Éxodo 15:5 - Chayahuita (Shahui)

⁵ Naꞌpi pochin marë huancanai nicotaitomapi. Anpo anpo nininquë paꞌmapi.

Éxodo 15:5 ပူးပေါင်းရင်းမြစ်များ

Nehemías 9:11

Marë patomaihuatana, yanirotaquëchin piyapinënpita pëntonpi. Imaquipisopitaso nipirinhuëꞌ, anpoquë naꞌpi tëꞌyaitërëso pochin nitëran.

Éxodo 14:28

Yaꞌipi sontaroꞌsaꞌ, toronanënaꞌ, cahuarionënaꞌ, inapitarë chachin iiri imotërin huachi. Co aꞌnaya tëranta chaꞌërinhuëꞌ.

Éxodo 15:10

Quëmarisoꞌ chiníquën pihuihuatana, cosharo miꞌtërëso pochin marëri miꞌtërin huachi. Iꞌ nisoꞌnantërinsoꞌ huáncana nininquë promo pochin nicotaitomapi.

Éxodo 15:16

Catahuacoi Sinioro. Nisha nisha nacionoꞌsa tëꞌhuachina huachi. Naꞌpi co pacaritërinsohuë pochin, quëma nohuanton niinaꞌ. Piyapinënpitacoi noꞌpanëna naꞌhuëtaꞌhuai huarëꞌ napoꞌinaꞌ.

Proverbios 8:24

Coꞌhuara marëroꞌsaꞌ, iiroꞌsaꞌ, noꞌpaꞌ quëran iꞌsha pipirinsopita, inapita yaꞌhuëyátëraponhuëꞌ, caꞌton acorinco.

Miqueas 7:19

Iporanta Sinioro nosoroantacoi. Co noyahuëꞌ ninaisoꞌ inquitatoncoi paꞌpitatë pochin nitëquëꞌ. Marë anpotërinquë maꞌsha tëꞌyaitopiso pochin oshanëhuëinta nitëquëꞌ.

Mateo 18:6

“Huaꞌhuasha natërincosoꞌ anishacancantohuatamaꞌ, Yosë chiníquën anaꞌintarinquëmaꞌ. Aꞌnaquëontaꞌ imasapirinacohuëꞌ, co chiníquën cancanchatërapihuëꞌ. Inapitantaꞌ anishacancantohuatamaꞌ, anaꞌintarinquëmaꞌ. Coꞌhuara inapita anishacancanchatërapomahuëꞌ, marëquë chimiitëramaꞌ naporini, noya noya niitomahuëꞌ. Pancaraꞌpiquë aꞌsonconotahuatënënquëmaꞌ, tëꞌyaitërinënquëmaꞌ naporini, co aquëtëꞌ oshahuaintomahuëꞌ. Piyapi anishacancantacasoꞌ, paꞌpi co noyahuëꞌ.

Apocalipsis 18:21

Ina quëran huaꞌnarëso pochin niantarahuë. Aꞌna anquënintaꞌ yaꞌnoantarin, chiníquën nanantërinsoꞌ. Pancaraꞌpi masahuaton, marëquë tëꞌyaitërin. “Pancaraꞌpi tëꞌyaitërahuëso pochachin Papironia taꞌhuantarin. Panca ninanoꞌ niponahuëꞌ, taꞌhuantarin. Yosëri chiníquën anaꞌintarin. Co huachi yaꞌhuaponhuëꞌ.