Éxodo 15:25 - Chayahuita (Shahui)

²⁵ Moisësëso nipirinhuëꞌ, Yosë nontërin. Inari catahuacaso marëꞌ nontohuachina, aꞌnara naraꞌhuaya aꞌnotërin. Ina masahuaton iꞌshaquë tëꞌyaitohuachina noyaitërin huachi. Inaquë Yosëri israiroꞌsa natëtonoꞌsa nicacaiso marëꞌ tënirin. Naporahuaton onpopinsona nicacaisoꞌ Yosëri pënënin:

Éxodo 15:25 ပူးပေါင်းရင်းမြစ်များ

2 Reyes 2:21

huinanquë paꞌsahuaton inaquë taꞌsaitërin. Inapoapon pochin: —Naporin Sinioro: “Cari iso huinan anoyaitërahuë. Iporasoꞌ co huachi ina oꞌorama quëran caniotoma chiminapomahuëꞌ. Co noꞌpaꞌ tëranta tapiarinhuëꞌ. Iporasoꞌ maꞌsha shaꞌpatamaꞌ, noyatapon huachi,” tënin, itërin.

2 Reyes 6:6

—¿Insëchinta paꞌnin? itërin Irisiori. Napotohuachina aꞌnotërin. Naporoꞌ Irisioso nara pëꞌshitërahuaton, inaquë chachin tëꞌyaitërin. Inapotohuachina yanpointarin.

Salmos 66:10

Napoaton ina nontato: “Quëmasoꞌ Yosënëhuëinquën. Prata asoquirëso pochin tënirancoi.

Salmos 91:15

Nontohuatamaco aꞌpaniaranquëmaꞌ. Ca chachin caꞌtanaranquëmaꞌ. Maꞌsha onpoatoma co napion ancantopiramahuëꞌ, nichaꞌësaranquëmaꞌ. Inapotaranquëma niꞌton, naní quëran noya niꞌsarinënquëmaꞌ.

Éxodo 14:10

Yaꞌcaritapiso quënanatonaꞌ, israiroꞌsaso paꞌpi paꞌyanpi. Paꞌyanatonaꞌ, chiníquën Yosë nontopi: “Sinioro catahuacoi,” itopi.

Éxodo 16:4

Naporo Yosëri, Moisësë itapon: “Ca nohuanto cosharoꞌ, inápa quëran oꞌnan pochin anotimapon. Nani tahuëri paꞌsahuatonaꞌ, macacaiso yaꞌhuërin. Pëꞌyainpichin macaponaꞌ. Pancasomaria tahuëriso nipirinhuëꞌ, cato tahuëri marëꞌ machinaꞌinaꞌ. Inapotato inpitasona natërinacosoꞌ, inpitasona co yanatërinacosohuëꞌ, nohuitarahuë,” itërin.

Éxodo 17:4

Napotohuachinara, Moisësëso chiníquën Yosë nontërin. —¿Maꞌta Sinioro isopita onpochi? ¡Co huaꞌquiya quëranhuëꞌ naꞌpiquëtaponaco! itërin.

Éxodo 20:20

—Ama paꞌyancosohuëꞌ, Yosë oꞌmarin tëniinquëmaso marëꞌ. Ina pochin yaꞌnotërinquëmaꞌ, ina tëꞌhuatatoma ama oshahuanamaso marëhuëꞌ, itërin.

Jeremías 15:1

Aꞌna tahuëri Sinioro nontatonco itaponco: “Israiroꞌsa nichaꞌëahuaso marëꞌ Moisësë, Samoiro, inapita nontopirinacohuë tërantaꞌ, co nosoroꞌitohuëꞌ. Shaꞌhuitëquë noꞌpanëhuë quëran pipiinaꞌ.

Jeremías 9:7

Caso Sinioroco yaꞌipi nanitaparahuë. Carima shaꞌhuitaranquëmaꞌ. Piyapinëhuëpita naponpi niꞌton, pën quëran tënicaꞌhuaso yaꞌhuërin. Co huachi onpotochináchinhuë niꞌton, napotarahuë.

1 Corintios 1:18

Aꞌchinpatëra, “Quisocristo corosëquë chiminin nichaꞌëinpoaso marëꞌ,” itërahuë. Aꞌnaquën natanpachinara, tëhuapi. Naporinsopita chiminpachinaꞌ, parisitomiatapi. Canpoaso nipirinhuëꞌ noya natanëhuaꞌ. Nani Yosë anoyacancantërinpoaꞌ. Yosëíchin nanitaparin nichaꞌëinpoasoꞌ.

Deuteronomio 13:3

Napotohuachinquëmaꞌ, ama natëtocosohuëꞌ: ‘¿Tëhuënchachin taꞌma yaꞌipi cancanëna quëran, yaꞌipi huaꞌyanëna quëran nosororinaco ti?’ taꞌton, Sinioro tëniarinquëmaꞌ.

Deuteronomio 8:16

Ina chachin mana quëtërinpoa capacaso marëꞌ. Inaso cosharoꞌ, shiꞌmashonënpoanta co nohuitopihuëꞌ. Inapotatënquëma tënirinquëmaꞌ. Naporahuaton, natëtochináchin cancantamaso marëꞌ napotërinquëmaꞌ.

Deuteronomio 8:2

Catapini shonca piꞌi inotëro parti paꞌtasëmaꞌ, Sinioro nohuanton nisha nisha maꞌsha onporamaꞌ. Inapotatënquëmaꞌ, natëtochináchin cancantamaso marëꞌ napotërinquëmaꞌ. Onpopinsona cancantëramasoꞌ, nitotacaso marëꞌ tënirinquëmaꞌ. Naporahuaton: ‘¿Tëhuënchachin taꞌma natërëꞌponaco to?’ taꞌton napotërinquëmaꞌ. Inaso nipirinhuëꞌ, co patërinquëmahuëꞌ. Ama ina naniantocosohuëꞌ.

Jueces 2:22

Inapotaton Siniorosoꞌ, israiroꞌsa yonquipiso yanitotërin: “¿Shimashonëna pochin taꞌma isopitanta natëtonaco imaponaco to?” taꞌton napotërin.