Éxodo 15:7 - Chayahuita (Shahui)

⁷ Inimicoroꞌsa chinitopirinënhuëꞌ, quëmariso nipincatatë pochin ataꞌhuantëran. Shinpitë ahuiquitërëso pochin noꞌhuitaton anaꞌintëran.

Éxodo 15:7 ပူးပေါင်းရင်းမြစ်များ

Salmos 148:13

¡yaꞌipinquëma canpitantaꞌ, Sinioro chinotocoꞌ! Inaíchin chini chiníquën nanantërin niꞌton, paꞌyatocoꞌ. Piꞌiroꞌtëꞌ, isoroꞌpaꞌ, inapitaso noyápiachin yaꞌnopi. Yosëso nipirinhuëꞌ, inapita quëran noya noya yaꞌnorin.

Éxodo 14:27

Moisësë Yosë natëton, huaranën ihuërin. Nani tahuëri nisahuachina, marësoꞌ inachachin niantarin huachi. Iquipitoroꞌsaso taꞌarapirinahuëꞌ, iiri imotërin.

Éxodo 5:12

Napoaton israiroꞌsasoꞌ, shinpitë iꞌhua yaquipiso nicosotopi. Ina nicosotacaiso marëꞌ yaꞌipi Iquipito roꞌtë paꞌtopi. Ina huachi, shinpitë yaꞌhuërënamën chipirorëꞌ toꞌcapi.

Éxodo 9:16

Napoaponahuëꞌ, quëmaso ca nohuanto nanpiaran. Nani acoranquën chiníquën nanantërahuësoꞌ, aꞌnotaꞌhuanquënso marëꞌ. Anaꞌintëranquënsoꞌ nitotohuachinaꞌ, yaꞌipi parti nahuinarahuë huachi.

Miqueas 4:11

Iporasoꞌ naꞌa nacionoꞌsaquë yaꞌhuëpisopita ahuëinënquëmaso marëꞌ niyontonpi: ‘Huëco Quirosarin ataꞌhuantatëhuaꞌ, capa cancantahuaꞌ,’ niitopi.

Malaquías 4:1

Naquëranchin Sinioro shaꞌhuitaantarinpoaꞌ: “Caso Sinioroco yaꞌipi nanitapato shaꞌhuitaranquëmaꞌ: ‘Niꞌcoꞌ. Co huaꞌquiya quëranhuëꞌ, anaꞌintaꞌhuaso tahuëri naniarin. Ina tahuëri nanihuachin, ornoquë pën huënaratërinso pochin nisarin. Nocantopisopita, co noyahuëꞌ nipisopita, yaꞌipi inapita anaꞌintarahuë. Panca pënquë shinpitë aꞌnaroáchin huëyarinso pochin co noyahuëꞌ nipisopita anaꞌintarahuë.

Mateo 3:12

Cayarinsoꞌ manëso pochin nisarin. Arosë mapatëra, toꞌnorarëꞌ. Ina quëran pintiarahuatëꞌ, pëiquë acorëꞌ. Shaꞌhuëtënso nipirinhuëꞌ, pënquë ahuiquitërëꞌ. Inasoꞌ co onporontaꞌ tacopiarinhuëꞌ, tënin Coansha.

Hechos 9:4

Noꞌpaquë anotahuaton, inápa quëran nontërinsoꞌ natanin. “Saono, Saono, ¿onpoatontaꞌ aparisitaranco?” itërin.

Deuteronomio 33:26

Israiroꞌsanpoáchin noya noya Yosë chinotërëhuaꞌ. Co aꞌna ina pochin nininhuëꞌ. Cahuarioquë yaꞌmitërëso pochin, chiníquën nanantaton chitoro aipi catahuainpoaso marëꞌ oꞌmarin.