Éxodo 15:8 - Chayahuita (Shahui)

⁸ Quëmari pihuitë pochin nitohuatana, marë nipatomairin. Iꞌ tachitaton, cato paira pochin ninin.

Éxodo 15:8 ပူးပေါင်းရင်းမြစ်များ

2 Samuel 22:16

Inimiconëhuëpita noꞌhuiton iquianantëran. Inapita noꞌhuiton pihui pihuiaran. Naporoꞌ marë anpo nipirinhuëꞌ, noꞌpaꞌ yaꞌno yaꞌnoarin. Isoroꞌpaꞌ achinipisopitantaꞌ, yaꞌno yaꞌnoarin.

Copo naporinso' 4:9

Panca ihuan paꞌpachina, nani maꞌsha tapirin. Inapochachin Yosërintaꞌ, aꞌnanaya inapita noꞌhuiton ataꞌhuantarin.

Salmos 33:7

Marënta pancaiꞌ nipirinhuëꞌ, yontonahuatë taparëso pochin itohua itohua acorin.

Éxodo 14:29

Israiroꞌsaso nipirinhuëꞌ, noya pëntonpi. Ahuënan quëran inchinan quëran iꞌ paira pochin ninin niꞌton, inataquëchin noya pëntonpi.

Isaías 11:4

Noya coisë pochin, sanpatopisopita maꞌsona onpotacasoꞌ shaꞌhuitapon. Popriyatopisopitanta paꞌpoyaton, catahuapon. Noꞌhuitërayaroꞌsasoꞌ, topinan noncharapirinhuëꞌ anaꞌintapon. Co noyahuëꞌ nipisopitantaꞌ, pihuitëꞌ aꞌparëso pochin ataꞌhuantapon.

Habacuc 3:10

Motopiroꞌsanta nicatënën, piyapi pochin ropatopi. Oꞌnantaꞌ, paꞌpi chiníquën anotërin. Marënta panca coꞌsacaitaton, paꞌpi huëhuëpiro tënëntërin.

Habacuc 3:15

Chitoroso cahuarionën pochin niꞌton, inaquë marë aipi paꞌnan. Inaquësoꞌ, iꞌsha paꞌpi anpotërin.

2 Tesalonicenses 2:8

Yaꞌnohuachin, piyapiꞌsaꞌ aquë aquëtëꞌ co noyahuëꞌ cancantapi. Inari camaihuachin, notohuaroꞌ piyapiꞌsari natëapi. Ayaroꞌ tahuëriso nipirinhuëꞌ, Sinioro Quisosori anaꞌintarin. Huënaráchin huënaráchin oꞌmantahuachin, minsëarin. Topinan noncharapirinhuëꞌ, ataꞌhuantarin. Co huachi nanitarinhuëꞌ piyapiꞌsaꞌ nonpintacasoꞌ.

Josué 3:13

Corto huaꞌanoꞌsa Sinioro caposonën, pitënpi quëran nohuaraitapi. Inaso Sinioro, yaꞌipiroꞌpaꞌ huaꞌanëntërin. Ipora nohuaraitasoi chachin, Cortaniiso yanisarin huachi. Inapoaton pëtëtëran iꞌsha oꞌmarinsoꞌ, iꞌ paꞌcopitopiquë sanoirinso pochin nicapon,” itërin.

Josué 3:16

Co inaꞌhuaya naporinhuëꞌ. Atamo ninanoquë naporin. Inaso ninanoꞌ, Sarëtan itopiso yaꞌcari yaꞌhuërin. Sarëtansoꞌ, sontaroꞌsa noyá niacorapipiquë. Pëꞌnatëran iꞌ paꞌmarinsoso nipirinhuëꞌ, Chimiriiꞌ marëꞌpaꞌ nitiquimarin. Ina pochin Siniorori Cortaniiꞌ patomairin. Inapohuachina israiroꞌsasoꞌ, Quirico ninano notënanquë pëntonpi huachi.