Éxodo 15:9 - Chayahuita (Shahui)

⁹ Inimicoroꞌsaso yonquipi: ‘Paꞌahua imatëhua icantahuaꞌ. Icantatëhua sahuëni quëran tiquiaꞌahuaꞌ. Maꞌshanëna osërëtatëhuaꞌ, nipatomatahuaꞌ,’ topirinahuëꞌ.

Éxodo 15:9 ပူးပေါင်းရင်းမြစ်များ

Génesis 49:27

‘Quëmasoꞌ Mincamin, paꞌpi mapinton tanan niꞌnira pochin nicapon. Tashiramiachin inaso mapintahuaton, caꞌmiatërin. Naporoꞌ iꞌhuanahuanquë chachin pëꞌsotërinsontaꞌ, aꞌnapitari caꞌpapi. Inapochachin quëmantaꞌ, yaataꞌhuantëransopita nitaran. Inapotahuaton maꞌshanënantaꞌ, nipatomatapomaꞌ,’ ” itërin.

2 Samuel 22:38

Inimicoroꞌsa nitaꞌatohuatora, imato tiquirahuë. Yaꞌipi tiquiaꞌhuarëꞌ huënantarahuë.

1 Reyes 19:2

Ina natanahuaton Quisapirasoꞌ, Iniasë shaꞌhuitacaso marëꞌ aꞌnara comision aꞌparin: “Naporin Quisapira: ‘Quëmasoꞌ Paaro marëꞌ pënëntonaꞌpiroꞌsa acorahuësoꞌ, atëpatëran. Napoaton carionta atëpataꞌhuanquënso yaꞌhuërin. Tashiraya ipora pochin atëpatëransopita pochin nitaranquën. Coꞌsoꞌ inapotohuatënquënhuëꞌ, mamanshiroꞌsa chiníquën anaꞌinchinaco,’ tënin,” itërin.

Éxodo 14:5

Inapoasoi Iquipito copirnosoꞌ, israiroꞌsa taꞌarapiso shaꞌhuitopi. Ina natanahuaton, nisha cancantërin huachi. Catahuapisopita huaꞌanoꞌsantaꞌ, nisha cancantopi: “¡Maꞌhuantacha canpoaso ninëhua paya! ¿Maꞌmarëcha israiroꞌsa aꞌparëhua nicaya? iporapo huachi ¿Inta canpoa marëꞌ sacatapon?” nitopi.

Isaías 53:12

Napoaton Siniorori, chiníquën nanantopisopitarëꞌ acoapon. Chiníquën nanantopisopitantaꞌ, inari catahuapon canatacaisoꞌ. Canatohuachinara, inanta canatarin. Inaora nohuanton chimininso marëꞌ napoapon. Naporahuaton, “co noyahuëꞌ nininso marëꞌ parisitërin,” itopiso marëꞌ napoapon. Napotopirinahuëꞌ, naꞌa piyapiꞌsa oshanëna marëꞌ inaso parisitërin. Naporahuaton, oshahuanoꞌsa catahuacaso marëꞌ Yosë nontërin.

Habacuc 3:14

Cahuarioquë paꞌpisopita sontaroꞌsasoꞌ, panca ihuan pochin saꞌahuaroꞌsa ahuëcaiso marëꞌ yaꞌcontopi: “Quiyacha tëhuënchinsoꞌ,” tëcatonaꞌ, poꞌoana quëran yaataꞌhuantopirinahuëꞌ, naporo quëmari huaꞌanën tëparan. Inaora shinërënënquë chachin inapotëran.

Lucas 11:22

Aꞌnaso nipirinhuëꞌ ina quëran chini chiníquën niꞌton, huëcapairahuaton minsërin. Sahuëni, shonqui, inapita matahuaton, maꞌshanënpitantaꞌ quiquitërin.

Jueces 5:30

“Ahuëtatona mapisoꞌ nipatomatapi ipora. Cosonaroꞌsa aꞌnaya aꞌnayahuë nipon, cato catohuë nipon niquëtapi. Sisara marësoꞌ, nisha nisha piꞌshi quëran paꞌtopinan nëꞌmëtëroꞌsaꞌ: Aꞌnahuë nipon, catohuë nipon nisha nisha quëran ninshipisoꞌ nëꞌmëtë. Minsëtonaꞌpi niꞌton, apëꞌpëconotacaso marëꞌ quëtapi,” tosapi.