Cancanëma quëran noya noya nohuitaramaco huachi. Nani huachi,” itëquëꞌ, ninshitohuatan, itërinco.