Éxodo 15:3 - Chayahuita (Shahui)

³ Chini chiníquën niꞌton, inimicoroꞌsa tiquirin. Inasoꞌ, Sinioro itërëhuaꞌ.

Éxodo 15:3 ပူးပေါင်းရင်းမြစ်များ

Éxodo 14:25

Naporahuaton, toronanoꞌsa tahuinamën atachitërin. Atachitohuachina co huachi nanitopihuë manocaisoꞌ. Naporoꞌ iquipitoroꞌsaꞌ, noncacá topi: “¡Huëco israiroꞌsa patahuaꞌ! ¡Sinioro chinotopisoꞌ, ahuëarinpoa huachi!” topi.

Éxodo 3:13

—Israiroꞌsanta co natëponacohuëꞌ nimara: “Yosë chinotërëhuasoꞌ, shimashonënpoapitarinta chinotërinsoꞌ, yaꞌnotërinco. Ocoicaꞌhuanquëmaso marëꞌ yaꞌnotatonco aꞌparinco,” itarahuë. Napotohuato: “¿Maꞌninta nipachin inasoꞌ?” Itohuachinaco: “¿Maꞌta tëcapo?” itaantarin Moisësëri.

Éxodo 3:14

—Israiro ansianoꞌsa ayontonahuaton shaꞌhuitëquëꞌ: “Naporin Yosë: ‘Caso Yosëco yaꞌhuëmiatërahuë. Sinioro itaramaco. Shimashonëmapita Apraan, Isaco, Cacopo, inapita chinotërinaco. Iquipitoquë chiníquën aparisitërinëmaso nitotërahuë. Nani yonquirahuë nichaꞌëaꞌhuamaso marëꞌ. Iquipito quëran ocoirahuatënquëmaꞌ, Canaan parti quëpaaranquëmaꞌ. Inaquësoꞌ, cananoꞌsaꞌ, itiroꞌsaꞌ, amororoꞌsaꞌ, huirisëroꞌsaꞌ, iporoꞌsaꞌ, quiposoroꞌsaꞌ, inapita yaꞌhuërapi. Inapitasoꞌ, co manta chinotërinacohuëꞌ. Inaso noꞌpaꞌ noya noya, inaquëso co manta pahuaninhuëꞌ,’ tënin,” itëquëꞌ. Ina yaꞌnotatonco nontaꞌhuanquëmaso marëꞌ aꞌparinco.

Isaías 42:13

Míso ahuëtonaꞌpi pochin Siniorosoꞌ paꞌsarin. Ahuëtonaꞌpi chiníquën ahuëtërinso pochin nisarin. “Yai,” tahuaton caniaritarin. Inaporahuaton inimiconënpita minsëarin.

Isaías 42:8

Ina quëran Sinioro taantarin: “Caso Sinioroco. Ina mini nininëhuë. Casáchin noya noyaco niꞌton, paꞌyatiinacoso yaꞌhuërin. Co mamanshiroꞌsasoꞌ noya nicatona natëcaiso yaꞌhuërinhuëꞌ.