Éxodo 16:1 - Chayahuita (Shahui)

¹ Israiroꞌsa Iquipito quëran pipipisoꞌ nani aꞌna yoqui patoma nisarin. Naporoꞌ inapitasoꞌ, Irimo quëran paantarapi huachi. Paꞌsahuatonaꞌ, Sin inotëro parti canconpi. Inasoꞌ inotëroꞌ, Irimo quëran, Sinai motopiquë huarëꞌ nincanin.

Éxodo 16:1 ပူးပေါင်းရင်းမြစ်များ

Éxodo 12:6

Nani pëꞌtahuanëna nisha acohuachinaꞌ, cara tahuëri tapainaꞌ. Tahuëririnquë, piꞌi yayaꞌconahuaso tëpaꞌinaꞌ. Nani tëpahuachinaꞌ, huënainën mainaꞌ.

Éxodo 15:27

Ina quëran paantarahuatonaꞌ, Irimo parti canconpi. Inaquësoꞌ, shonca cato iꞌsha noꞌpa quëran pipirinso yaꞌhuërin. Naporahuaton canchisë shonca palmeraroꞌsa yaꞌhuërin. Inaquë noya iꞌsha yaꞌhuërin niꞌton, nëꞌmëtë pëinëna ótënatonaꞌ, huaꞌquimiachin inaquë yaꞌhuëpi.

Éxodo 17:1

Yaꞌipi israiroꞌsa Sin inotëro quëran pipiantapi. Yosëri camairinso natëtonaꞌ, oshaquëran paꞌsapi. Paꞌsápatona Rihuitin parti canconpi. Napoaponahuëꞌ, co iꞌsha yaꞌhuëantarinhuëꞌ oꞌocaisoꞌ.

Éxodo 19:1

Israiroꞌsa Rihuitin quëran pipirahuatonaꞌ, Sinai inotëro parti canconpi. Canconahuatonaꞌ, Sinai motopi notënanquë chachin chinotopi. Iquipito quëran pipipisoꞌ, nani cato yoqui nisahuaton aꞌna tahuëriraꞌ nisarin. Naporoꞌ inatopa canconpi.